Кортни Кардашијан сака да и биде сурогат мајка на својата сестра Клои

Клои Кардашијан иако веќе три години е во брак со кошаркарот на Клиперси Ламар Одом се уште нема деца , нејзината сестра Корни поради тоа се понудила да и биде сурогат мајка.



Кортни Кардашијан и нејзиниот сопруг Скот имаат две деца , тригодишниот Мејсон и осуммесечната Пенелопа, а нејзината славна сестра Ким го очекува првото дете со раперот Вест. Сепак Клои веќе три години се обидува да ја излекува својата неплодност и да добие дете во бракот со кошаркарот Ламар Одом.

Токму од тие причини нејзината сестра Корни се понудила да и биде сурогат мајка. Дека најстарата од сестрите Кардашијан е сериозна во својата  намера го потврдува и фактот што таа веќе сериозно на оваа тема разговарала и со својот сопруг  кој веднаш ја подржал во намерата.
-Мислам дека тоа е голема одлука, и разбирам дека сакаш тоа да го направиш за своето семејство, порача сопругот на Кортни.
Иако Клои на почетокот не размислуваше сериозно на вакво нешто , Корни и порача „Само сакам да знаеш дека ако биде потребно некој да го носи твоето дете , јас би го сториле тоа со задоволство за тебе“.

Избрани петте естетски најуспешни автомобили на деценијата

Кога станува збор за естетиката , не може да се донесе прецизна оценка , се додека не се употреби и науката.

Токму тоа го направи британскиот Carwow , кој одлучи да го примени златното правило за естетика врз автомобилите. Математички базираниот структурен термин се користи во уметноста со векови, и едноставно кажано, тоа е начин да се одреди естетска вредност со делител од приближно 1,6 што е златниот број на убавина.

Доколку се примени овој закон, во кој помалиот дел кон  поголемиот се однесува како поголемиот према целината, се добива неочекувана листа. Најубавиот автомобил во изминатата деценија е малиот Смарт, бидејќи златното правило за убавина го исполни со 98,83%.

Во топ 5 се рангирани и  Volkswagen Up! (98,62%), Opel Mokka (98,57%), Тоyota Corolla (98,56%) и Nisan Micra (98,55%). Ако се прашувате каде се супер автомобилите на Lamborghini, знајте дека се на дното, некаде околу 500-тo место . Најгрдиот автомобил на ова тестирање е Ford Fiesta ST на 626.  место со само 34,31% поклопување со  древното правило за убавина .

Разделба на ќерката од таткото , осуден на затвор поради три кубика дрва

Денеска на социјалните мрежи ворегионот се шири фотографија на која се разделува татко и неговата ќеркичка , затоа што тој оди во затвор.

Станува збор за Босанецот Фикрет Дедиќ , кој оди на отслужување шестмесечна казна затвор , зашто исекол три кубика дрва од државна шума.

Неговата сопруга Рамиза вели дека тој сечел дрва во шумата зашто немаат пари , а треба да се згрее скромниот дом , каде живеат со три деца . Таа вели дека по објавувањето на фотографијата на Фејсбук , почнале да доаѓаат хумани луѓе за да им нудат помош.

Ни Фикрет ниту Рамиза немаат работа ,а работат сезонски за да го прехранат семејството. Неговиот пријател во објавата на фејсбук објави дека Фикрет не сакал да краде од продавница или од луѓе , туку отишол во државна шума , ги исекол дрвата и ги пренел до дома на грб.

Сите нови автомобили ќе мора да задолжително да имаат пет системи

Земјите-членки на ЕУ конечно се согласија за промени во новите автомобили и комбиња и нивната опрема за безбедност.

Почнувајќи од 2022 година, сите нови возила на продажба во ЕУ, ќе имаат приклучок Алколок, црна кутија, автоматски систем за сопирање и систем за предупредување за менување лента (освен ако не се вклучени индикаторите за вртење).

Исто така, дизајнерите на сите нови автомобили и комбиња ќе треба да понудат форма за предниот дел на возилото, што ќе го намали ризикот од повреди на пешаците и велосипедистите при судир.

Алколок ќе обезбеди опција за оние кои биле казнети поради возење под дејство на алкохол , задолжително да направат алкотњест пред да го стартуваат автомобилот, а во спротивност , се вклучува систем , што не му дозволува на автомобилот да тргне.

Доколку возачот има  недозволено количество алкохол, нема да можат да го стартуваат моторот на возилото.

Што се однесува до црната кутија, таа ќе ги сними податоците за телеметрија пред, за време и по сообраќајна несреќа.

притисни ентер