“Чад на хоризонтот” за нелегалното оружје на Балканот

Публикацијата “ Чад на хоризонтот” ја анализира поврзаноста на нелегалното оружје на Балканот со војната во Украина.

Профит на организираниот криминал од војните не е првото нешто што ни паѓа на ум, додека со ужас го следиме разорот во Украина. Но, сите војни имаат дополнителни свои негативни ефекти на прелевање и долгорочни штетни последици. За дел од нив можевме да посведочиме и од конфликтите во некогашна Југославија во 1990-тите и тука вбројувајќи го и оној во Македонија во 2001-вата година.

Во својата нова публикација Глобалната иницијатива против транснационалниот организиран криминал (ГИ-ТОК) насловена како “ Чад на хоризонтот” анализира дека како што се зголемува приливот на оружје во Руско-Украинската војна, така паралелно се зголемува и ризикот од потенцијалниот шверц на истото надвор од границите на војната.

Александар Србиновски, координаторот за Македонија и Југоисточна Европа за ГИ-ТОК, информира дека ова истражување било спроведено во 2023 и 2024 година на територијата на Украина и во државите од Западна и Источна Европа и Балканот.

- Во истражувањето вршевме собирање на цените на црниот пазар за оружјето во Украина, во Европа и на Балканот, под претпоставка дека ако се изврши споредба на цените во различни локации, ќе се дознаат и потенцијални промените во овој нелегален бизнис. Токму сублимираните податоци на овој начин на глобално ново ќе ни ја расветлат и природата на понудата и побарувачката на нелегалното оружје на национално и транснационално ниво – вели Србиновски.

Според него податоците во истражувањето се добиени од најмалку стотина интервјуа со преставници на полициите на државите во Европа, истражувачките новинари, универзитетските професори како и претставниците на подземјето во бројните земји.

- Квалитативните интервјуа со извори од подземјето, органите на прогонот, новинарите и други помогнаа да се разјасни сликата за овој проболем во однос на податоците за побарувачката за оружје кај криминалците, апетитот за ризик и потенцијалните двигатели и бариери на овие структури. За да ја имаме целосната слика се изврши и собирање на информации за заплени и официјални извештаи за огнено оружје и истражување за трговијата на оружјето на дарк веб интернет страниците – објаснува Србиновски.

Што се однесува на Балканот, додава Србиновски податоците во публикацијата “ Чад на хоризонтот”, велат дека барем засега не постои доказ дека балканските криминални групи шверцуваат оружје кон и до Украинските фронтови, но она што е многу загрижувачко е дека цената на нелегалното оружје е во пораст во регионот, а тоа е пак иницира дека за оружјето на Балканот расте и побарувачка.

Последна снимка на семејството пред количката со близначиња да заврши на шините, а возот доаѓал

Татко и неговата двегодишна ќерка загинаа кога ги удри воз во Сиднеј откако количката со близнаците заврши на шините.

Сведоците со ужас гледаа како количката со двегодишните близнаци паѓа од платформата на железничката станица на шините додека возот пристигнува, објави Дејли Меил.

Таткото на девојчето (40) веднаш скокнал од платформата во херојски обид да ги спаси своите деца, но за жал не успеал. Тој починал заедно со едно од девојчињата, додека другото било неповредено.

Мајката на девојчето (39) извикала „спаси ми ги бебињата“ од платформата, секунд пред трагедијата, велат очевидци.

Уште едно девојче за чудо се спасило од повреди иако завршило под возот.

Австралиските медиуми објавија видео од семејството неколку моменти пред трагедијата. На него се гледа како таткото ги турка девојчињата во количка, додека мајката оди покрај нив со количка за пазарење. Семејството изгледа опуштено додека се шетаат, не знаејќи каков ужас ќе ги снајде.

Трагедијата се случила вчера на железничката станица во Карлтон, јавуваат медиумите.

Полицаецот Пол Данстан рече дека родителите со лифтот се качиле на платформата на станицата, каде за момент ги тргнале рацете од количката.

Количката со близнаците потоа се истркалала кон железничката пруга, додаде тој.

Полицијата добила повик околу 12:25 часот откако очевидци виделе количка како паѓа од перонот на патеката на возот што доаѓал.

Возот не требало да застане на таа станица и се чини дека забавил пред трагедијата, но не успеал навреме да запре.

Кога видел дека количката е тргната кон шините, таткото се обидел да ги спаси своите деца, но за жал не успеал.

Тој и едната ќерка загинале, додека другото девојче било неповредено.

Мајката (39) и другото девојче се пренесени во болница и нивната состојба е стабилна.

Девојка остана заглавена на аеродромот во Бангкок поради бизарен превид: Цело време плачев

Рози Вискоми (27) од Норфолк се најде во центарот на медиумското внимание, бидејќи требало да патува од Бангкок до Лондон, но поради необичен превид останала заглавена на аеродромот.

Таа останала на тајландскиот остров Кох Фа-нган, каде што студирала јога. Сепак, немала поим какви проблеми ќе ја снајдат кога ќе се враќа во Британија.

Таа резервирала лет за поврзување (Индија и Турција) и требало да се врати во Лондон на 4-ти јули. Меѓутоа, не можела да влезе во авионот бидејќи властите откриле дека страницата со фотографијата во пасошот е делумно скината.

Дополнително, ја известиле дека визата ѝ е истечена, што значи дека била илегално во земјата, иако тврдела дека документите ги средила само неколку дена порано, пишува „Дејли мејл“.

Вознемирена и исплашена од апсење, Рози контактирала со британската амбасада за да договори враќање дома, но целиот процес бил скап.

„Кога пристигнав на аеродромот ми рекоа „не одиш никаде со тоа“, мислејќи на скинатата страница. Им објаснив дека така било и кога влегов во државата. Рекоа дека Индија нема да ме пушти и дека морам да резервирам директен лет за Лондон“, вели девојката.

Рози тврди дека страницата ја скинала само за еден сантиметар, а со таков пасош, без проблем патувала низ Америка и Јамајка.

„Пропуштив лет кој чинеше 440 евра. Морав да извадам специјални документи и само се молам да се вратам дома. Всушност, не ми остануваат пари, бидејќи не сметав на дополнителни трошоци. Имиграциските власти велат дека би можела да платам дополнителни 380 евра затоа што ми истече визата.

Рози резервирала директен лет за Лондон и споделила како се чувствувала.

„Беше страшно, не знаев што да правам. Само плачев, а луѓето ми велеа дека ништо не можат да направат. Сакав да се вратам дома“.

Нејзината сестра, во меѓувреме, отворила страница за собирање средства за да ѝ помогне во решавањето на проблемот со дополнителните патни трошоци.

Пијан Грк до смрт претепал гостин на крштевка, па дивеел низ селото

Никос М.(64) е брутално убиен на прослава на крштевка во Грција кога, како што се сомневаат, до смрт бил претепан од пијан гостин, поточно маж и неговата сопруга.

Злосторството се случило вчера во селото Агиос Петрос во Аркадија, а полицијата ги привела осомничените кои денеска се изведени во обвинителството.

Убиството се случило на централниот плоштад во селото во раните утрински часови, по крштевката на која присуствувале голем број гости.

Несреќниот Никос изгубил свест на улицата од тешките тепања, а кога еден од минувачите го прашал тепачот: „Дали е мртов“, осомничениот одговорил: „Лаже, добро е“.

Пријател на жртвата тврди дека го видел осомничениот како пијан се сопнува на плоштадот.

„Беше утро и го видов како вика, беше во паника, не знаеше каде е“, изјавил сведокот за Мага.

Според очевидци, сѐ започнало кога Никос ѝ рекол нешто на сопругата на осомничениот, по што осомничениот почнал да го тепа додека не го убил. Осомничените прво го оставиле несреќниот маж да лежи на плоштадот во локва крв, но наводно потоа се вратиле на местото на злосторството.

„Напладне се организираше крштевка во селото и прославата траеше 12 часа. Гостите пиеја и јадеа од пладне и не станаа од трпезата дури два часа по полноќ. Насетувавме дека ќе се случи нешто лошо бидејќи имаше толку многу луѓе на крштевката и повеќето од нив беа пијани“, велат очевидци.

Околу два часот по полноќ дел од гостите ја напуштиле прославата и отишле во кафуле на плоштадот да се напијат кафе и малку да се отрезнат.

"Таму, изгледа, жртвата почнала да флертува со жена од таа група, а таму бил и нејзиниот сопруг. Полудел и почнал да го удира. Тогаш скокнал друг од групата и почнал да го тепа тој маж. Во еден момент го оставиле дека лежи на плоштадот без свест. Го оставиле неколку минути, бидејќи сопругата на осомничениот врескала да го остават на мира, но тие се вратиле“, велат очевидци, пренесува Прототема.

Тогаш, според нивните изјави, осомничениот сфатил дека човекот што брутално го тепал изгубил свест.

"Потоа почна да му вика да стане. Овој, се верува дека веќе бил мртов. Колку што знам, тој и жената признале дека го тепале, но имало и друг маж", рекол очевидец за грчките медиуми.

притисни ентер