Комедијата „Малиот гангстер“ синхронизирана на македонски јазик

Македонија е носител на меѓународен проект кој се состои од кино и он лајн дистрибуција на холандската детска комедија „Малиот гангстер“, која од денеска ќе биде прикажана во неколку киносали во Македонија, Хрватска и Албанија.
Филмот е синхронизиран на македонски, хрватски и албански јазик и истовремено е достапен на Video on Demand платформата Cinesquare.net. 

Компанијата „Катавеј“ доби поддршка од програмата МЕДИА во делот за онлајн-дистрибуција. Агенцијата за филм го поддржува овој проект кој ќе обедини три држави во кои во исто време ќе има прикажување на европски детски филм синхронизиран на три јазици, во кино и на платформа.

Директорката на Агенцијата за филм Мими Ѓоргоска-Илиевска на денешната прес-конференцијата информира дека овој проект е многу значаен за нивната институција и за македонскиот Медиа деск, кој почна да работи од лани.

- Оваа платформа ќе биде промовирана и во рамки на македонскиот ден на штандот на Југоисточна Европа во рамки на Филмскиот фестивал во Кан, рече Ѓоргоска-Иливска.

Менаџерот на дистрибутерската куќа „Катавеј“ и иницијатор на проектот Дејан Трајкоски информира дека платформата „Cinesquare.net“ ќе почне со работа денеска и ќе биде достапна во 13 балкански земји.

-  Video on Demand е еден вид видео-библиотека во која има повеќе филмови од 13 земји од ЈИЕ. Моделот на дистрибуција е особено поддржан од фондот „Еуроимаж“. Голем дел од македонските филмови ќе бидат достапни во секој момент, со висок квалитет. За едно евро ќе може да се гледа долгометражен филм. Во иднина филмовите на Јутјуб ќе ги нема, рече Трајкоски.

Филмофилите од Југоисточна Европа ќе можат во секое време да ги гледаат бисерите на македонската кинематографија: „Македонска крвава свадба“, „Мис Стон“, „Солунските атентатори“, како и „Тетовирање“, „Панкот не е мртов“, „Ова не е американски филм“ и кратки документарни филмови. За почеток, сите филмови имаат англиски превод, а дел се преведени и на јазици од земјите од Југоисточна Европа.

Трајкоски информира дека филмот „Малиот гангстер“ ќе можат да го погледнат повеќе илјади деца во една недела. Тој очекува да се сруши рекордот на гледаност на еден филм во период од една недела во 22 града во земјава.

Филмот во Македонија ќе се прикажува во 22 општини (Скопје, Битола, Прилеп, Струга, Кавадарци, Крушево, Струмица, Гостивар, Куманово, Штип, Делчево, Неготино, Велес, Македонски Брод, Дебар, Крива Паланка, Тетово, Свети Николе, Радовиш, Кичево, Могила. Во Скопје филмот ќе се прикажува во кината „Милениум“ и во „Синеплекс“.

Детскиот холандски филм „Малиот гангстер“ е еден од најдобрите холандски семејни филмови во последните години. Победник е на најголемите филмски фестивали за деца во светот – „Синекид“, „Џифони“, „Оулу“. /МИА

Честитка од Иванов по повод Националниот ден на Власите

Претседателот Ѓорге Иванов упати честитка до припадниците на Влашката заедница во Република Македонија, по повод 23 Мај - Националниот ден на Власите.

- Овој значаен празник е потсетување на вековниот стремеж на Власите за зачувување и промовирање на својот сопствен јазик, култура и традиција. На овој ден, 23 Мај 1905 година, Османлиската iмперија донесе Ираде со кое само беше призната реалноста дека Власите се посебен народ со свој јазик, култура и идентитет. Со тоа се отвори ново поглавје во долгата и исклучително богата историја на влашкиот народ. Таа историја сведочи за едно нешто. А тоа е дека Власите и како народ, но и како поединци имале голема улога во борбата за слобода, државност и независност на Република Македонија, вели Иванов во честитката.

Припадниците на влашката заедница, како што посочува претседателот, се дел од сите сфери на општественото живеење, со што даваат препознатлив придонес во целокупниот развој на Република Македонија.

- Исклучително одговорниот однос на Власите кон својата држава Република Македонија и кон своите сограѓани од другите етнички заедници може да послужи како пример за градење и за негување на меѓусебна доверба. Таквата доверба е потреба на секој поединец и претставува врзивно ткиво на целото македонско мултиетничко општество. Обврска на Република Македонија е да продолжи да го чува, развива и промовира етничкиот, јазичниот и културниот идентитет на Власите во духот на европските вредности, наведува Иванов во честитката. 

Заев: Ве повикувам да ме следите. нашиот идентитет ќе биде обезбеден

Внимателно ги водиме процесите, градиме пријателства со соседите, изјави премиерот Зоран заев на трибина пред граѓаните на Кисела Вода.

-Внимателно ги водиме процесите, градиме пријателства со соседите, за да ги решиме отворените прашања што со години не влечеа надолу, преку дијалог, почитувајќи се меѓусебно., ова го кажа на синоќешната трибина премиерот Зоран Заев.

Пред граѓаните на Кисела Вода. Заев реферираше дека владата посветено работи на спроведувањето на зацртаните мерки што ги намалуваат трошоците за живот, обезбедуваат повеќе пари кај граѓаните и повисоки плати. За само неколку месеци успеавме да испорачаме резултат и покрај тоа што наследивме катастрофална економска состојба ,рече Заев.

Ѓорчев на средби во Стејт Департментот и со претседателката на Херитиџ фондацијата

Меѓународниот секретар на ВМРО-ДПМНЕ Влатко Ѓорчев во Вашингтон оствари средба со Сузан Фалатко, заменик на бирото за Јужна и Источна Европа во американскиот Стејт Департмент. 

Во текот на разговорот стана збор за стратешкото партнерство помеѓу Македонија и САД, како и за актуелните прашања поврзани со НАТО интеграцијата на Македонија.

На средбата пратеникот Ѓорчев ги истакна загрижувачките процеси во Македонија поврзани со политичкиот прогон, состојбата со медиумските слободи и влошувањето на економската состојба.

Воедно, Ѓорчев се сретна со претседателката на Херитиџ фондацијата Кај Колс Џејмс, заблагодарувајќи се за долгогодишната улога на Херитиџ во промоцијата на македонско - американските односи, користејќи го уставното има на Македонија. Фондацијата Херитиџ е меѓу водечките тинк тенкови во Вашингтон, блиска до Републиканската партија.

Центар за комуникации на ВМРО-ДПМНЕ

притисни ентер