Живот

Познат физичар категорично тврди: Животот после смртта е невозможен (видео)

Шон Керол, космолог и професор по физика на угледниот Технолошки универзитет во Калифорнија (Caltech), тврди дека животот после смртта, идеја која ја промовираат бројни светски религии, физички е невозможен.

„Ние во целост ги разбираме законите на физиката кои се наоѓаат во позадината на секојдневниот живот“ – изјави Керол, додавајќи дека сето тоа што се случува во стварноста мора да биде во рамките на границите на возможното.Да постоеше живот после смртта, свеста би морала да биде одвоена од нашето физичко тело, што не е случај", тврди физичарот.

Свеста, на елементарно ниво, ја сочинуваат атоми и електрони кои го создаваат она што го нарекуваме ум.

„Законите на физиката не дозволуваат тие честички да функционираат на тој начин после човечката смрт“ – смета тој.

„Постои еден голем ,непремостлив проблем во врска со идејата дека постои некој вид на свест откако нашите тела ќе умрат и ќе се распаднат на атоми од кои се составени. Имено, ние во целост ги разбираме законите на физиката кои го одредуваат нашиот секојдневен живот и не постои ниту еден начин тие закони да дозволат “преживување“ на информациите складирани во нашите мозоци после смртта“ – напишал Керол за „Scientific American”.

Керол се повикува на квантната теорија за полињата според која, едноставно речено, секој вид на честичка создава сопствено поле.

На пример, сите фотони во вселената имаат свое поле, баш како и сите електрони и останати видови на честички.

Да постои живот после смртта, би можеле да го измериме.

Керол објаснува дека доколку животот на било кој начин продолжува после смртта, тестирањата на квантните полиња би откриле “духовни сили“ или “духовни честички“, а тоа не се случува.

„Ако навистина постојат само атоми и познатите сили, тогаш не постои начин човечката душа да ја преживее смртта“ – напишал Керол.


Регион

За една недела во Грција се уапсени 379 лица за семејно насилство

Минатата седмица грчката полиција уапсила 379 лица по поднесени пријави за семејно насилство, а 23 жртви биле пренесени во центрите за згрижување, јави дописничката на МИА од Атина.

Министерството за заштита на граѓаните на Грција информираше за резултатите од спроведувањето на новиот план на полицијата за справување со криминал, семејно насилство и врсничко насилство.

Согласно неделниот извештај, во периодот од 15 до 21 април, полицијата примила 1.025 повици за семејно насилство, а на 81 жена – жртва на насилство ѝ била инсталирана специјалната апликација за помош „Panic Button“ на грчката полиција .

Биле пријавени 633 случаи на семејно насилство, при што биле уапсени 379 лица, а 23 жртви на насилство биле пренесени на безбедни локации.

Во однос на малолетничката деликвенција и врсничкото насилство биле извршени проверки на 6.004 лица, од нив 344 биле приведени, а 160 уапсени и биле потврдени 270 прекршоци.

Македонија

Како на младите да им се врати љубовта кон книгата?

Некогашната парола, книгата е прозорец кон светот, за младите повеќе не важи. 

За нив прозорец кон светот е интернетот, книги читаат само понекогаш, ако тоа од нив го побараат наставниците.

Дека е така потврдуваат и дел од издавачите на овогодинешниот саем на книга.

Најмалку читаат средношколците, и основците, а книги купуваат најчесто кога се на попуст. Слободното време, најчесто го поминуваат на интернет. За разлика од нив, за повозрасните, технологијата не е предизвик.

36 издание на Саемот на книга завршува утревечер, во 20 часот.

Македонија

Од петок постепена стабилизација на времето

Невообичаено топлите времелетни температури нагло се заменија со ладни и дождливи денови.

Во наредните 2 дена ќе владеат врнежи, на некои места ќе бидат поројни, а планинските предели ќе добијат уште една мала снежна покривка, предупредуваат од УХМР. Оние кои планирале прошетка претсојниот викенд не треба да се грижат, тмурните облаци ќе се расчистат, а вистинската пролет, со умерени температури веќе при крајот на неделата ќе пристигне во Македонија.

-Веќе од петок ќе имаме постепено стабилизирање на временската состојба, ќе преовладува во петок претежно стабилно, веќе и потопло време, а од деновите од викендот со максимални температури кои ќе бидат во интервал од 18 па се до 26 степени.-УХМР

Сепак ваквото време во претстојните два дена го вклучи и алармот кај ЦУК. Од таму ги предупредуваат граѓаните да внимаваат на магистранлните и регионални патишта поради одрони од карпи, како и на прилагодување на брзината поради мокри патишта. Воедно, граѓаните да избегнуваат суводолици порадо можност од нагло надоаѓање на вода, а и одводните канали треба да бидат чисти и проточни, наместо да се создаваат брани од ѓубре...

-Истовремено да се внимава на работите што можат буквално, како велиме, да одлетаат од градбите во населбите и особено што се од градбите во изградба, градилиштата, треба да се обезбедат практично сите работи што заради ветер би паднале и би претставувале опасност за луѓето кои што се во околината. Ако се престојува на планина пак препорачливо е да се има доволно гориво во возилата и да се внимава на планинските патишта, конкретно на лизгавостаи на проодноста на патот особено ако не е асфалт. – Илија Бојаровски – ЦУК

Според хидролозите, не постои закана и опасност од излевање кај поголемите реки и сливови, но и тие упатуваат на внимателност кај суводолиците и помалите сливови, како и кај атмосферските канализации кои се во опасност од запушување. Сепак, уверуваат, дека дождливото време во овој период е повеќе од добредојдено.

притисни ентер