Поголема количина врнежи имало и во Скопје-Зајчев Рид 19 литри, во Скопје-Петровец 11, во Берово 8, во Крива Паланка 7, во Виница 5, во Дебар 3, во Ѓуриште 2 и во Лазарополе 1 литар на метар квадратен.

Од УХМР информираат дека времето денеска ќе биде променливо облачно и посвежо со повремени локални врнежи од дожд, особено во северната половина од земјава.

На одредени места ќе има услови за развој на нестабилна облачност со пороен дожд и грмежи.

Доцна попладне облачноста ќе се намалува и врнежите ќе престанат насекаде. Ќе дува умерен до засилен северен ветер.

Максималната температура ќе биде во интервал од 21 до 30 степени. УВ индексот ќе има вредност 6.

Од утре следува период на стабилно и потопло време. Дневната температура ќе биде во постепен пораст, но ќе се задржи во рамките на просекот за овој период од годината. /МИА

Датум на објава: недела, 13 август 2017 во 12:18
www.kanal5.com.mk

коментари

остави коментар