Опозициската Неа димократија бара објаснувања од Коѕиас за Македонија

Посетата на Скопје и изјавите на Коѕиас по средбата со Димитров, мерките за градење доверба, грчките позиции во прашањето за името но и нашето членство во НАТО се најдоа во пратеничкото прашање испратено до шефот на грчката дипломатија од одговорниот за надворешна политика во опозициската Неа димократија.
 Јоргос Кумуцакос од Никос Коѕиас бара појаснувања на ставовите изнесени во Скопје, коментирајќи дека дел од изјавите на грчкиот министер за надворешни работи создаваат впечаток на разубавување на реалноста која во суштина не е променета. Пратеникот од опозициската партија во писменото прашање тврди дека нашата земја и понатаму има бескомпромисна и иредентистичка позиција и ја прекршува Времената спогодба, и му посочува на Коѕиас дека со неговите изјави треба да ги зацврсти грчките ставови, а не да остави простор за тие да бидат искористени од други.

„-Кои се конкретните позитивни резултати од мерките, чија што содржина се уште е нејасна, а особено дали тие придонесоа за промена на позицијата на нашата соседна земја во главното прашање за  билатералните односи, односно во прашањето за името?

-Како нашите партнери во ЕУ и нашите сојузници во НАТО ќе бидат солидарни на наша страна, почитувајќи го духот на консензусни одлуки од Букурешт кога ние самите се чини дека позицијата на Скопје ја изедначуваме со грчката? Освен ако Министерството за надворешни работи смета дека Скопје ја напушти неговата иредентистичката позиција кон нашата земја. “ – прашува Кумуцакос.


Одговорниот за надворешна политика во грчката опозициска партија коментира дека изјавите на Заев и Димитров за влез на Македонија во НАТО под ФИРОМ е нов елемент во како што пишува, “наводната попустливост од новата влада“.  А всушност, како што вели, владата на Заев ја повторува идентичната политика на владата на Груевски. Кумуцакос овој став го поткрепува со објаснувањето дека и во 2008та барањето за влез во НАТО беше под привременото име.

Утре сончево со мала до умерена облачност

Утре ќе биде сончево со мала до умерена облачност.

Во западните делови пооблачно, попладне со појава на пороен дожд и грмежи.

Т-мин. од 11 до 19, а т-макс. од 26 до 34 степени. /МИА

Европол: Поголем број на терористички напади во ЕУ отколку во 2016 година

Бројот на џихадистички напади бил за 50 отсто поголем минатата година, во однос на 2016 година, соопшти денеска Европол.

Девет членки на ЕУ во 2016 година пријавиле 142 неуспешни напади, додека бројот на обиди за напад во 2017 бил 205, што е за 45 отсто повеќе.

Во вкупно 33 напади, кои се случиле, починале 68 лица, додека 844 биле повредени.

Мал раст бележат и нападите кои ги извршиле левичарските или анархистичките групи и поединци.

„Бројките во овој извештај не се само статистика. Не смееме да заборавиме, дека зад секој број стои барем една невина жртва. За да се бориме против тероризмот важно е да имаме оптимална размена на информации и точни податоци“ – изјавила извршната директорка на Европол, Катрин Де Бол.

Европол наведува и дека уапсени се 975 лица поради терористички активности – учество или подготвување на терористички напади, џихадистичка пропаганда или регрутирање, а најчесто се користени ножеви за нападите.

Александар Пандов и Алберт Муслиу во „Само вистина“

Муслиу во „Само Вистина“: Не е добро да се повикува на бојкот за референдумот.

Пандов во „Само Вистина“: Јас нема да гласам на референдумот и ќе повикувам на бојкот

Во вечерашното издание на тв дуелот „Само Вистина“ гостуваа Александар Пандов и Алберт Муслиу. 

Пандов истакна дека нему му пречи целиот договор зашто со него се уништува и разнебитува се што е Македонско и дека со овој договор како и со претходниот заедно се разнебитува историјата и е влез во една фаза на разнебитување поделба на Македонија од страна на соседите. Муслиу вели дека договорот е добар и дека ги заштитува посебноста и она што значи Македонски идентитет јазик и култураб и дека оптимално е најдоброто максимално што можело да се постигне на преговарачката маса.

И двајцата сметаат дека референдумот е врвен демократски институт и можност на кој граѓаните ќе можат да го изнесат својот став, со тоа што Пандов рече дека ќе го бојкотира и ќе повика и другите да го бојкотираат зашто, како што наведе, ќе се полнеле кутии а Муслиу рече дека не е добро да се повикуваат граѓаните да го бојкотираат референдумот и дека Меѓународната заедница нема да дозволи лажирање на референдумот.

Во поглед на можноста за импичмент Пандов цени дека претседателот постапува исправно што не го потпишува Договорот и дека го оквалификува како штетен за државата. Муслиу смета дека многу лесно Парламентарното мнозинство може да обезбеди двотретинско мнозинство за покренување постапка за импичмент.

Погледнете ја вечерашната емисија „Само вистина“ тука.

притисни ентер