Компаниите преку Еразмус плус ќе го дообучуваат кадарот и ќе го шират бизнисот

Квалитетен работен кадар е предуслов за секоја успешна компанија, изјави денеска извршниот директор на Сојузот на стопански комори на Македонија Александар Зарков, на презентацијата на можностите за развој на компаниите преку програмата Еразмус плус 2018, во соработка со Националната агенција за европски образовни програми и мобилност.
Тој истакна дека програмата Еразмус плус нуди можности за доедукација на кадарот во компаниите, за трансфер на стручно знаење што ќе овозможи зголемување на капацитетот на вработените.

- Буџетот за 2018 година преку оваа програма е над шест милиони евра, и овие средства во значителна мера би придонеле за градење на кадарот во компаниите, рече Зарков, додавајќи оти квалификуван работен кадар е нешто есенцијално што го бараат сите компании.
Директорот на Националната агенција за европски образовни програми Дарко Димитров, рече дека агенцијата преку Еразмус плус настојува да вклучи и приватни компании.

- Еден од најважните приоритети е премостување на јазот што се јавува меѓу светот на образованието и светот на реалната работа, при што оваа програма значително може да придонесе на сите млади луѓе пред се, но и на сите вработени да се доедуцираат и искуствата и знаењата да ги применат директно на пазарот на трудот, истакна Димитров.

- Грантовите се движат од илјада до 300.000 евра, во зависност од акцијата и концептот на проектот за кој се аплицира. Вообичаено компаниите првично аплицираат за тренинзи и обуки што целосно ги покриваат трошоците за спроведување тренинзи на своите вработени, односно ги покриваат трошоците за пат, котизација за учество доколку се работи за платен тренинг и тие грантови обично се движат од 10.000 до 50.000 евра, рече Димитров и додаде дека две стопански комори се добитници на вакви грантови.

Тој истакна оти се нуди можност и домашните компании да побараат практиканти од земјите членки на ЕУ, на ист начин како што од нашите универзитети се испраќаат практиканти, што, според него, придонесува за интернационализација на самите компании и развивање на контакти надвор од земјата.
Апликациите за соодветните акции се наоѓаат на Интернет страницата на Агенцијата, НАЕОПАМ www.na.org.mk и се пополнуваат електронски, на англиски јазик. 

Утре сончево со мала до умерена облачност

Утре ќе биде сончево со мала до умерена облачност.

Во западните делови пооблачно, попладне со појава на пороен дожд и грмежи.

Т-мин. од 11 до 19, а т-макс. од 26 до 34 степени. /МИА

Европол: Поголем број на терористички напади во ЕУ отколку во 2016 година

Бројот на џихадистички напади бил за 50 отсто поголем минатата година, во однос на 2016 година, соопшти денеска Европол.

Девет членки на ЕУ во 2016 година пријавиле 142 неуспешни напади, додека бројот на обиди за напад во 2017 бил 205, што е за 45 отсто повеќе.

Во вкупно 33 напади, кои се случиле, починале 68 лица, додека 844 биле повредени.

Мал раст бележат и нападите кои ги извршиле левичарските или анархистичките групи и поединци.

„Бројките во овој извештај не се само статистика. Не смееме да заборавиме, дека зад секој број стои барем една невина жртва. За да се бориме против тероризмот важно е да имаме оптимална размена на информации и точни податоци“ – изјавила извршната директорка на Европол, Катрин Де Бол.

Европол наведува и дека уапсени се 975 лица поради терористички активности – учество или подготвување на терористички напади, џихадистичка пропаганда или регрутирање, а најчесто се користени ножеви за нападите.

Александар Пандов и Алберт Муслиу во „Само вистина“

Муслиу во „Само Вистина“: Не е добро да се повикува на бојкот за референдумот.

Пандов во „Само Вистина“: Јас нема да гласам на референдумот и ќе повикувам на бојкот

Во вечерашното издание на тв дуелот „Само Вистина“ гостуваа Александар Пандов и Алберт Муслиу. 

Пандов истакна дека нему му пречи целиот договор зашто со него се уништува и разнебитува се што е Македонско и дека со овој договор како и со претходниот заедно се разнебитува историјата и е влез во една фаза на разнебитување поделба на Македонија од страна на соседите. Муслиу вели дека договорот е добар и дека ги заштитува посебноста и она што значи Македонски идентитет јазик и култураб и дека оптимално е најдоброто максимално што можело да се постигне на преговарачката маса.

И двајцата сметаат дека референдумот е врвен демократски институт и можност на кој граѓаните ќе можат да го изнесат својот став, со тоа што Пандов рече дека ќе го бојкотира и ќе повика и другите да го бојкотираат зашто, како што наведе, ќе се полнеле кутии а Муслиу рече дека не е добро да се повикуваат граѓаните да го бојкотираат референдумот и дека Меѓународната заедница нема да дозволи лажирање на референдумот.

Во поглед на можноста за импичмент Пандов цени дека претседателот постапува исправно што не го потпишува Договорот и дека го оквалификува како штетен за државата. Муслиу смета дека многу лесно Парламентарното мнозинство може да обезбеди двотретинско мнозинство за покренување постапка за импичмент.

Погледнете ја вечерашната емисија „Само вистина“ тука.

притисни ентер