225 милиони евра потрошила минатата влада, за секое работно место 11 000 евра

Дваесет и петте странски компании што вкупно ги привлече претходната влада изминатите десет години, ја чинеле државата над 225 милиони евра.
 Во нив биле вработени 20 илјади лица, но не сите како нововработени зашто дел од нив претходно работеле во македонското стопанство. Едно вработување државата ја чинело 11 илјади евра,покажала  калкулацијата на трошоците за една работна позиција. Таквата политика била политика за економско шоу, а не политика за економски раст ќе рече владиниот портпарол Миле Бошњаковски, изнесувајќи детали од досега тајните договори.

Најголем дел од 225-те милиони евра, нешто над 130 милиони евра  претходната влада потрошила на ставката- трошоци за привлекување на странски инвеститори, но детали за тоа се очекуваат претстојниов период. Немало посебен водич на критериуми и унифициран правилник кој и зошто преговарал. Преговарале од министер до советници. Важеле различни правила на игра со компаниите, па на некоја и се давале илјада евра по работник на некоја 11 илјади евра. Различни аршини имало и во однос на обуките. За оваа ставка од буџетот се платени пет милиони евра. Некоја компанија добивала по сто евра по вработен, некоја по три илјади евра. Десет милиони евра ја чинело државата за инфраструктура за странските фабрики.

Договорите со странските инвеститори биле со рочност од  десет години. Сите договори такви какви што се  ќе бидат почитувани од актуелната влада и нема да биде раскинат ниту еден, објасни Бошњаковски дополнувајќи дека износот на добрата што странските  компании ги набавиле од  македонските, изнесувал само еден процент од нивните вкупни набавки.

Бошњаковски уште рече дека сите овие податоци ќе бидат доставени до македонските правосудни органи а дека направената анализа е врз основа на парите што претходната влада ги префрлала директно на сметките на странските компании. 

Утре сончево со мала до умерена облачност

Утре ќе биде сончево со мала до умерена облачност.

Во западните делови пооблачно, попладне со појава на пороен дожд и грмежи.

Т-мин. од 11 до 19, а т-макс. од 26 до 34 степени. /МИА

Европол: Поголем број на терористички напади во ЕУ отколку во 2016 година

Бројот на џихадистички напади бил за 50 отсто поголем минатата година, во однос на 2016 година, соопшти денеска Европол.

Девет членки на ЕУ во 2016 година пријавиле 142 неуспешни напади, додека бројот на обиди за напад во 2017 бил 205, што е за 45 отсто повеќе.

Во вкупно 33 напади, кои се случиле, починале 68 лица, додека 844 биле повредени.

Мал раст бележат и нападите кои ги извршиле левичарските или анархистичките групи и поединци.

„Бројките во овој извештај не се само статистика. Не смееме да заборавиме, дека зад секој број стои барем една невина жртва. За да се бориме против тероризмот важно е да имаме оптимална размена на информации и точни податоци“ – изјавила извршната директорка на Европол, Катрин Де Бол.

Европол наведува и дека уапсени се 975 лица поради терористички активности – учество или подготвување на терористички напади, џихадистичка пропаганда или регрутирање, а најчесто се користени ножеви за нападите.

Александар Пандов и Алберт Муслиу во „Само вистина“

Муслиу во „Само Вистина“: Не е добро да се повикува на бојкот за референдумот.

Пандов во „Само Вистина“: Јас нема да гласам на референдумот и ќе повикувам на бојкот

Во вечерашното издание на тв дуелот „Само Вистина“ гостуваа Александар Пандов и Алберт Муслиу. 

Пандов истакна дека нему му пречи целиот договор зашто со него се уништува и разнебитува се што е Македонско и дека со овој договор како и со претходниот заедно се разнебитува историјата и е влез во една фаза на разнебитување поделба на Македонија од страна на соседите. Муслиу вели дека договорот е добар и дека ги заштитува посебноста и она што значи Македонски идентитет јазик и култураб и дека оптимално е најдоброто максимално што можело да се постигне на преговарачката маса.

И двајцата сметаат дека референдумот е врвен демократски институт и можност на кој граѓаните ќе можат да го изнесат својот став, со тоа што Пандов рече дека ќе го бојкотира и ќе повика и другите да го бојкотираат зашто, како што наведе, ќе се полнеле кутии а Муслиу рече дека не е добро да се повикуваат граѓаните да го бојкотираат референдумот и дека Меѓународната заедница нема да дозволи лажирање на референдумот.

Во поглед на можноста за импичмент Пандов цени дека претседателот постапува исправно што не го потпишува Договорот и дека го оквалификува како штетен за државата. Муслиу смета дека многу лесно Парламентарното мнозинство може да обезбеди двотретинско мнозинство за покренување постапка за импичмент.

Погледнете ја вечерашната емисија „Само вистина“ тука.

притисни ентер