Големата награда на меѓународниот филмски фестивал од Нанси за филмот Еклер на Марко Ѓоковиќ

Во францускиот град Нанси каде вечерва завршува 23-то издание на Меѓународниот филмски фестивал од Нанси (ФИФН), голем успех за македонскиот краткометражен филм „Еклер“ на Марко Ѓоковиќ, кој ја доби Големата награда на фестивалот, што се доделува за сите натпреварувачки селекции на фестивалот, јавува дописникот на МИА од Париз.
Меѓународното жири составено од филмски прифесионалци: Елица Петкова, режисерка од Бугарија, Хајме Патрицио Пинто Гарридо режисер од Чиле и Карлос Рендон Зипагуата режисер од Колумбија, едногласно ја доделија најпрестижната награда на фестивалот за македонскиот филлм, чиј режисер, кој според нивното образложение покажал голема уметничка вештина и синематографски квалитет, како во водењето на играта на акетрите, така и во начинот на кој е обработена тематиката, со многу хумор.

Авторот на филмот Марко Ѓоковиќ не можеше да присуствува на свеченоста, но тој на преполната сала на театарот на Мануфактурата и се обрати со видео порака.

Филмот „Еклер“ ја третира приказната за синот на готвачката од Маршаловата вила, кој по десет години добива шанса да ја вкуси храната што цел живот гледа како се готви, а не смее да ја допре.

Покрај „Еклер“ на фестивалот во натпреварувачката селекција беше прикажан и филмот„Крајот на времето“ на Милчо Манчевски.

Двата филма беа избрани меѓу 2.350 пријавени краткометражни филмови за годинашново издание на фестивалот.

Другото професионално жири, Големата нагарада на фестивалот во селекцијата на европскиот докумнетарен филм му ја даде на филмот „Длабочина два“ на Огњен Главониќ,  посветен на масовната гробница откриена во околината на Белград, со сведоштвата на виновниците и жртвите.

На Меѓународниот филмски фестивал од Нанси се прикажуваат околу 150 филмови, од кои половината се краткометражни во различни натпреварувачки категории, посебна селекција за млада публика. Има инатпреварувачка европска селекција на документарни долгометражни филмови. Минатат година наградата ја доби „Џипси Маџик“ на Столе Попов. Годинава фокусот на фестивалот е Латинска америка и популизмот, со посебна перспектива на германофонски филмови и на филмови од пораничниот регион на Источна Франција, Германија, Луксмебург и Белгија. /МИА

Место на улица, ВМРО- ДПМНЕ битката ќе ја води низ институциите

ВМРО – ДПМНЕ нема да им се придружат на демонстрантите низ улиците.

Пратениците на опозицијата остануваат во собраниските клупи да делуваат одвнатре – ова се ставовите на Мицковски по средбата со еден од учесниците на протестите

Воедно на средбата беше изразено разбирање за огромната загриженост на граѓаните околу штетниот договор и последиците кој тој ги носи.

На средбата Претседателот Мицковски потенцираше дека ВМРО-ДПМНЕ ќе ги користи сите демократски мерки и принципи кои се во насока на јасно изразените ставови на партијата  во однос на ова прашање. – соопштија од партијата.

Демонстрантите од пред седиштето на партијата на Мицковски побараа оставка од пратениците.

Олумчев изјавата ја даде пред седиштето на ВМРО-ДПМНЕ, а претходно заедно со останатите протестираа и пред Собранието.

Насобраните граѓани, без транспаренти, но голем дел од нив го вееја македонското знаме и пееја патриотски песни.

Не сакаат да се промени уставното име Република Македонија.

Негодувајќи на потпишаниот договор меѓу Македонија и Грција, го запалија документот. Протестот траеше речиси три часа.

Салвини: За жал Ромите не можеме да ги протераме

Италијанската влада планира да спроведе попис на Ромите кои живеат во таа земја за да се утврди колкав број од нив тука престојуваат илегално, изјави министерот за внатрешни работи.

Меѓутоа, Матео Салвини додал и дека “за жал, италијанските Роми нема да може да ги протера“.

Салвини, лидерот на крајно десничарската „Лига“, за телевизијата „Ломбардија“ изјавил дека неговото министерство го разгледува “ромското прашање“ и сака да види “колку“ Роми има во Италија.

Изјавата на Салвини, предизвикала критика кај Демократската партија која изјавила дека неговиот повик потсетува на “етничко чистење“, пренесува „Ројтерс“.

Тој потоа реагирал со соопштение во кое изјавил дека владата нема намера да прави посебна архива за Ромите или да зема отпечатоци од прсти, туку сака да ги заштити ромските деца, чии родители им забрануваат да одат во локалните училишта.

Додал дека сака да провери како се трошат средствата на Европската унија наменети за помош на маргинализираните заедници.

Салвини минатата недела предизвика “бура“ во Европа кога одби да дозволи хуманитарни бродови со повеќе од 600 африкански мигранти да влезат во италијанските пристаништа.

Поповски: Лажните вести носат пораки на национализам, поделба и раздор

 Лажните вести речиси секогаш носат пораки на национализам, поделба, раздор, конфликт и омраза. 

Проблемот со лажните вести е сериозен и треба посветено да работиме на справување со овој предизвик, порача денеска од Велес министерот без ресор, задолжен за комуникации, транспарентност и отчетност Роберт Поповски.

- Видовме, не само деновиве, туку и низ годините наназад, колку штетна може да биде пропагандата, дека тие лажни зборови честопати поттикнуваат вистинско и брутално насилство и агресивно однесување, истакна Поповски на форумот посветен на справувањето со дезинформации.

Тој оцени дека завчера, за време на насилните протести во Скопје, но и во континуитет на социјалните мрежи, се шират лажни и вознемирувачки вести вклучувајќи наводни жртви на полициска бруталност, за кои се користат стари фотографии од личности од светот, лажни текстови и постови. 

Говорејќи за поставеноста на Владата за справување со овие предизвици на дигиталното дезинформирање, Поповски го истакна повикот на Владата за конструктивна атмосфера и отворена дебата со граѓаните за секое отворено прашање, без страв, заплашување и притисоци да градат сопствени ставови за секое отворено прашање, посебно акцентирајќи го претстојниот референдум за Договорот со Република Грција.

Според министерот за информатичко општество и администрација Дамјан Манчевски, лажните вести имаат за цел намерно извртување и манипулирање на јавноста. Тој потсети дека измените во законот за аудио и аудиовизуелни медиумски услуги гарантираат услови за професионализација на медиумите и даваат шанса политичарите да ги тргнат рацете од медиумите. 

- Клучот е во новинарска фела, да се саморегулира и се држи до етичките и морални стандарди. Владите и сите политички субјекти мораат да се држат до овие стандарди, нагласи Манчевски.

Директорот на Канцеларијата на УСАИД за општ развој Едвард Гонзалес смета дека граѓаните треба да развијат практика на следење на вести од различни извори и да бидат критични кон информациите кои ги конзумираат, а од друга страна Владата да промовира транспаретност и отчетност.

притисни ентер