Децата знаат да читаат, но имаат проблем со поврзување на прочитаното

Децата од второ и трето одделение во Македонија се вешти при препознавањето на букви и читањето на поврзани зборови, меѓутоа имаат проблем доволно течно да ги прочитаат текстовите за да можат да одговорат точно на прашањата за разбирање, покажува Националната студија за јазична и математичка писменост на децата спроведена во рамките на проектот на УСАИД со „Читање до лидерство“ и Здружението „Чекор по чекор“.

Истражувањето е спроведено на национално ниво во мај 2016 година на репрезентативен примерок од 8.000 ученици на македонски, албански и турски наставен јазик од сите основни училишта во Македонија.

Според Викторија Димитровска, заменик раководител на проектот, кога станува збор за прашањето разбирање и се влечат факти од текстот на децата им е полесно, меѓутоа кога треба да поврзат информации од различни делови на текстот и дадат свое мислење нашите деца имаат проблем.

- Една од нашите препораки е дека со децата треба повеќе да се вежба читање и тоа не само на училиште, туку и во домот и сите секојдневни ситуации. Да се изнаоѓаат реални ситуации каде децата ќе може го вежбаат читањето и да работат на разбирање, од семејството да им се поставуваат различни видови прашања со кои кај децата ќе се поттикнува да се развива ова разбирање, изјави Димитровска.

Министерката за образование и наука Рената Дескоска, рече дека целта да се подигне рејтингот на Македонија на нивото на меѓународни мерења на степенот на образованието може да се постигне заедно со Министерството, со наставниците, со родителите, со учениците и со поддршка на невладините организации.

- За да постигнеме јазична и математичка писменост потребно е големо вложување и на родителите во процесот на едукација на сопствените деца. Ние разговараме и со Министерството за труд да ја зајакнеме образовната компонента во рамки на предучилишното образование и да го зголемиме опфатот на деца коишто ќе имаат можност да стекнат некакво образование и во предучилишна возраст, изјави Дескоска.
Посочи дека истражувањето направено на 8.000 ученици е за поздравување, а резултатите ќе бидат земени предвид. 


Почна судењето на Трамп: Обвинителите бараат документи од Белата куќа

Започна судењето во американскиот Сенат во врска со отповикнувањето на американскиот претседател Доналд Трамп, што е трет случај во историјата на САД.

Сто сенатори се најдоа на седиштето на Конгресот во Вашингтон, со кое претседаваше шефот на Врховниот суд Џон Робертс. Но, пред дебатата околу обвинувањата за злоупотреба на власта и опструирање на Конгресот, изгласани во декември во Долниот дом на Конгресот, дебатираше за правилата на играта.

Првата заложба на Сенатот, предводена од републиканците, е да се даде изјава за временската рамка на целиот процес - предложена од Мич МекКонел, републикански лидер со мнозинство во Сенатот.

Според резолуцијата предложена од Меконел, претставниците на демократите кои се обвинители, како и правниот тим на претседателот Доналд Трамп во процесот на отповикување, имаат дваесет и четири часа секој во наредните два дена да го претстават својот случај.

Меконел подоцна ги олесни временските ограничувања, бидејќи покрај демократите, реагираа и некои републикански сенатори. Тој, сепак, не крие дека сака брзо, идеално, во рок од две недели ослободување од обвиненијата за Трамп.

Адам Шиф, демократот задолжен за обвинението, рече дека републиканците организираат лажен процес во Сенатот, додека републиканците велат дека демократите спровеле засилена истрага во Претставничкиот дом.

Во моментот на почетокот на дебатата за отповикување во Сенатот, американскиот претседател е на Светскиот економски форум во Давос, Швајцарија.

Страшно: Скопско Лисиче повторно „лидер“ по загадувањето во регионов

Додека пратениците размислуваат дали ќе го изгласаат предлогот на Маја Морачанин за тотална забрана на увоз на отпад за согорување, ние полека но сигурно си „умираме“.

Швајцарскo-американската компанија IQAir / AirVisual, која сигурно и таа „користи“ уреди набавени преку „Али Експрес“, и која постојано мониторира преку 10.000 градови ширум светот, и вечерва не издигна на најсрамниот трон во регионот.

Воздухот во скопската населба Лисиче , според нивниот индикатор, е крајно нездрав и изнесува преку 180 AQI единици, и е лидер во Балканскиот регион.

Ќе почнат ли одговорните во државата и градот да побараат можеби некои алтернативни решенија за овој здравствен проблем? Ќе даде ли некое решение можеби опозицијата или само ќе се чека на решение од надлеѓните институции?
Бадилаја ќе биде секој Закон кој сега ви е камен на сопнување на сите партии, затоа што додека ги договорите и изгласате, половина популација ќе замине од Македонија, а другата половина...знаете сигурно што би можело да се случи со нив.

Господо политичари од власта, опозицијата - QUO VADIS???