Живот

Во САД нема доволно заболекари

Над 130 милиони Американци немаат редовна орална нега, а на проблемот се додава растечкиот недостиг на стоматолози.

Податоците покажуваат дека бројот на Американци кои рутински посетуваат заболекар е во опаѓање.

Семејствата во кои членовите се во работен однос, но со мали примања, имаат големи проблеми за пристап до стоматолошко осигурување. Со заработката тие можат да се квалификуваат за владина помош, но немаат доволно да можат да користат услуги на заболекари во приватна пракса.

Затоа таквите одат во установи што се од типот на медицински хуманитарни организации. Ронда Свицер е извршна директорка на таква клиника во Тенеси. Таа вели дека многу значи стоматолошката нега, зашто дури и при вработувањето се внимава на телесна тежина на луѓето, нивниот акцент и колку се негувани нивните заби, исто како и на образованието и квалификациите.

Но проблемот натамошно се влошува. Истражувачкиот центар Пју порано годинава објави студија што индицира дека САД имаат сериозен недостиг на стоматолози. Над половина од оние кои во моментов се активни во професијата, се ближат на пензионирање. Дури уште поалармантен е фактот што се` поголем број Американци доаѓаат во клиниките за итна помош барајќи стоматолошки услуги.

Шели Гешан е директорка на кампања за стоматолошка нега кај децата при Институтот Пју.

„Немаме доволно стоматолози. Немаме доволно клиники. Немаме доволно стоматолошко осигурување. Немаме доволно пари во системот. Немаме доволно превентивни мерки. Ова е запоставена област.“, вели Гешан.

Таа додава дека Актот за пристапна грижа, што треба да влезе во сила следниот месец, во теорија значи проширување на стоматолошкото осигурување за секое дете во земјата, но дека сиромашните може и натаму да имаат проблеми да дојдат до таа грижа.

„Им треба помош при транспорт, или за превод, или за чување на деца, а освен тоа здравствена грижа и најголем дел од стоматолошката грижа се нуди од приватни заболекари и тие не ги даваат тие дополнителни услуги, вели Гешан.

Според неа, непрофитните клиники како нејзината, се подобро опремени да излезат во пресрет на ваквите потреби. Но такви нема многу. Гешан предлага да се разгледа можноста да се воведат стоматолози со право на работа од таканаречено средно ниво, зашто во моментов, само на целосно акредитирани стоматолози им е дозволено да работат во САД.

Но Актот за пристапна лекарска грижа не обврзува на покритие за возрасни, што значи дека за милиони Американци нема да има подобрување во пристапноста до заболекарска грижа во догледно време. /Превземено од VOA/

Македонија

Димитриеска Кочоска: Платформа 1198 значи повисок стандард, раст на БДП од 5% на среден рок

Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси.

Ако немаме економија, тогаш не можеме да очекуваме развој во ниту еден сегмент.

Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.

И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.

Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.

Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.

Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша, рече Гордана Димитриеска Кочоска, кандидат за пратеник во изборна единица 1.

Свет

Напад со нож во Шведска: Застрелан е напаѓачот, кој им се нафрли на три постари жени

Шведската полиција соопшти дека застрелала маж во врска со нападот на три постари жени во градот Вастерас.

Полицијата соопшти дека мажот ги нападнал жените на возраст меѓу 65 и 80 години со остар предмет, пренесува Ројтерс. Шведската агенција Експресен објави дека една од жените и напаѓачот се во болница со сериозни повреди.

Очевидци велат дека слушнале десет истрели. Нападот се случил денеска околу 12:25 часот.

"Многу полицајци беа на местото на нападот. Мислевме дека станува збор за петарди. Не знаевме за што се работи. Автомобилот на нашиот сосед беше уништен. Полициско возило удри во него", рекол еден од очевидците.

Свет

Г7: Ќе ја зајакнеме противвоздушната одбрана на Украина

Земјите-членки на Г7 се решени да ја зајакнат воздушната одбрана на Украина, изјавија денеска нивните министри за надворешни работи кои се собраа на состанокот во Капри.

Седум суперсили - Италија, Канада, Франција, Германија, Јапонија, Велика Британија, САД и ЕУ - силно ја критикуваа руската инвазија на Украина, која трае повеќе од две години.

Киев, сепак, ги предупредува дека мора да ја сменат својата стратегија доколку сакаат Украина да издржи сѐ подеструктивни руски воздушни напади. Русија негира дека цели цивили, но смета дека енергетскиот систем на Украина е легитимна цел. Во тие напади беа убиени стотици цивили.

„Г7 ќе ја зајакне воздушната одбрана на Украина за да спаси животи и да ја заштити критичната инфраструктура“, рекоа министрите за надворешни работи, додавајќи дека ќе ја зголемат одбранбената и безбедносната помош за Киев.

„Ние сме решени да продолжиме да обезбедуваме воена, финансиска, политичка, хуманитарна, економска и развојна помош за Украина и нејзиниот народ“, додаваат тие. Изјавата е објавена на крајот од тридневниот министерски состанок во Капри, каде главни теми беа Украина и воените конфликти меѓу Израел и Иран.

Американскиот државен секретар Антони Блинкен по самитот изјави дека на Украина ѝ требаат веднаш повеќе ресурси и го предупреди Пекинг дека односите на Кина со Европа ќе настрадаат доколку ѝ помогне на руската одбранбена индустрија.

„Кога станува збор за руската одбранбена индустриска база, главниот придонесувач во моментов е Кина“, рече Блинкен. „Ако Кина од една страна тврди дека сака добри односи со Европа и со другите земји, од друга страна не може да ја поттикне најголемата закана за европската безбедност од крајот на Студената војна.“

Воената помош за Киев е забавена во последните месеци бидејќи на европските партнери им снемува муниција, а американската помош е блокирана од републиканците во Конгресот. Претставничкиот дом на САД овој викенд конечно би можел да гласа за пакетот помош од 60,8 милијарди американски долари за Киев.

Друго прашање што се разгледува е како да се искористи профитот од 300 милијарди американски долари замрзнати руски средства на Запад за да ѝ се помогне на Украина. Министрите рекоа дека се уште размислуваат како тоа може да се направи.

Италијанскиот министер за надворешни работи Антонио Тајани рече дека постои правна основа за користење камата од замрзнатите средства, а експертите сега размислуваат дали би можел да се искористи самиот капитал.

Во врска со нападот на Израел врз Иран по неодамнешниот ирански напад со беспилотни летала и ракети врз Израел, министрите рекоа дека ќе работат на спречување на ескалација на конфликтот.

„Политичката цел на Г7 е деескалација. Работиме и ќе продолжиме да работиме за да бидеме активни играчи за да обезбедиме деескалација на целиот Блиски Исток“, рече Тајани.

притисни ентер