Охридските ресторани нудат застарени менија

Охридските ресторани не внесуваат новитети во својата понуда. Нивните менија се застарени, најчесто без никакви промени од самото отворање на ресторанот. Нема мени за таргетирани групи спортисти, вегетаријанци, дијабетичари.
Дневно мени нудат само 15 % , сезонско само 5% , а останатите ресторани  имаат само едно годишно мени

Ова го покажа истражувањето на Факултетот за туризам и угостителство спроведено во педесетина  најпознати ресторани во Охрид.

- Ако зборуваме за едно мени во еден ресторан дефинитивно треба да биде составено стручно и  да одговара на повеќе целни групи национални гости интернационални, дијабетичари,  вегетаријанци исто така, вели Тоше Чочороски менаџер по туризам.

Дури 90 %  од шефовите на кујните  се со  средно   а само 10 % со високо угостителско  образование.

-  Исто така кадарот кој што работи во тие објекти е најчесто со средно образование воопшто нема посетувано дополнителни курсеви за да се надгради нивното знаење. Сите тие резултати покажуваат дека треба уште многу да се работи во овој сектор за да имаме поквалитетно угостителство, вели проф д- р Анѓела Василеска Крстаноска.

Студентите на Факултетот за туризам покажаа како изгледа едно холивудско мени. На отворањето на факултетскиот ресторан зготвија морски плодови,  јастог на камерунски начин,  рубен сос, црн и црвен кавијар, шкампи во сос од виски и  торта  Опера бастилја.

-  Во охридските хотели секако дека може да се подготвуваат вакви специјалитети само треба повеќе труд и ентузијазам, вели Давид Санџакоски менаџер по гастрономија.

Вакво ексклузивно мени треба да нудат и охридските ресторани.

Гугл ќе ги ограничи предизборните огласи за партии и кандидати

Гугл одлучи дека повеќе нема да им дава можност на огласувачите да таргетираат предизборни реклами кон специфична публика, користејќи ги информациите за списокот на избирачи и нивната политичка припадност.

Ова беше објавено на блогот на Alphabet Inc. , матична компанија на Гугл.

Одлуката е донесена во време кога социјалните мрежи се под притисок за политичко рекламирање пред претседателските избори во САД во 2020 година.

На пример, Фејсбук е критикуван од законодавците и регулаторите за својата одлука да не ги смета валидни рекламите објавени од политичарите на нивната платформа, додека Твитер одлучи да забрани политички реклами.

Гугл вчера објави дека ќе започне со ограничување на таргетирање на публиката во изборните реклами кога станува збор за нивната возраст, пол и општа локација заснована на поштенски код.

Досегашните политички огласувачи беа претходно во можност да ги прилагодат своите реклами , користејќи ги информациите за политичката припадност на гласачите, независно далис е од лево или десно или неутрални.

Гугл посочува дека политичките огласувачи сè уште можат да користат таргетирање во контекст на публиката, како објавување реклами за луѓе кои читаат одредена приказна или гледаат одредено видео.

Новиот пристап ќе започне да се применува во Велика Британија за една недела, пред предвремените избори на 12 декември.

Забраната ќе стапи на сила и во Европската Унија до крајот на годината , а во остатокот од светот на 6 јануари 2020 година.

Мицотакис од Загреб повика на заедничка европска политика кон мигрантите

Грчкиот премиер Кирјакос Мицотакис повика на заедничка политика на ЕУ за барателите на азил и заштита на надворешната граница на континентот.

Говорејќи на вториот ден од Конгресот на Европската народна партија (ЕПП) во Загреб, грчкиот премиер рече дека има три работи што требаше да се направат за да се справи ефикасно со мигрантската криза.

„Дозволете ни да ги заштитиме нашите граници, да ја споделиме одговорноста подеднакво меѓу земјите членки и исто така да ја видиме основната причина за проблемот, имено војната и сиромаштијата во некои важни делови на светот“, рече грчкиот премиер, пренесе АНА.

Микотакис ја обвини Анкара дека ја користи миграциската криза за меѓународни преговори и рече дека Европа не може да биде уценувана за ова прашање.

Тој истакна и дека е време за искрен дијалог и помалку неодговорни изјави, додавајќи дека Турција мора да го исполни својот дел од обврската ЕУ-Турција за миграција.

Микотакис истакна дека Европа веќе не може да се преправа дека миграциската криза влијае само на земјите-членки на границите на Унијата и рече дека одредбата од Даблин за бегалците и мигрантите во ЕУ, за жал, е недоволна.

Грчкиот премиер исто така истакна дека Грција се потешко може да се справи со големиот број мигранти кои доаѓаат секојдневно и дека како прва земја во која што доаѓаат мигранти не треба самата да го носи товарот на приливот на мигранти .

САД се заканија : Турција веднаш да се ослободи од руските системи С-400

Турција треба да се „ослободи“ од рускиот ракетен одбранбен систем С-400 , изјави висок функционер на американскиот Стејт департмент.

Според американските медиуми тој рече дека воведувањето американски санкции против Турција поради набавката на рускиот ракетен систем ,  е сè уште можно.

„Тие можат да изберат дали ќе продолжат  или ќе се ослободат од С-400“, рече тој.

По одлуката на Турција за набавка на современо руско оружје, односите меѓу Анкара и Вашингтон се затегнати, бидејќи САД сметаат дека набавката претставува закана за одбранбените способности на НАТО.

притисни ентер