Се трага по мал приватен авион „Пајпер“со 6 патници

Во 17,44 часот дежурниот од ДОЦ на РЦ - Север пријави дека од Контрола на летање примиле повик, дека комерцијален авион со три патници им се изгубил од радарот.
Се работи за авион марка “Пајпер“ со германски национални ознаки кој летал од Италија од Тревизо со 6 патници и требал да слета на аеродромот во Скопје да танкира гориво. Сигналот од радарот се изгубил во 17,35 часот на локација: од аеродром “Александар Велики“ 10 км во правец према Велес.

СВР Велес примиле телефонска пријава од граѓанин  дека слушнал експлозија во близина на с.Кожле.
Од страна на Алфа екипа  од СВР-Скопје примена е пријава од граѓани дека забележале пожар кај с.Ветерско.Од СВР Скопје упатени се служби на овие локации

Кузмановска: Власта не бира средства како да обезбеди повеќе корист за предврамените парламентарни избори, па нуди законски решенија

Очигледно СДСМ нема намера да престане со носењето на катастрофални закони кои што единствено за цел имаат да им послужат за време на предвремените парламентарни избори, а не да се во корист на граѓаните.

Овој пат СДСМ, преку Предлог измена на Закон за концесии и јавно приватно партнерство нуди едно класично штетно решение за зголемување на контото на коруптивни скандали и кеш афери на актуелната власт.

СДСМ повторно прави проширување или оставање на простор за историски невидена манипулација и замка која се интегрира во законска процедура односно потреба за извлекување на пари од веќе склучени договори.

Преку овој закон СДСМ го злоупотребува правото на граѓаните и прави измена на законот за неполни 5 месеци и истовремено најавува со измената дека парите ќе се пренаменат за инвестирање во објекти од јавен интерес.

Тоа недвосмислено укажува дека им се потребни средства, да ги надополнат празнините онаму каде недомаќински ги истрошиле.

Денес, 4 месеци, после измената и донесувањето на Предлог Закон за изменување и дополнување на Закон за концесии и јавно приватно партнерство се предлагаат нови катастрофални измени на законот со што според претходно некаква направена анализа на проценка на економската оправданост за дел од предметот на концесијата, ќе се оцени дека нема повеќе економска оправданост, а по претходна обезбедена согласност од концесионерот, Влада на Република Македонија, може да донесе одлука за склучување на анекс, на договорот за концесија, за промена на намената на дел од средствата, но само за инвестирање во објекти од јавен интерес, во висина на износот кој бил потребен за спроведување на тој дел од предеметот на концесија.

Новата измена на Предлог законот уште повеќе ги поткопува сомнежите за коруптивни скандали на сметката на Владата која се јавува како концедент или оној кој ја одобрува работата на приватниот партнер.

До: Средства за јавно информирање

Предмет: Интегрален текст од изјава за медиуми – Лилјана Кузмановска, пратеник на

ВМРО-ДПМНЕ во Собранието на Република Македонија

Датум: 13.12.2019

Дополнително, најголемиот скандал со овој закон се одредбите кои се однесуваат на можноста за склучување на анекс на договор на концесија и неговата примена од една година од денот на влегувањето во сила на законот. Поголема заблуда и сомнеж за корупција не постои. Ваквата форма, повлекува многу учесници да прават криминал, кој не е забележан во ниту еден закон за концесии и јавно приватно партнерство од соседството.

Го повикуваме парламентарното мнозинство два пати да размисли пред да го гласа овој закон. Од сите страни слушаме дека како земја треба да се бориме против корупцијата и криминалот, но верувајте со вакви закони кои што ги предложува СДСМ, Македонија се повеќе и повеќе ќе тоне во криминал и корупција.

Гледаме дека власта не бира средства како да си обезбеди повеќе корист за предврамените парламентарни избори па секојдневно нуди законски решенија кои што ќе и штетат на европската интеграција на земјата и на интересите на македонските граѓани.

Лилјана Кузмановска, пратеник на Пратеничката група на ВМРО-ДПМНЕ

Експлозија во Германија, не се знае точниот број на повредени

Во германскиот град Бланкебург, на истокот од земјата, рано утрово одекнала силна експлозија.

Германските медиуми наведуваат дека експлозијата одекнала во 08:55 во една станбена населба.

Според последните информации најмалку 25 лица се повредени, но тој број не е официјален ниту конечно потврден а не е позната ниту причината за експлозијата ни останатите детали.

Портпаролот на полицијата Уве Бекер изјавил дека е во тек евакуација на станарите од тој блок.

На фотографијата која ја објави полицијата се гледа станбен блок со пет ката и оцрнети прозори на вториот кат од кои излегува дим.

Пендаровски: Над 90 отсто од предложените амбасадори се кариерни дипломати

Над 90 отсто од предложените амбасадори се кариерни дипломати, односно се професионално вработени во Министерството за надворешни работи, изјави денеска претседателот Стево Пендаровски одговарајќи на новинарско прашање.

Пендаровски, кој учествуваше на Регионалниот антикорупциски форум на СЕЛДИ во Скопје, истакна дека професионализацијата на амбасадорите била една од неговите први заложби кога станал претседател и еден од принципите на кои инсистирал во неговите првични консултации со министерот за надворешни работи Никола Димитров.

Владата вчера на затворена седница ја утврди листата со 19 предлози за назначување амбасадори во следните дестинации – Атина, Белград, Загреб, Тирана, Брисел, Хаг, Москва, НАТО, Совет на Европа (Стразбур), ОН (Женева), Доха, Прага, Њу Делхи, Рим, Тел Авив, Копенхаген, Ватикан, Приштина и Пекинг.

-Тоа е одлука на Влада и така почнува постапката, а ние претходно од пред неколку месецви имавме со владини претставници, пред се со МНР  широки консултации на таа тема. Вчера е донесена одлука и имињата  за кои е донесена одлука јас ги знам, но формално не сум ја добил одлуката на Владата кога ќе ја добијам ќе ја почнам постапката од моја страна, посочи Пендаровски.

Пред да бидат испратени идните амбасадори, додаде тој, треба да се завршат уште некои процедури, а тие исто така треба да ја презентираат својата програма пред надлежната собраниска комисија.

-И понатаму ќе се барат агремани од државите во кои ќе сакаме да ги пратиме. Тука има една временска одредница, која јас ја имав спомнав и порано, а сакам и сега да ја посочам. Се ближат избори, на 3 јануари доаѓа техничката влада, а многу битен датум е датумот на распуштање на Собранието и мислам дека тоа ќе биде околу 11, 12 февруари. По тој датум не можете ниту да вработите, ниту да унапредите кој било службеник во државната администрација, а не пак да праќате амбасадори, рече шефот на државата.

Додаде дека испраќањето на амбасадорите треба да заврши до таа временска одредница.

-Кој ќе отиде ќе отиде, потоа не заради моја политичка волја, туку затоа што законот забранува по распуштањето на Собранието да се праќаат амбасадори. Значи ќе се чека. Ако до тој момент некој не е отиден во дестинацијата  за која е определен, тогаш ќе се чека да заврши и кампањата и изборите да се формира нова влада, значи да заврши целиот тој изборен период, истакна Пендаровски. 

притисни ентер