Актерката Тања Бошковиќ, лауреат на 25. издание на ФКТ „Ристо Шишков“

„Знам дека не ја заслужив наградата , но ќе се трудам до крајот на животот да го чувам споменот на големиот актер, на човекот кој се бореше за достоинството на глумата -струмичанецот Ристо Шишков“.
Ова синоќа го изјави  српската актерка Тања Бошковиќ која ја доби единствената награда за врвни достигнувања и се закити со титулата Лауреат на јубилејниот 25 ти ФКТ,,Ристо Шишков,, во Струмица.

- Многу ми значи наградата, многу сум возбудена и почестена. Знам дека не ја заслужив, но ќе се трудам до крајот на животот да го чувам споменот на големиот актер, на човекот кој се бореше за достоинство на глумата и тоа е голема обврска. Ние може зборуваме на слични јазици, но постои дух кој секаде е ист, и на Гренланд и на Алјаска, секаде актерите се актери, рече  Тања Бошковиќ  актерка

Меѓу четирите наградени машки улоги на меѓународниот фестивал, синоќа награда за машка улога доби и струмичанецот Кољо Черкезов за улога во претставата ,,Џон Габриел Боркман,,.Черкезов вели дека се она кое се работи со срце и љубов е секогаш препознаено и наградено.

Асоцијацијата НЕТА на овогодинешниот фестивал додели повеќе награда и во различни категории меѓу кои за најдобра претстава,,Да го поздравиш и да ми го бациш...,, во продукција на Артопија од Скопје.


Пред Собранието изутринава мирно, сообрачајот нормализирана

Пред Собранието на Македонија изутринава е мирно по синоќешните насилни протести во кои се повредени седум полицајци и приведени 25 демонстранти. 

Барикадите се остранети, а сообраќајот по улиците околу собраниската зграда се одвива нормално. Забележливо е помало полициско присуство.  

МВР по синоќешните настани соопшти дека дел од демонстрантите на вчерашниот јавен протест во Скопје, употребија распрскувачки средства и насилно ја турнаа заштитната ограда, истовремено обидувајќи се насилно да влезат во Собранието. Со цел да се спречи ескалирање на ситуацијата и насилен упад во Собранието, а постапувајќи согласно процедурите, полицијата уопотреби солзавец, информира МВР.

Министерството за внатрешни работи потенцира дека го почитува правото на мирен протест, но нема да дозволи употреба на сила и насилен упад, како и нарушување на јавниот ред и мир. Министерството апелира на демократски начин на изразување на јавното мислење.

Повеќе информации од МВР за вчерашните случувањата пред законодавниот дом во центарот на Скопје ќе бидат соопштени во текот на денов.  

Протестите беа против Договорот за решавање на македонско-грчкиот спор за името и стратегиско партнерство потпишан вчера во Псарадес.

Нова демократија: Тажен и срамен ден за Грција

Тажен и срамен ден за Грција, бил вчерашниот според Нова демократија и поради инцидентите во близина на Преспа и поради потпишаниот договор.

Од грчката опозициска партија коментираат дека Ципрас и Каменос вчера ја отстапија можноста „граѓаните на ПЈРМ да се нарекуваат Македонци и да говорат македонски јазик“, јави дописничката на МИА од Атина.

- Во исто време додека Ципрас и Коѕијас славеа во Преспа за еден договор што им штети на националните интереси, на полицијата и беше дадена наредба да покаже, до сега невидена, бруталност, испраќајќи ги дури и во болница граѓаните кои ја покажаа нивната патриотска чувствителност. Не е само тажен ден за Грција, туку е и ден на срам за Ципрас и Каменос, бидејќи заедно, на граѓаните на ПЈРМ им ја отстапија можноста да се самонарекуваат „Македонци“ и да поддржуваат дека говорат наводен македонски јазик, соопштуваат од опозициската партија и додаваат дека „македонски јазик и македонска националност не прифатила ниту една претходна грчка влада“.

Од Нова демократија коментираат дека грчкиот народ со право бил бесен, бидејќи сфатил дека коалиционата грчка влада за да се задржи на власт „веќе не води сметка за националните интереси“. Паралелно ги повикаа граѓаните да покажат смиреност и воздржаност. 

Автобус влета во публика на фестивалот Пинк поп во Лимберг

Едно лице загина, а три се повредени кога автобус влета во публиката на фестивалот Пинк поп во Лимберг, на југот од Холандија.

Инцидентот се случил неколку часа по настапот на американскиот пејач Бруно Марс, кој го затвори фестивалот, пренесе Ројтерс.

Полицијата соопшти дека возачот на автобусот побегнал од местото на настанот и по него е распишана потерница, а улиците околу местото на одржување на фестивалот се затворени.

притисни ентер