Се подготвува „Вечната куќа“ со која ќе биде отворен новиот објект на МНТ

Во новиот објект на Македонски народен театар денеска се одржа првата проба на претставата „Вечната куќа“, по текст на Јордан Плевнеш, а во режија на Дејан Пројковски. Со оваа претстава во септември свечено ќе биде отворен Театарот.

- „Вечната куќа“ се подготвува повеќе месеци за премиера. Таа е пишувана последниве 12-тина години, од мигот на откривање на првите документи во лисабонските архиви за една куќа покрај Вардар изградена во 1492 година, во таа клучна година на светската историја, рече Плевнеш на денешната прес-конференција.

Според него, метафората на вечната куќа го обединува целиот свет како едно единствено семејство.

Режисерот Пројковски информира дека музиката ќе биде на Горан Трајковски, сценографијата на Валентин Светозарев, а костимите на Благој Мицевски. Уште неколку соработници се очекува да се приклучат во текот на работата.

- Од денес, сите заедно почнавме една одисеја на новата сцена на Македонскиот народен театар, би рекол нашата нова фабрика за создавање соништа. Денес почнуваме да сонуваме и се радувам што околу 50-тина актери се зад мене, кои претставуваат душата, она најважното на Македонскиот народен театар, рече Пројковски.

На прес-конференцијата по првата читачка проба, освен авторската екипа присуствуваше и целиот актерски тим. Македонските актери истакнаа дека се задоволни од новиот објект, што имаат можност да создаваат и творат во возобновениот Македонски народен театар.

- За мене ова е нешто прекрасно, нешто што се сонува. Барем јас го сонувам некаде 24 години, да почнеме нова претстава во нова зграда. Да се извадиме од мочуриштето, да тргнеме на еден чист пат, да покажеме каков театар имаме. Оваа куќа навистина ќе биде прекрасна за живеење. Текстот на Јордан Плевнеш точно ќе не понесеме да влеземе во една куќа во која цело семејство треба да се смее, да плаче, да се расправа меѓу себе, да живее заедно, рече Тони Михајловски.

ВМРО-ДПМНЕ: Измамникот Заев денеска повторно пред Форумот на Жени на СДСМ лажеше

Зоран Заев повторно ветува прогрес, а ги погази достоинството и перспективите на сите во Македонија.

Следниот пат кога Радмила Шекеринска ќе му пишува говор нека спомене барем збор за одговорноста на власта за аферата Леонардо, за тендерите на Анѓушев, за концесиите и марихуаната на кланот Заеви, за торбата Луј Витон со рекетираните милиони.

Во овој говор на Заев не слушнавме ни збор за 500 000 граѓани кои живеат во сиромаштија, за иселувањето на младите, за очајните земјоделци, за пропаднатото здравство, колабираното образование и за тоа што СДСМ направи за надминување на проблемите на граѓаните.

Тоа е реалноста со која се соочуваат и жените и мажите и младите и возрасните во Македонија. Наспроти розевите очила на Заев, граѓаните живеат со јадот и чемерот како да го преживеат месецот.

Заев може да бега од одговори, но нема да побегне од одговорноста. Одговорноста ќе го стаса како катастрофален пораз на претстојните избори.

Центар за комуникации на ВМРО-ДПМНЕ

Со три милиони денари од Министерството без ресор во Берово се подобрува патната инфраструктура во ромското маало

Во Берово означен крај на втората фаза од изградбата на улицата „Прохор Пчињски". 

За реализација на оваа активност, како што изјави денеска од Берово, пратеникот Самка Ибраимовски, Министерството без ресор одвои нешто повеќе од три милиони денари.

– Жителите од овој дел на градот конечно добиваат соодветна патна инфраструктура и достапност на итните служби за полесен пристап до градот. Со завршување на втората фаза и целосно поплочување на улицата, ќе следува и приклучување на централниот водовод на жителите од овој дел од градот, рече Ибраимовски.

Пратеникот подоцна во Општинската сала присуствуваше на форум-состанок на кој со размена на прашања и идеи се разговараше како преку поголема интеграција да се унапреди квалитетот на животот на ромското население во Берово и во целата држава.

– Во таа насока, Министерството без резор располага со сума од над 20 милиони денари кои се наменети за седум општини каде претежно живее ромско население. Преку проекти изработени од градоначалниците и општините овие средства ќе бидат наменети за решавање на проблемите на ромското население, додаде Ибраимовски.

Во следната година според планираното Министерството без ресор како што беше посочено на форум-состанокот има на располагање средства во висина од 40 милиони денари, со кои ќе се градат нови станбени куќи, додека над 20 милиони денари ќе бидат наменети за канализации, патишта и други инфраструктурни проекти./МИА

САД и Франција со поддршка за пристапувањето на Македонија во ЕУ

Американскиот државен секретар Мајк Помпео и францускиот министер за надворешни, Жан-Ив Ле Дриан, на маргините на министерскиот состанок на Глобалната коалиција за пораз на исламската држава, изразија поддршка за членство на Македонија во ЕУ.

Тоа го соопшти викендов Стејт департментот.

Освен за напорите за траен пораз на ИД, тие разговарале и за важноста на НАТО, за континуираната трансатлантска соработка за одговор на заканите по заедничките безбедносни интереси и за важноста од пристапувањето во ЕУ на Македонија и Албанија.

-Помпео и министерот за надворешни работи Ле Дриан разменија мислења за важноста од пристапувањето во ЕУ на Македонија и Албанија, за поддршката на Украина и за одговорноста на Иран за тековните провокации, се вели во соопштението од Стејт Департментот.

Државниот секратар ја искажал цврстата посветеност на Администрацијата во НАТО алијансата.

Глобалната коалиција за пораз на ИД е формиарана во 2014 година и вклучува средби на таканаречената Мала група за Сирија, во која учествуваат Франција, Велика Британија, Германија, САД, Саудиска Арабија, Јордан и Египет.

Во заедничка изјава се укажа дека групата дава цврста поддршка за Геир Педерсен, специјален претстваник на ОН во Сирија, за имплементација на резолуцијата 2254 на Советот за безбедност на ОН за запирање на насилствата во оваа земја./МИА

притисни ентер