Интегриран систем за управување со цврст отпад со поддршка од ЕУ

Животната средина е најважен приоритет, но со тековниот концепт што постои во земјата, тоа е невозможна мисија, ниту со буџетот, ниту од аспект на усогласување на стандардите во Европа, а најдрастично загрижува управувањето со отпадот.

Ова денеска го изјави заменик-министерот за животна средина Јани Макрадули, на завршната церемонија за проектот на ЕУ „Подготовка на проекти и тендерска документација за воспоставување на интегриран и финансиски самоодржлив систем за управување со отпад во источните и североисточните региони“.
Тој истакна дека управувањето со отпадот е јавен интерес, но се уште не се третира така, и затоа е потребна јасна поделба на активностите и одговорностите, како и огромна помош од општините во процесот на хармонизацијата на законодатството со тоа на ЕУ.
- Неопходно е и да се направи хиерархија на отпадот, односно доброто третирање на отпадот започнува од нашите домови, од селекцијата, од рециклирањето, сепарирање, точки на собирање на отпад, но се уште има диви и нелегални собирачи кои влијаат на овој процес. За ова има и законска регулатива за собирање на отпадот, но тоа не се прави, рече Макрадули.

Тој наведе дека реализацијата на овој проект со помош на ЕУ ќе овозможи да се воспостави првпат во земјата, самоодржлив интегриран систем што ќе биде достапен за граѓаните и ќе донесе бенефит за целокупната заедница.
- Македонија мора да го фати правецот на развиените земји, односно да се развие свеста на луѓето, оти од отпадот може да се произведува и енергија, рече Макрадули и додаде дека во овој период во собраниска процедура е влезена и ратрификацијата на Парискиот договор за намалување на штетни гасови, што ќе наметне соодветни обврски во општеството.

Шефот на делегацијата на ЕУ во земјата, Самуел Жбогар, рече дека еден од приоритетите за животната средина е управување со цврстиот отпад.
- Во текот на летото бевме сведоци колку е критична ситуацијата кога станува збор за несоодветно управување со отпадот, пример се депониите во Струга и во Тетово што не ги исполнуваат законските услови. Регионалните анализи утврдија 16 депонии и 117 ѓубришта во источниот и североисточниот регион, што е многу штетно за здравјето на луѓето и за животната средина, истакна Жбогар и најави натамошна поддршка од ЕУ за изградба на нови и затворање на дивите депонии, за што се издвоени 27 милиони евра.

Јадранка Иванова, раководител на секторот за ЕУ при Министерството за животна средина рече дека со овој проект ќе се овозможи една централна депонија и неколку трансфер станици, како и набавка на опрема за јавните комунални претпријатија во овие два региони, со што до 2020 година ќе се обезбеди регионален систем за управување со отпад.

Предвидените инвестиции од приближно 27 милиони евра ќе овозможат на 18 општини во источните и североисточните региони да ги модернизираат системите за управување со отпад, овозможувајќи подобрување на еколошката средина на 370.900 жители.

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

Мериленд доби помош од 60 милиони долари по уривањето на мостот во Балтимор

Американското Министерство за транспорт денеска и додели 60 милиони долари на сојузната држава Мериленд за помош по уривањето на мостот Френсис Скот Ки откако во него удри товарен брод.

Гувернерот на Мериленд Вес Мур претходно побара средства за помош во „мобилизацијата, операциите и отстранувањето на отпадот“.

Мур додаде дека овие средства ќе ги постават темелите за брзо закрепнување.

Инаку, по уривањето неколку работници паднаа во водите на реката Патапско. Телата на двајца мажи, на возраст од 35 и 26 години, беа пронајдени во средата, на 7,6 метри под вода во реката Патапско.

Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт.

Несреќата се случи во вторникот откако товарниот брод „Дали“ удри во еден од столбовите на мостот. /МИА

Земјотрес во Грција со јачина од 5,7 степени

Земјотрес со јачина од 5,7 степени, според податоците од Геодинамичкиот институт на Националната опсерваторија во Атина, беше регистрирани кусо по 9 часот во морскиот дел западно од грчкиот полуостров Пелопонез, јави дописничката на МИА од Атина.

Земјотресот беше почувствуван во целиот регион на Пелопонез, особено во западниот дел, но и во Атина.

Засега нема информации за повредени или материјална штета.

Геодинамичкиот институт првично објави дека биле регистрирани два земјотреси од 5,6 и 5,7 степени со неколку секунди разлика, нешто што кусо подоцна го промени во еден земјотрес, а и според Европско-медитеранскиот сеизмолошки центар, станува збор за еден земјотрес со јачина од 5,7 степени. /МИА

притисни ентер