Ахмети: Османи претседателски кандидат на ДУИ - „Не“ за Русија, „Да“ за Европа

Со Бујар Османи ДУИ влегува во претседателската трка- лидерот на партијата Ахмети на прес конференција ги потврди долгонајавуваните шпекулации дека шефот на дипломатијата ќе биде нивниот предлог.

Со Бујар Османи ДУИ влегува во претседателската трка- лидерот на партијата Ахмети на прес конференција ги потврди долгонајавуваните шпекулации дека шефот на дипломатијата ќе биде нивниот предлог, откако пропадна идејата за консензуален кандидат со СДСМ. Под изборниот слоган „Не за Русија, да за Европа“ Ахмети рече дека руското влијание било вистинска закана за Македонија, а дел од решението според него е по изборите да се изгласаат уставните измени, а со тоа земјава да се изјасни дека е за Европската Унија.

-Поларната мечка, Русија, ни тропа на врата и е веќе во сите пори на нашето општество, дестабилизирајќи ги иституциите и влиаејќи во политичката сцена во земјата. Со Бујар го започнуваме најважниот референдум на нашето време. Оваа ваша доверба ќе ни овозможи со отворањето на Уставот да го спроведеме и Договорот со Бугарија и да ја деблокираме европската интеграција и така да и кажеме на Русија, оди си! - Али Ахмети – претседател на ДУИ.

На конгрес вечерва ќе се официјализира и кандидатурата на претседателот на „ЗНАМ- За наша Македонија“, Максим Димитриевски, најавија од неговата партија. Внатрепартиската анализа велат дека им покажала пласман во вториот круг и победа на изборите.

-На Македонија и е потребен татко на нацијата, чувар на идентитетот и заштитник на историјата. На Македонија и е потребна предвидливост, надеж, стабилност, сигурност, правда, иднина. На Македонија и е потребен претседател којшто ќе го даде максимумот за неа. На Македонија и е потребен Максим Димитриевски.- Никола Мемов – портпарол на „ЗНАМ- За наша Македонија“.

Дека ќе се бори за позицијата шеф на државата, најави синоќа и лидерот на „ГРОМ“ Стевчо Јакимовски, кој рече дека тој е решение, а не алтернатива на досегашните понуди од политичките партии.

-Имајќи го предвид моето долгогодишно искуство, годините коишто ги имам зад себе, белава коса, како и јасните политички ставови кои сум ги изразувал во изминатиот временски период, им даде за право на моите колеги да ме предложат. Стевчо Јакимовски – претседател на „ГРОМ“.

Досега кандидатури за претседателските избори најавија и Арбен Таравари како консензуален предлог на обединетата албанска опозиција, професорката Билјана Ванковска поддржана од Левица и д-р Вело Марковски. Бидејќи зад нив немаат најмалку 30 пратеници во Собрание, имаат обврска да соберат 10 илјади граѓански потписи преку подрачните единици на Државната изборна комисија, според роковникот од утре најдоцна до 8 март.

Димитриевски: Мора да ја спречиме корупцијата, мора да ја вратиме правдата

 Мора да ја спречиме корупцијата, мора да ја вратиме правдата. 

Ние во Македонија имаме судови и судии, правда немаме. Имаме обвинителства и обвинители, а обвиненија само за оние кои пркосат со власта, изјави вечерва Максим Димитриевски, претседателски кандидат на Движењето ЗНАМ, За наша Македонија во Кавадарци.

Од позиција на иден претседател на државата рече дека во првите сто дена ќе предложи стратегија за борба против корупцијата и криминалот. Но, особено за борба против политичкиот кримина бидејќи, како што нагласи, главниот криминал и корупција се токму во политиката. Народот е сила, истакна тој, а партиите постојат за народот и кога ќе се однародат, народот им вели „не“.Затоа повика за обединување на народот и упати порака дека е можно тоа.

Димитриевски се осврна на нивната програма „Манифест за Македонија“, упати критики за тоа како се одвивале работите во изминатите триесет години, говореше за променетите општествени вредности и најави промени.

- Масовноста овде значи дека сме на вистинскиот пат, истакна тој, подвлекувајќи дека треба да се создадат услови за внесување достоинствено во Европа, да се вратат тие што заминаа.

Димитриевски критикуваше за лоша организираност на работите во државата која има се, многу предности. Најави еднакви права, но и обврски за сите, беше дециден дека Македонија е Република и таква и ќе остане. Овие избори, рече, се суштинскиот момент. Сега е моментот. Да се излезе масовно на избори.

Нашата цел е, додаде, Македонија да ја трансформираме во самоодржлива држава. Држава што ќе биде своја на своето. Граѓаните, подвлече, заслужуваат поубав и подостоинствен живот.

- Масовно да излеземе на избори на 24 април и да ја дадеме поддршката, таму каде што се граѓаните, а граѓаните се со ЗНАМ, за наша Македонија, а јас како претседател на Македонија, ќе го дадам својот максимум за сите и ќе бидам претседател на сите, порача тој од Кавадарци.

Караванот на Димитриевски претходно ги посети Демир Капија и Неготино. Во Демир Капија тој најави дека ќе иницира законски решенија за директна помош на вистинските винопроизводители.

- Од позиција на претседател на Македонија ќе иницирам нови законски решенија за директна помош, особено на реалните винопроизводители, а се со цел семејните активности да се трансформираат во семејни бизниси, а малите бизниси да се трансформираат во средни бизниси. Тоа ќе придонесе во равојот на економијата, како и во зголемувањето на приходите во буџетот, рече Димитриевски.

Дугари: Ставот на Мбапе е скандалозен, тоа е недостаток на почит

Поранешниот француски репрезентативец Кристоф Дугари фрлаше дрвја и камења кон сонародникот Килијан Мбапе.

Повод секако е првиот четвртфинален натпревар од Лигата на шампионите помеѓу Пари Сен Жермен и Барселона во Париз. Каталонците славеа како гости на „Паркот на принцовите“ со 3:2, а Килијан Мбапе разочаруваше со играта во текот на 90 минути.

-Тој го покажа најлошото во фудбалот, најлошото од играч од врвна класа. Може да згрешите при додавање, да не дриблате и да имате лош ден, но неговиот однос беше скандалозен, недостигаше почит, ги пренесоа светските медиуми зборовите на Кристоф Дугари, поранешен фудбалер на Бордо, Милан, Барселона. ...

Статистичарите пресметале дека Мбапе добил само два од вкупно десет дуели против Барселона, дека успеал само при еден дриблинг за 90 минути и дека немал ниту еден удар кон голот, ниту пак им асистирал на соиграчите.

Реваншите од четвртфиналето на Лигата на шампионите се закажани за следната недела: Барселона и Пари Сен Жермен играат во вторник, а Борусија и Атлетико Мадрид во Дортмунд.

Реал Мадрид во среда ќе гостува во Манчестер, додека тимот на Арсенал ќе пристигне во Минхен./МИА

Макрон до Рама: Вашиот глас е драгоцен за нормализација на односите Косово-Србија

Претседателот на Франција, Емануел Макрон денеска го поздрави, како што рече, посебниот и силен глас на Албанија во регионот и на меѓународната сцена.

На заедничката прес-конференцијата со албанскиот премиер Еди Рама, кој е во дводневна официјална посета на Франција, Макрон му порачал дека „во сите регионални прашања неопходна е нормализација на односите меѓу Србија и Косово, каде што вашиот глас е многу значаен“.

- Албанија е силен глас и во Советот за безбедност на Обединетите нации во последните две години. Бевте домаќини на регионален самит на кој го поканивте и украинскиот претседател Володомир Зеленски, што беше дополнително зајакнување на поддршката за Украина, истакна Макрон, јави Ора њуз.

Рама, од своја страна, високо ги оцени односите меѓу двете земји, додавајќи дека „Албанците ги ценат своите пријатели".

Тој му гарантирал на Макрон дека доколку Франција во одреден момент има проблем, „не треба да се двоуми туку да повика Албанец".

-Албанците беа скептични кон Франција пред неколку години, но сега знаат дека Албанија има уште еден пријател. Ние Албанците не сме богати, но имаме единствена способност: Ако еден ден бидете во момент на тешкотија, повикајте Албанец и тој ќе дојде, рекол тој.

Рама придружуван од сопругата Линда и повеќечлена владина делегација во Париз допатува вчера попладне.

Предвидено е двете земји да потпишат неколку договори и меморандуми за разбирање меѓу двете земји. /МИА

притисни ентер