ВМРО-ДПМНЕ: Анѓушев функцијата ја користи за стекнување огромни профити

Кочо Анѓушев, функцијата вицепремиер во владата на Социјал-демократскиот сојуз ја користи за создавање на огромни профити за сопствените фирми, а не за унапредување на стандардот на граѓаните и државата.

Заев и Анѓушев се однесуваат како државата да е нивна приватна сопственост, а буџетот, кој се полни со парите на граѓаните, како нивна приватна сметка.
Анѓушев својата работа како вицепремиер за првите сто дена си ја наплати со тендер во висина од 2.6 милиони евра, кои преку државното претпријатие ЕЛЕМ кое си го додели на сопствената компанија „Фероинвест“.
Почитувани граѓани,

2.6 милиони евра, сите нас не чинеше ангажманот на мултимилионерот Кочо Анѓушев како вицепремиер во владата на Зоран Заев, за само 100 дена.
Доколку за само 100 дена работа во владата го плативме Анѓушев со 2.6 милиони евра, тогаш колку ќе не чини неговиот ангажман до крајот на мандатот на оваа влада? Дали тоа ќе бидат 50 милиони, 100 милиони или можеби 200 милиони евра?

ВМРО-ДПМНЕ предупреди уште претходно за ваквите „бонбона бизнис” намери на оваа влада, дека нивната цел е само личниот интерес и личното богатење со парите на граѓаните, а тоа се потврди во изминатите 100 дена.

ВМРО-ДПМНЕ исто така предупредува и за реалната опасност која ни претстои со претстојната либерализација на пазарот на електрична енергија, со што водени по европската пракса во повеќе земји од ЕУ, се очекува струјата да поскапи и до 60%. Односно доколку сега плаќате 2.000 денари, по либерализацијата ќе плаќате 3.200 денари.

Од ваквите „бонбона бизниси“ профит ќе имаат само фирмите на Анѓушев и врхушката на власта, кои со по два-тројца вработени ќе книжат милионски профити на дневна основа.
Доделувањето на тендерот од страна на државата, чиј репрезент е Анѓушев, на „Фероинвест“, чиј сопственик е исто така Анѓушев е класичен пример за судир за интереси. Во конкретниов случај Анѓушев е заинтересирана странка и во двете страни од договорот. Ова е скандал и класичен пример за богатење со парите на граѓаните.

ВМРО-ДПМНЕ го повикува надлежното Јавно обвинителство да отпочне постапка за утврдување на кривична одговорност за тоа како се влијаело и под кои услови тендерот паднал во рацете на фирмата „Фероинвест“ која е во сопственост на вицепремиерот Кочо Анѓушев.

Анѓушев со стапувањето на функција всушност им ги замачкуваше очите на граѓаните дека тој сепак ќе се откаже од неговата плата во висина од 1.000 евра, но затоа неговата плата од 1.000 евра ја замени со суми од 2.6 милиони евра.

СДСМ: ВМРО-ДПМНЕ останува во матрицата на поделби и изолација

ВМРО-ДПМНЕ добро знае дека договорот ја носи Македонија напред, но нив ги интересира само личен интерес и амнестија и затоа се трудат да ја лажат јавноста. 

Постигнатиот Договор за 25 годишниот спор со Грција го гарантира македонскиот идентитет, македонскиот јазик и македонската посебност.

Договорот ја обезбедува македонската иднина, иднината како дел од ЕУ и НАТО. Тие две прашања се и тоа како меѓусебно поврани. Ако не беше така, тогаш зошто ВМРО-ДПМНЕ со години преговараше за изнаоѓање решение за 25 годишниот спор?

Очигледно е дека ВМРО-ДПМНЕ не може да излезе од матрицата на поделби, изолација и конфликти и затоа на секаков начин се обидува да ја закочи македонската иднина.

Владата предводена од СДСМ има обврска пред граѓаните да ја обезбеди иднината. Никој нема да да им го ускрати правото на граѓаните на реферндум, слободно да одлучат за сопствената иднина.

Македонија оди напред и нема да биде заложник на криминалите на ВМРО-ДПМНЕ. Граѓаните на референдум ќе кажат ДА за влез во ЕУ и НАТО, ќе кажат ДА за македонската иднина. /МИА

Нејмар: Останувам во ПСЖ, секој знае зошто сум во Париз

Еден од најдобрите играчи во светот, Нејмар да Силва ја отфрли можноста да го напушти ПСЖ ова лето, истакнувајќи дека тој е среќен во Париз.

Нејмар одамна е поврзуван со Реал Мадрид, особено по преминувањето на Кристијано Роналдо во Јувентус, но тој не сака да го напушти Париз.

- Останувам во Париз, имам договор. Приказните околу моето заминување доаѓаат од медиумите. Сите ја знаат мојата цел и зошто отидов во Париз Сен Жермен. Сакам да остварам успеси со овој клуб и се надевам дека следната сезона ќе биде уште поуспешна, изјави Нејмар за бразилски „Фокс“.

Неј Џуниор стана најскапиот фудбалер во светот минатата година, откако се пресели од Барселона во Париз Сен Жермен за рекордни 222 милиони евра.

Нејмар со парижаните го освои француското првенство и Купот, а во Лигата на шампионите беше елиминиран во осминафиналето на Реал Мадрид, но тогаш не играше поради повреда.

Со бразилскиот национален тим, учествуваше на Мундијалот во Русија, но неговиот пат заврши во четвртфиналето по поразот од Белгија (2:1).

Минатата сезона, тој играше 30 натпревари и постигна 28 голови, додека за бразилскиот тим веќе има 90 настапи и 57 постигнати погодоци. /МИА

Трамп: Ќе му бидам најголемиот непријател на Путин доколку пропаднат договорите

Американскиот претседател Доналд Трамп, денеска ветил дека ќе му биде “најголемиот непријател“ на Владимир Путин, доколку неговите договори со рускиот претседател не вродат со плод.

„Ќе му бидам најголемиот непријател кој некогаш го имал“ – изјавил Трамп во интервју за „СиЕнБиСи“.

Меѓутоа, тоа истакнал дека ја цени шансата да ги унапреди односите меѓу САД и Русија, дури и после тврдењата на американските разузнавачки агенции дека Москва во повеќе навради се обидела да се меша во претседателските избори во САД во 2016 година.

„Да се имаме добри односи со Путин и со Русија е позитивна работа, а не негативна“ – оценил Трамп.

Претседателот на САД истовремено го критикувал својот претходник Барак Обама дека бил целосно наивен спрема Русија, додека тој, како што тврди, има многу поцврст став спрема Москва.

„Можеби најцврст став на сите времиња“ – додал Трамп во интервјуто, направено во Белата куќа, кое во целост ќе биде емитувано во петок.

притисни ентер