Купопродажбата преку интернет се зголемува

Секоја година за околу 100 проценти се зголемува интернет тргувањето во земјава.
За годинава се планира обемот на трансакции од интернет трговијата да достигне до 5 милиони евра, вели Александар Тасев од Трговски Центар специјализирана интернет продавница. Но се уште недостасува поголема промоција на оваа дејност иако интернет тргувањето во земјава е сигурно и безбедно вели Тасев.
Досега немало случај на измамен граѓанин или фирма што се пожалиле дека имале неуспешна купопродажба на интернет. 


Во моментов само околу 150 фирми се занимаваат со интернет трговија нудејќи ги своите производи преку сопствени веб сајтови или преку други специјализирани интернет продавници. За таа цел од особено значење е потребата од достапноста на широкопојасниот интернет и за граѓаните и зa компаниите. Бројките покажуваат дека секоја година корисниците на широкопојасниот интернет се зголемува за во просек 9%.

ЕУ има за цел до 2015 интернет трговијата да ја подигне на ниво од 50 % од сегашното, а дури 33 % од компаниите во Унијата да нудат продажба преку интернет.

Презентирана програмата за штипската „Пастрамајлијада"

 Штипската „Пастрамајлијада", што по 13 пат ќе се одржи во организација на Општина Штип годинава ќе се одржи од 20 до 22 септември, објави на денешната прес-конференција Кирил Панајотов советник во Општина Штип.

Истакна дека годинава на сцената ќе доминираат македонските пејачи и групи. На 20 септември ќе настапат групите Кентаур, Аре брадерс бенд, Агушеви и Нокаут и Игор Џамбазов. Додека во сабота ѕвезда на вечерта е српската пејачка Цеца, а пред неа ќе настапат Мартинијан Кириловски и Антониа Гиговска, а во недела публиката ќе ги забувавуваат „Но енд", Викторија Лоба, Тропико бенд и Данијела Мартиновиќ.

Панајотов потенцира дека настапите на музичките артисти и оваа година ги финансираат спонзорите, а генерален спонзор и оваа година е „Скопско". Општина Штип од сопствениот буџет, како и лани за оваа манифестација има предвидено околу 2.500.000 денари. Средства кои ќе се потрошат печатење на материјали, поставување на бина, струја и храна за изведувачите.

– Цената на штипската пастрамајлија се уште не е утврдена, тоа ќе се направи заедно со угостителите. Очекуваме и оваа година да имаме над 30 штандови, на коишто ќе се продава нашиот брендиран специјалитет, вели Панајотов.

Тој забележа дека во организација на манифестацијата ќе бидат вклучени локалните институции, со цел да се обезбеди простор за паркинг, но и да се регулира сообраќајот. 

Анкета: Граѓаните половично информирани за работата на Собранието, најчест извор е телевизијата

Од темите кои се дискутирале граѓаните најмногу се запознаени со уставните промени и со дискусијата за Договорот од Преспа, а најмалку со јавните расправи кои се случија во Парламентот во посочениот период. 

 Граѓаните се поделени во однос на нивната запознаеност со работата на Собранието, покажуваат наодите од теренската анкета за перцепциите на граѓаните за работата на Собранието за периодот јуни 2018 – април 2019 година, спроведена од Институтот за демократија „Социетас Цивилис" (ИДСЦС) во периодот од 12-26 мај, годинава на 1.000 испитаници

Како што истакна на денешната средба со новинари Влора Речица проектен менаџер во ИДСЦС, речиси половината или 49 проценти од испитаниците се изјасниле дека се делумно или целосно запознаени со работата на Собранието, а 50 проценти одговориле дека малку или воопшто не се запознаени со неговата работа.

-Од темите кои се дискутирале граѓаните најмногу се запознаени со уставните промени и со дискусијата за Договорот од Преспа, а најмалку со јавните расправи кои се случија во Парламентот во посочениот период. На прашањето дали сметаат дека Собранието е отворено, за жал, само една третина од испитаниците смета дека Собрането е отворено за јавноста. Оценката, пак, која Инситутот секоја година ја дава за Собранието, а која произлегува од перцепциите на граѓаните на скалата од 1 до 5, каде 5 е најдобро, оваа година е 2,9 што е зголемување од 2018 година, вели Речица.

При тоа, додава, речиси две третини или 59 проценти од испитаниците одговориле дека најчесто се информираат преку телевизија, 15 проценти се информираат од интернет преку социјални медиуми, девет проценти информациите ги добиваат преку инетренет поиртали за вести, само три проценти одговориле дека информациите ги добиваат од Собранискиот канал, додека ниеден не се информира од веб страницата на Собранието. Од анкетираните девет проценти одговориле дека не сакаат да се информираат за работата на Собранието, односно дека не ги интересира.

Перцепцијата на граѓаните е и, вели Речица, дека партениците секогаш ги претставуваат личните, партиските или бизнис интересите во носењето на закони. Имено, над две третини (72%) од испитаните граѓани сметаат дека пратениците во Собранието секогаш ги застапуваат интересите на нивните политички партии и своите лични интереси (78%). Речиси половина од испитаниците (46%) сметаат дека пратениците никогаш не ги застапуваат интересите на граѓаните.

Од испитаните 62 отсто сметаат дека Владата има контрола врз Собранието,  17 отсто дека Собранието има  контрола врз Владата (како што е предвидено според Уставот), а 20 отсто од анкетираните немаат мислење по оваа прашање.

Извештајот за квалитетот на дебатата, пак, истражување кое Институтот го спроведува од 2014 година, покажува дека во првата половина од годинава Собранието ја добива оценката 6, на скала од 1 до 10, што за жал, вели Речица, е само преодна оценка за да го помине испитот и покажува дека дебата е сеуште на ниско ниво.

-Загрижувачки е што во 32 проценти од дебатите пратениците немаат ниту еден аргумент, а во повеќе од 40 проценти има слабо аргументирање. Само во еден процент од дискусијата пратениците користеле повеќе од  два аргумента. Добар податок е тоа што во 28 проценти од дискусијата имало соодветно адресирање на аргументите од претходните говорници, што е пораст од 2018 година, вели Речица.

Се препорачува во наредниот период да се работи на информираноста на граѓаните за работата на Собранието, каде медиуите велат имаат многу важна улога, бидејќи 59 отсто од нив се информираат преку телевизијата. За поаргументирано дискутирање во Собранието се нагласува, потребно е во иднина да се работи со пратениците на нивните реторички вештини, што зависи од нивната волја, а медиумите и граѓанското општетство може да помогнат со обезбедување податоци од истражувања. /МИА.

Германија ја заврши постапката за ратификација на протоколот за НАТО

Заменик-амбасадорот на Сојузна Република Германија во САД, вчера го предаде официјалниот документ за ратификација на протоколот за пристапот на Македонија во НАТО.

– Со тоа, во Германија постапката за ратификација за пристапување на Македонија во НАТО е завршена, стои во денешното соопштение од Германската амбасада во Скопје.

Германскиот Буденстаг го ратификуваше пртоколот за члеснтво во НАТО на 6 јуни годинава.

притисни ентер