Французите воодушевени од македонската староградска архитектура

Историчари, кустоси и конзерватори од регионот Алзас ја сочинуваа првата организирана група на туристи од Франција која дојде во Македонија.
Четириесет професионалци, осум дена престојуваа, ги разгледаа културно историските вредности, туристичките и економски потенцијали на Македонија. Во земјава ги донесе Асоцијацијата Алзас со цел да се интензивира соработката на граѓаните од Франција и од Македонија.
„Сакаме да направиме поголема соработка на планот на развојот на туризмот и носењето на туристи од регионот Алзас од Стразбур овде во Македонија“, изјави Жак Шлеф, претседател на АЛМА.

Автентичната старо- градска архитектура посебно старите велешки куќи изградени од дрво и камен го привлекоа вниманието на туристите. По првиот престој во Македонија ја опишаа како убава и топла земја со љубезен народ и богата историја многу слична на француската.
„Сите ние сме за првпат во Македонија и еве денеска сите ме прашуваат кога повторно ќе дојдеме“, вели Ришавај Бел,претседател на асоцијација за историја на Алзас.

„Велес е навистина убаво место. Имате убави куќи, убава архитектура и имате уште многу, многу нешта за да го направите уште поубав град“, порача  Марта Стифел, турист.

Изминатата недела оваа група на туристи престојуваше во Скопје, Битола,Прилеп, Охрид, Кочани и Велес.
Денеска тие се враќаат во Франција со постигнат договор за првото гостување на женскиот фудбалски клуб од Кочани во Алзас.

Македонските фудбалерки за десеттина дена ќе заминат во Франција како први промоторки на спортот. Очекувањата се дека во втората тура која од Франција ќе дојде во Македонија ќе бидат познати тур оператори од Алзас.

Косово издаде меѓународна потерница по српски националист за убиство на Ивановиќ

Косово издаде меѓународна потерница по српскиот националистички лидер Милан Радојчиќ поради вмешаност во убиството на политичарот Оливер Ивановиќ , соопшти денеска министерот за правда.

Оливер Ивановиќ беше убиен во јануари 2018 пред канцеларијата на својата партија во Косовска Митровица ,во делот на градот населен со српски жители.

Судот во Приштина денеска издаде потерница по главниот осомничен Милан Радојчиќ, соопшти министерот за правда, Абелард Тахири.  

Радојчиќ живее во Србија и често може да се види во друштво со српскиот претседател Александар Вучиќ. Тој негираше каква било вмешаност со убиството на Ивановиќ.

Косовските власти лани уапсија двајца полицајци , Срби по националност, во рамки на истрагата за убиството на Ивановиќ.

Ќе има ли забрана за одржување на првата геј парада во Сараево?

Министерот на полицијата на кантонот Сараево соопшти дека собирот не добил одобрение за одржување.

Првата парада на городста во Сараево , најавена за почетокот на септември би можела да биде забранета , најави денеска министерството за внатрешни работи на кантонот, поради тоа што властите биле подфелени по ова прашање.

Министерот за внатрешни на кантонот Сараево, Адмир Катица рече дека собирот нема дозвола за одржување , а појасни и дека може да биде издадена забрана за одржување на парадата на гордоста.

Во исто време , премиерот на кантонот Сараево , Един Форто порача дека ќе направи се за парадата да се одржи.

И политичките партии во БиХ се поделени во врска со одржување на собирот , така што дел порачуваат дека  тоа уште повеќе би ја вжештило политичката состојба во земјата , додека дел од партиите се залагаат за прв пат да се одржи Прајд во Сараево.

Царовска на маалска средба во Јурумлери: Гази Баба ќе добие нова градинка

Потпретседателката на СДСМ Мила Царовска, придружувана од градоначалникот на Општина Гази Баба денеска беше на маалска средба со граѓаните на населеното место Јурумлери, општина Гази Баба.

Според соопштението на СДСМ, пред граѓаните Царовска порача дека Гази Баба наскоро ќе добие нова градинка, а преку инвеситрањето во нови објекти на градинки, опфатот на деца во градинките ќе порасне на 50 отсто.

- Владата предводена од СДСМ постојано инвестира во проширување на капацитетите на детските градинки и зајакнување на кадарот во градинките. Сето тоа е со цел да се врати достоинството на воспитувачите да се зголемуваат платите, како и да се подобруваат условите за работа, но и да се зголеми опфатот на деца во градинките, порача потпретседателката Царовска.

Царовска истакна дека преку успешните економски политики позитивно се влијае на зголемување на просечната плата. 

- Податоците на Државниот завод за статистика кои излегоа неодамна и според кои просечната месечна исплатена нето-плата по вработен, во јуни 2019 година, изнесува 25 205 денари се потврда дека СДСМ дава напори да го реализира ветеното пред граѓаните. Покрај зголемувањето на платите, преку субвенциите за земјоделците, повратот на дел од Данокот на додадена вредност за граѓаните, намалувањето на ДДВ за парно греење и зголемената финансиска поддршка за отворање на нови фирми парите ги насочуваме директно кон граѓаните, истакна Царовска.

СДСМ ги реализира потребите на граѓаните и се менува во нивен интерес. Маалските средби како нов концепт на делување на СДСМ продолжуваат и во следниот период.

притисни ентер