Нетпрес: СДСМ повторно со сценарио за протести

Опозициската СДСМ, применувајќи силен притисок врз своето партиско членство, се подготвува да предизвика немири во Македонија, почнувајќи од протест кој наголемо се организира за в сабота - пишува Нетпрес.
Според Нетпрес , учесниците на протестите ќе бидат довезени во Скопје, главно од општините во кои е СДСМ на власт, поточно од Струмица и од Куманово. За трошоците биле задолжени приватни фирми, кои најчесто ги добиваат тендерите и јавните набавки во овие две општини.

Терминот на протестот, кој треба да се одржи наводно како собир на социјално незадоволни граѓани, е планиран намерно за во сабота , на  денот кога ќе се одржи конвенцијата за претседателски кандидат на владејачката ВМРО ДПМНЕ Главен организатор на планот, според извори на Нетпрес во опозицијата, е Миле Зечевиќ, кој во времето на влаедеењето на СДСМ, беше на чело на Управата за безбедност и контраразузнавање.

Исто така со него во организацијата е вклучен и Кире Наумов, кој беше забележан од објективите на фоторепортерите на протестот на наводните стечајци, кој се одржа пред владата пред околу една недела. Неофицијалните информации велат дека во финансирањето се вклучени  и испоставите на Сорос во земјава, поточно во делот на трошоците за превоз на партиските членови кои треба да бидат донесени во Скопје, односно оние кои треба да настапат под превезот на стечајци и социјално загрозени граѓани.

Не се исклучува опцијата за време на протестот намерно да бидат предизвикувани инциденти, односно да бидат искршени возила, излози и друг имот. Според Нетпрес , партиска наредба од централата во Скопје добила буквално секоја општинска организација на СДСМ во Македонија. Секоја од нив требала да достави список со точен број на имиња и презимиња на лицата кои ќе патуваат во Скопје.

Меѓу општинските организации, кои добиле наредба да донесат најголем број на луѓе се Прилеп, Велес, Штип, Охрид и Битола. Досега, за време на владеењето на ВМРО ДПМНЕ, СДСМ организираше дузина вакви сценарија за немири и политичка дестабилизација во Македонија и постојано на протестите го користи своето членство кое го претставува според потребите на својата дневна политика. Па така членството на СДСМ глумеше стечајци, незадоволни земјоделци, незадоволни граѓани од изградбата на новите објекти и споменици во Скопје, и други разноразни социјално незадоволни граѓани. И во последниов пример СДСМ за сопствени политички цели сака да создаде турбуленции и напнатост во земјава, со цел дефокусирање на јавноста во Македонија од конвенцијата на владејачката ВМРО ДПМНЕ и нејзиниот избор за кандидат за претседател, кој според досегашните анкети и рејтинзи е убедлив фаворит за нов претседател.





Попладнево шумски пожар во атарот на битолското село Ротино

Секторот за односи со јавност на општина Битола, доцна попладнево испрати соопштение со кое информира за голем пожар кој го зафати потпелистерието, а е лоциран во атарот на селото Ротино.

Од општина Битола информираат дека екипи на Територијалната противпожарна единица-ТППЕ, Битола се на терен, но засилениот ветер, го разнесува и проширува пожарот кој претставува закана за моликовата шума.

-Имајќи ги пред вид околностите и тешко пристапен терен, ангажирани се противпожарните служби, јавните претпријатија на локално и државно ниво, надлежните служби за заштита, спасување и ЦУК. Локализирањето и гаснењето на пожарот е исклучително тешко. Состанок одржа и Кризниот штаб за заштита и спасување со кој раководеше  градоначалничката Наташа Петровска и донесен е заклучок за ангажирање на ДЗС со активирање на механизирани средства кои би дејствувале од воздух, нагласуваат од тамошната локална самоуправа.

Во моментов пожарот го гаснат екипи на ТППЕ-Битола, едно противпожарно возило од РЕК Битола и едно од Општина Ресен, а во акцијата се вклучени и вработените во НП Пелистер, како и локалното население, соопштуваат од општина Битола..

Инаку во текот на денот ТППЕ-Битола регистрирале шест противпожарни интервенции, односно во атарот на селата Ниже Поле, Драгожани, во Мариовскиот дел и во Нова Битола. 

Чад во пилотската кабина- принудно слета американски Боинг (ФОТО)

Боингот 787-900 со 256 патници на редовна линија од Мелбурн кон Лос Анџелес, принудно слета на островот Нова Каледонија.

Авионот на Јунајтед Ерлајнс принудно слета на островот Нова Каледонија , источно од Австралија , по појавата на чад во пилотската кабина. Авионот со 256 патници тргнал од Мелбурно на редовната линија до Лос Анџелес, кога во кокпитот се појавил чад.

Авионот слетал на аеродромот во Нумеа , каде патниците ќе ја поминат ноќта до доаѓање на нов авион.

,,Се појави чад и ние по 30 минути лет , моравме да слетаме, немаше проблеми при слетувањето.” , изјави еден од патниците за локалните медиуми.

Француските муслимани ги тужат Фејсбук и Јутјуб поради снимките од масакрот во Нов Зеланд

Францускиот муслимански верски совет (CFCM) денеска објави дека ги тужи Фејсбук и Јутјуб поради снимките од масакрот во Крајстчрч , кога Австралиецот Брентон Тарант објави во живо како убива верници во две џамии.

Францускиот муслимански верски совет, како главен претставник на муслиманите во Франција , соопшти дека покренал тужби против Фејсбук и Јутјуб зашто видеата од масакрот биле емитувани на нивните платформи.

Масовното убиство на верниците за време на петочната молитва пред десет дена беше пренесувано во живо на Фејсбук профилот на терористот од Австралија во траење од 17 минути .

Ова видео од масакрот во двете џамии подоцна беше избришано до Фејсбук , од каде тврдеа дека имало мал број прегледи , иако го гледаше целиот свет.

притисни ентер