Нов корупциски скандал поврзан со Олимпијадата во Бразил

Бразилските и француските власти објавија дека откриле меѓународна корупциска шема за купување на гласови за доделување на Летните олимписки игри во 2016 година на Рио де Жанеиро, пренесоа светските агенции.


Според бразилската полиција, постојан индикации дека Карлос Алберто Нусман, шеф на Бразилскиот олимписки комитет и претседател на Комисијата за организација на игрите, интервенирал при купување на гласовите на африкански членови на Меѓународниот олимписки комитет, за да гласаат за Рио.

Истрагата за случајот започна пред девет месеци и се нарекува „Нелојална игра“. Во неа на бразилските истражни органи им помагаа колеги од Франција, Антигва и Барбуда.

На Нусман кој е поранешен одбојкар и веќе две децении е претседател на Бразилскиот олимписки комитет му е одземен пасошот. Тој работи како адвокат, член на ИОК е веќе 12 години, а е дел и од Координативната комисија за Игрите во Токио во 2020 година, давајќи им совети на организаторите за тоа како да се подготват за настанот.

По игрите во Рио, Нусман доби од претседателот на Светската олимписка организација (ИОК) Томас Бах, награда „Олимписки орден“, која се доделува на луѓе со исклучителен придонес кон Олимписките игри.

Поради корупциски скандал и раководење со мрежа за пренасочување на средства од градежните проекти за Игрите, меѓу кои и проектот за модернизација на стадионот „Маракана“,  во јуни на 14 години затвор беше осуден Сержио Кабрал, поранешен гувернер на сојузната бразилска државата Рио де Жанеиро во периодот 2007 - 2014 година. 

Авионот на Елвис Присли повторно на аукција

Авионот кој некогаш му припаѓал на Елвис Присли, а кој бил паркиран на пистата во Ново Мексико скоро четири децении, повторно е на продажба.

Елвис, како што се наведува, самиот ја дизајнирал внатрешноста на авионот.

Црвениот авион од 1962 година, нема мотор и неопходна е обновата на пилотската кабина, пренесува „АП“.

Сајтот за аукција „IronPlanet” објави дека авионот со седишта од црвен сомот и црвен тепих се враќа на продажба, откако моменталниот сопственик го купил минатата година за 430.000 долари.

Тврди дека спиела со милион мажи: Порано ми купуваа автомобили, а сега добивам само бакшиш

Триесет и двегодишната Кат Ли од Манчестер тврди дека во својот живот спиела со милион маж за пари.

Со проституција почнала да се занимава на 18 години, откако направила неколку разголени фотографии со својата сестра близначка.

„Имав повеќе од милион клиенти. Почнав уште како тинејџерка. Се започна кога јас и мојата сестра направивме сет разголени фотографии за еден магазин. Подоцна фотографот ни рече дека би биле добри за снимање на филмови, бидејќи сме близначки“ – раскажува таа за „Мирор“.

После скоро 15 години, Кат ја напуштила долгогодишната професија за да се занимава со хуманитарна работа, а воедно да работи и во еден локален паб.

„Чудно ми е бидејќи постојано размислувам како сум можела да работам еден час за 140 фунти, а денеска работам за седум фунти“  - изјавува таа.

„Кога бев ескорт ми купуваа автомобил и ми плаќаа летувања, а сега добивам само 20 отсто бакшиш“ – се пожалила Кат.

„Мојот типичен ден почнуваше во девет наутро. Луѓето го сакаа утрото бидејќи сакаа да се опуштат пред работат. Никогаш не знаев кога ќе биде најголемата гужва, но главно тоа беше навечер, околу 18 часот и во неделите околу 15 часот“ – тврди таа.

Клиентите ги делела на две групи – оние кои бараат друштво и кои спрема неа се однесувале како спрема девојче и оние кои биле агресивни.

„Еден доаѓаше само кога жена му одеше во шопинг, друг ми купуваше автомобили и ме водеше во Париз и Рим. Со него се чувствував како да сум Џулија Робертс“ – изјавува и додава дека во целата кариера имала само една потенцијално опасна ситуацијата кога клиентот ја нападнал и и ги земал парите.

 

Холандија: Кој оди на работа со велосипед, ќе добие пари за секој километар

Холандското министерство за инфраструктура предложило паричен надомест за сите вработени кои на работа патуваат со велосипед.

„Да излеземе од автомобилите и да ги земеме велосипедите. Целта ни е да придобиеме уште 200.000 луѓе кои со велосипедите ќе поминат три милијарди километри повеќе“ – изјавила Стиентје ван Велдховен, од ресорното министерство.

Според тој предлог секој жител кој на работи оди со велосипед би можел да добие по 19 центи за секој километар.

Тамошната влада планира и субвенции за купување на велосипед, но и додатни 100 милиони евра за зголемување на бројот на велосипедски патеки.

притисни ентер