Амбер Алерт Европа ја стартува кампањата „Провери. Размисли. Пријави“, во Македонија и 15 земји

На улица, на игралиштата и во парковите, сами или во метеж, или пак преку онлајн навлекување, предаторите ги користат сите можни механизми да дојдат до децата.

На улица, на игралиштата и во парковите, сами или во метеж, или пак преку онлајн навлекување, предаторите ги користат сите можни механизми да дојдат до децата, а само во Европа, над 300.000 годишно насилно се одземаат од своите родители, а голем дел од нив никогаш повеќе не се соединуваат... Сепак борбата против овој грозоморен чин продолжува... Амбер алерт Европа ја стартува кампањата под слоганот „Провери. Размисли. Пријави“, во 16 земји од кои дел ќе биде и Македонија, преку која ќе се советуваат граѓаните како да постапат во случај на исчезнато дете...

- Министерството за внатрешни работи учествува во кампањата на фондацијата „Амбер алерт“ која што се спроведува овој месец во насока да ја подигнеме свеста кај граѓаните и да укажеме на граѓаните, доколку имаме случај на исчезнато лице како треба да се постапува и што треба да се направи. Името на кампањата го дефинира нејзиниот основен совет: „Проверете“ за да го потврдите отсуството на детето. „Размислете“ за да се потсетите на најважните детали и да ја процените ситуацијата и „Пријавете“ за да ги алармирате надлежните,- - МВР.

Дел од оваа кампања ќе биде и платформата „Најди ме“ која беше лансирана по исчезнувањето на Вања Ѓорчевска. Од таму велат дека во училиштата мора да има сериозна едукација на децата како да се заштитат и да ги проценат опасностите, а воедно упатија и неколку совети за заштита до родителите и младите за заштита од предатори.

-Секое сомнително комуницирање, во смисол сомнително со лице прво не го познаваме, запознавање на лица преку интернет и барање за средба од нивна страна да не се прифаќа. Најголем предизвик е кај најмладите, малите деца знаете, имаат ограничена едукација, немаат образование почнато, можеби слабо зборуваат, комуницираат со било кој да им се приближи, такви се децата, доверливи се, може да ги излажат со едно чоколатце или лижавче, секако за нив сме ние возрасните одговорни,- -Александра Радевска – новинар – платфортма „Најди ме“.

Последниот случај на нерешено исчезнување на дете во земјава се случи во 2022 година. Сликата на Петар Џобески кому му се изгуби секаква трага и глас на 11 годишна возраст се уште стои на страницата на МВР во делот на исчезнатите лица...

НСДП: Нема да дадеме поддршка за ваков состав и програма на Влада

Мандатарот Мицковски предлага состав на Влада со кадри на Груевски, во најголем дел тоа се луѓе кои во минатото служеа на режимот на ВМРО-ДПМНЕ и ги пратат многу скандали.

Граѓаните за брзо ќе ги видат на дело кадрите на „рециклираниот режим“ и „заробената држава“ која ја инсталираа во десетгодишното претходно владеење.

Кадри кои служеле на режимот на Груевски, почнувајќи од Мицковски, не може да донесат и спроведат реформи, матрицата од претходното нивно владеење останува иста.

Во град Скопје и во општините три години го гледаме нивниот начин на спроведување на „реформи“ и нови проекти, хаос, безредие, прсти во медот, блокирани и нефункционални локални институции, партиски вработувања и скандали.

Првите потези и чекори го најавуваат моделот на владеење, особено ако ги гледаме потезите на претседателката на државата која уште во првите недели од мандатот го крши Уставот, ги влошува односите со соседите и на нeдостоинствен начин ја претставува државата.

Од ВМРО-ДПМНЕ очекуваме да ретерира и отстапува од изборните ветувања со кои ги изманипулираа гласачите, тоа се гледа и по првите потези на нивното делување: не го намалија бројот на министерствата, го прифатија Преспанскиот договор наместо да го ревидираат како што веруваа во предизоборната кампања и нема да го вратат претходното уставно име, не предлагаат ревидирање на Охридскиот договор и договорот со Бугарија, вонинституционално договараат задолжување од една милијарда евра, ги влошуваат односите со соседите.

НСДП нема да даде поддршка за ваков состав и програма на Влада.

СЛУЖБА ЗА ОДНОСИ СО ЈАВНОСТ НА НСДП

Известување од Канал 5 ТВ до македонската јавност!

Следејќи ги обврските кои произлегуваат од Законот за Аудио и Аудиовизуелни медиумски услуги, ТРД Канал 5 ДООЕЛ Скопје ја известува нашата јавност за следново:

Канал 5 ТВ ја известува јавноста дека со последните измени на Законот за Аудио и Аудиовизуелни медиумски услуги (ЗААВМУ), членот 141 а , ставови 2 и 3, обврзани сме јавно да ги повикаме кабелските оператори за склучување на нови комерцијални договори.

Истовремено ја информираме целата јавност во Македонија но и надвор од неа, дека нашата земја е единствена во Европа каде комерцијалните кабелски и останати оператори кои го реемитуваат нашиот сигнал, не ни плаќаат за нашите авторски и сродни права, што пак не е случај со регионалните и останатите странски ТВ канали кои се реемитуваат во Македонија.

Затоа, почитувајќи ги позитивните законски прописи, објавуваме дека од 1ви Септември 2024 год. очекуваме од операторите на јавни комуникациски мрежи , односно кабелските оператори, од претплатата која ја наплатуваат од граѓаните на Македонија, да одвојат максимум 15 ден. + ДДВ по еден претплатник.

Оваа сума ќе остане на сила до моментот на промена на истата.

Менаџмент на Канал 5 Телевизија

Почина француската глумица Анук Еме

На 93-годишна возраст, денеска во Париз, почина француската глумица Анук Еме. Веста за смртта ја соопшти претставник на агенцијата „Тајмарт“ (TimeArt), а ја потврди нејзината ќерка Мануела Папатакис на Инстаграм.

Анук Еме е позната по улогите во филмот на Клод Лелуш - „Еден маж и една жена“ (1967) и „Долче вита“ (1960) на Федерико Фелини.

Зад себе има 92 филмски и ТВ-проекти, номинација за „Оскар“ за главна женска улога во „Еден маж и една жена“, како и 20-на други одличја и номинации. Последен филм каде што таа глуми е „Најдобрите години од еден живот“ од 2019 година. /МИА

притисни ентер