Вучиќ: Од октомври нова фаза во дијалогот со Косово

Од месец октомври ќе започне нова фаза и дијалог со Косово најави претседателот на Србија Александар Вучиќ во вонредното обраќање до нацијата кое се пренесуваше во живо од претседателскиот кабинет.
Тој изјави и дека треба да бидат испочитувани сите мислења, и дека дијалогот е клучен за иднината на Србија.

Претседателот на Србија изјави и дека во дијалогот треба да бидат вклучени “сите релевантни актери” и да покажат, како што потенцирал, “почит кон оние коишто размислуваат поинаку”. Вучиќ изјави и дека го подржува учеството на Србите во владата на Рамуш Харадинај на Косово кои дадоа поддршка во парламентот и добија три министерски места и едно вицепремиерско.



СДСМ: ВМРО-ДПМНЕ останува во матрицата на поделби и изолација

ВМРО-ДПМНЕ добро знае дека договорот ја носи Македонија напред, но нив ги интересира само личен интерес и амнестија и затоа се трудат да ја лажат јавноста. 

Постигнатиот Договор за 25 годишниот спор со Грција го гарантира македонскиот идентитет, македонскиот јазик и македонската посебност.

Договорот ја обезбедува македонската иднина, иднината како дел од ЕУ и НАТО. Тие две прашања се и тоа како меѓусебно поврани. Ако не беше така, тогаш зошто ВМРО-ДПМНЕ со години преговараше за изнаоѓање решение за 25 годишниот спор?

Очигледно е дека ВМРО-ДПМНЕ не може да излезе од матрицата на поделби, изолација и конфликти и затоа на секаков начин се обидува да ја закочи македонската иднина.

Владата предводена од СДСМ има обврска пред граѓаните да ја обезбеди иднината. Никој нема да да им го ускрати правото на граѓаните на реферндум, слободно да одлучат за сопствената иднина.

Македонија оди напред и нема да биде заложник на криминалите на ВМРО-ДПМНЕ. Граѓаните на референдум ќе кажат ДА за влез во ЕУ и НАТО, ќе кажат ДА за македонската иднина. /МИА

Нејмар: Останувам во ПСЖ, секој знае зошто сум во Париз

Еден од најдобрите играчи во светот, Нејмар да Силва ја отфрли можноста да го напушти ПСЖ ова лето, истакнувајќи дека тој е среќен во Париз.

Нејмар одамна е поврзуван со Реал Мадрид, особено по преминувањето на Кристијано Роналдо во Јувентус, но тој не сака да го напушти Париз.

- Останувам во Париз, имам договор. Приказните околу моето заминување доаѓаат од медиумите. Сите ја знаат мојата цел и зошто отидов во Париз Сен Жермен. Сакам да остварам успеси со овој клуб и се надевам дека следната сезона ќе биде уште поуспешна, изјави Нејмар за бразилски „Фокс“.

Неј Џуниор стана најскапиот фудбалер во светот минатата година, откако се пресели од Барселона во Париз Сен Жермен за рекордни 222 милиони евра.

Нејмар со парижаните го освои француското првенство и Купот, а во Лигата на шампионите беше елиминиран во осминафиналето на Реал Мадрид, но тогаш не играше поради повреда.

Со бразилскиот национален тим, учествуваше на Мундијалот во Русија, но неговиот пат заврши во четвртфиналето по поразот од Белгија (2:1).

Минатата сезона, тој играше 30 натпревари и постигна 28 голови, додека за бразилскиот тим веќе има 90 настапи и 57 постигнати погодоци. /МИА

Трамп: Ќе му бидам најголемиот непријател на Путин доколку пропаднат договорите

Американскиот претседател Доналд Трамп, денеска ветил дека ќе му биде “најголемиот непријател“ на Владимир Путин, доколку неговите договори со рускиот претседател не вродат со плод.

„Ќе му бидам најголемиот непријател кој некогаш го имал“ – изјавил Трамп во интервју за „СиЕнБиСи“.

Меѓутоа, тоа истакнал дека ја цени шансата да ги унапреди односите меѓу САД и Русија, дури и после тврдењата на американските разузнавачки агенции дека Москва во повеќе навради се обидела да се меша во претседателските избори во САД во 2016 година.

„Да се имаме добри односи со Путин и со Русија е позитивна работа, а не негативна“ – оценил Трамп.

Претседателот на САД истовремено го критикувал својот претходник Барак Обама дека бил целосно наивен спрема Русија, додека тој, како што тврди, има многу поцврст став спрема Москва.

„Можеби најцврст став на сите времиња“ – додал Трамп во интервјуто, направено во Белата куќа, кое во целост ќе биде емитувано во петок.

притисни ентер