Паника: Пилотот во несвест, патниците во ужас

Британските туристи, кои тргнале на одмор кон Кипар доживеаја вистински шок во авионот на Тонсон Џет.
Само по 16 минути од летот Њукасл – Ларнака, на висина од 10 000 метри на пилотот му се слошило и тој се онесвестил . Патниците виделе дека нешто не е во ред и низ авионот се проширила вест дека е нападнат од терористи.

Екипажот се стрчал кон пилкотската кабина , имало истурено кафе на падот и паника штос е пренела на патниците. Копилотот јавил дека нема да може да продолжи со летот до крајната дестинација и побарал вонредно слетување. Во тоа време , во авионот се проширола паниката , а некои го виделе пилотот како лежи на подот од кабината .

Најблизок било аеродромот во Софија, каде принудно слетал авионот .

Но , тука не завршиле маките на туристите. Тие , наместо на плажа , чекале со часови за да бидат одвезени , а потоа и сместени во хотел во близина на Софискиот аеродром . Меѓу патниците имало и такви кои платиле повеќе од 2 000 фунти за одморот од соништата , но сепак морале да се помират дека живи и здрави се приземјиле.

Минатата ноќ ја поминале во хотелот ,за рано утринава компанијата да им обезбеди превоз до Кипар. Од Томсон Џет им се извинија на патниците за непријатноста со која го почнаа годишниот одмор .

Пилотот е задржан на лекување во болницата во Софија .

„Скопско лето“ почнува со концерт на музичари од Израел

Со концерт на Дадо Дганит, позната пејачка и член на Националниот театар на Израел „Хабима“, вечер од 20.30 часот во Македонската филхармонија ќе биде отворен фестивалот „Скопско лето“.

Дирекцијата за култура и уметност-Скопје го организира нејзиното гостување со поддршка од Амбасадата на Израел во Македонија, а со  со концертот ќе бидат одбележани 70 години независност на Израел. 

Дадо Дганит, која на сцената ќе биде придружена со четворица инструменталисти, на своите концерти им дава нов живот на старите ладино мелодии и разновидната еврејска музичка култура ја модернизира збогатувајќи ја со ориентален ритам и звуци на клезмер - музичка традиција на Евреите Ашкенази во Источна Европа. 

Има објавено шест албуми, често е на турнеи низ светот и настапува на светски музички фестивали и на повеќе јазици - хебрејски, француски, шпански, арапаски, како и на ладино - јазикот на сефардските Евреи. 

Во вториот дел од вечерашниот концерт ќе настапи и водечката флејтистка во Израел, Хефциба Зер Авив, која свири на повеќе од 20 видови флејта и претставува уникатен и спектакуларен мозаик од израелски и медитерански егзотичен стил свирење на овој инструмент. 

Има издадено четири албуми, настапила во познати музички центри, меѓу кои и во „Карнеги хол“ во Њујорк во 2012 година со рецитал за флејта. Во 2016-та го отворила концертот на „Дип Парпл“. 

По вечерашното отворање, „Скопско лето 2018“ ќе продолжи со програмските содржини кои традиционално траат до 31 јули. Во 40-те фестивалски дена најавени се околу 50 настани - театарски претстави, концерти од различни жанрови, програми за деца, десетина изложби со домашни и со ликовни уметници од странство, промоции на книги, а од 12 јули во Сули ан ќе ја има и редовната филмска содржина „Кафе кино“. Фестивалот ќе се одржува на 20-ина локации во главниот град. 

Фестивалот е поддржан од  Град Скопје, Министерството за култура и од странски културни центри и амбасади. Директорот на ДКУС Никола Глигоров на прес-конференција рече дека се задоволни што „Скопско лето“ опстојува 39 години на културната мапа на Скопје, но и на државата, и дека со своите атрактивни и квалитетни содржини успева да го задржи вниманието на публиката. 

Сончево со мала до умерена облачност и температура до 34 степени

Времето во Македонија ќе биде сончево со мала до умерена облачност. Во западните делови значително облачно, попладне со појава на пороен дожд и грмежи.

Утринската температура ќе се движи од 14 до 19, а  дневната од 21 до 34 степени.

УВ-индексот ќе изнесува 8.

Во Скопје сончево со мала до умерена облачност. Утринската температура ќе се спушти до 16, а дневната ќе се искачи до 31 степен.

До петок во попладневните часови ќе има појава на локална нестабилност проследена со пороен дожд, грмежи и засилување на ветерот. Во петок кон крајот на денот ќе почне да дува засилен северозападен ветер кој ќе продолжи и во сабота и ќе услови значително опаѓање на температурата во наредните денови. За време на викендот ќе има локален дожд, но без грмежи, а од понеделник се очекува пооблачно време со пообилни врнежи од дожд.

Утре сончево со мала до умерена облачност

Утре ќе биде сончево со мала до умерена облачност.

Во западните делови пооблачно, попладне со појава на пороен дожд и грмежи.

Т-мин. од 11 до 19, а т-макс. од 26 до 34 степени. /МИА

притисни ентер