ООН усвоија нова ублажена резолуција на санкции за Севрна Кореја

Советот за безбедност на Обединетите нации едногласно ја усвои резолуцијата за нови санкции за Северна Кореја поради нејзиното шесто и најсилно нуклеарно тестирање, која е ублажена верзија на првичната американска предлог-резолуција.

Резолуцијата не опфаќа замрзнување на имотот на севернокорејската влада и на лидерот Ким Јонг Ун како што САД првично бараа, пренесуваат агенциите. Со најновата резолуција му се забранува на Пјонгјанг во следните 12 месеци да увезува сирова нафта, но не и сите форми на природен течен гас, додека увозот на нафтени деривати се ограничува на два милиони барели годишно. Се забранува извоз на текстилна стока, додека на сите земји им се забранува да издаваат нови работни дозволи за работници од Северна Кореја.

Ова е деветта резолуција која 15-те членки на Советот за безбедност на ОН едногласно ја усвојуваат поради нуклеарната програма на Северна Кореја од 2006 година.
 

Меркел: Нема промени на границите на Балканот

Канцеларката Ангела Меркел изјави дека територијалниот интегритет на земјите од Западен Балкан е неприкосновен.

Со оваа изјава , објавена на сајтот на германската Влада , Меркел ги отфрли сите настојувања да се ревидираат границите повлечени по војните на Балканот.

,,Територијалниот интегритет на државите од Западен балкан е дефиниран и неприкосновен. Тоа повторно мора да се повторува , зашто секогаш наново има настојувања за можеби уште ееднаш да се разговара за границите . Тоа не можеме да го направиме.”, изјави Меркел по состанокот со претседавачот на Советот на министри на Босна и Херцеговина , Денис Звиздиќ.

Трамп остро кон писателката на книга за него: Таа е мрдната

Американскиот претседател Доналд Трамп на твитер остро ја искритикува авторката на книгата за него .

Трамп преку твитер со навредливи зборови ја нападна авторката на книгата , која го рпетставува него во негативно светло . Авторка на книгата е неговата поранешна советничка Омароса Маниго Њумен.

Трамп ја нарече авторката ,,мрдната” и вели дека шефот на кабинетот на Белата куќа за неа рекол дека е ,,губитничка”.

Со експлозивна направа погоден турскиот конзулат

Маж фрлил експлозивна направа кон турскиот конзулат во Амастердам.

Холандската полиција приведе маж , кој фрлил експлозивна направа кон зградата на турскиот конзулат. Направата била рачно изработена. Полицијата соопшти дека 34 годишен државјанин на Холандија одбива да даде изјава за инцидентот што се случил во саботата вечерта.

Според медиумит е, полицијата стрелала во воздух за да го уапси мажот, чиј идентитет не се соопштува.

Турскиот се наоѓа веднаш покрај американскиот конзулат во Амстердам. Првата експлозивна направа се запалила и паднала во дворот на конзулатот , а бил фрлен и еден молотов коктел што не се запалил .  

притисни ентер