Јункер: Да ја отвориме вратата за Западниот Балкан, за да не се повторат 90-тите

Бугарската министерка за надворешни работи, Екатерина Захариева денеска изјави дека е крајно време Балканот да се врати на дневен ред.
Захариева изјави дека очекува Србија и Црна Гора да отворат уште поглавја во текот на бугарското претседавање со Европската унија, како и дека постои шанса Албанија и Македонија да ги започнат пристапните преговори.

Захариева, ден откако Бугарија официјално го одбележа почетокот на претседавањето со ЕУ, изјави дека земјите од Западен Балкан се важни за геополитичката сигурност и дека доколку ЕУ “не е таму, некој друг ќе дојде“, пренесува порталот Euroactiv.com.

„Не постои вакуум, Турција и Русија се заинтересирани веќе со децении, затоа мораме да им ја покажеме нашата политичка поддршка, да им покажеме дека, ако и кога ќе бидат спремни, вратата ќе биде отворена“ – изјави пред новинарите шефицата на бугарската дипломатија.

И претседателот на Европската комисија, Жан-Клод Јункер порача дека бугарскиот приоритет – Западен Балкан – исто така е приоритет на Европската унија.

„Вашиот приоритет – Западен Балкан, е и наш приоритет“ – нагласи Јункер при посетата на Софија, каде разговараше со премиерот на Бугарија, Бојко Борисов, пренесува бугарската агенција BTA.

Јункер изјави дека на Балканот треба да му се отвори врата, инаку “би се заканила опасноста Европа повторно да биде сведок на тамошните несреќни случувања од 90-тите“.

„Јас, никако не би сакал да се соочам со такви случувања“ – изјави Јункер на заедничката конференција.

Јункер наведе дека и претходно објаснил дека “до крајот на мандатот на сегашната Европска комисија, значи до 1 јануари 2020, нема да биде можно ЕУ да прими нови членки, бидејќи не можат да се исполнат условите за тоа“, но истакна дека ќе се “работи на тоа“.

МФ: Повратот на ДДВ во јануари натфрлен за 16,8% во однос на лани

Во јануари фирмите добија 2,2 милијарди денари поврат на данок за додадена вредност (ДДВ), или 35,7 милиони евра.

Ова е за 315 милиони денари или 16,8 отсто повеќе во однос на истиот месец лани, се наведува во соопштението од Министерството за финансии.

Министерот за финансии Драган Тевдовски вели дека продолжува праксата на редовен и неселективен поврат на ДДВ, што е значајно за одржување на ликвидноста во стопанството.

-Редот кој го воспоставивме со повратот на ДДВ, односно обезбедувањето на редовен и неселективен - автоматски поврат, е значаен за подобрување на ликвидноста во стопанството. Со тоа се обезбедува нормално работење на фирмите, но и се стимулира инвестициската активност - истакнува Тевдовски.

Во насока на обезбедување на автоматски поврат на ДДВ, Управата за јавни приходи направи и Модул за автоматски поврат и пребивање даноци кон сите даночни обврзници, кој ќе биде имплементиран во текот на годинава.

Инаку минатата година, Министерството за финансии изврши вкупно поврат на ДДВ кон фирмите  во износ од 23,1 милијарда денари (375,6 милиони евра). Тоа е за 3,7 милијарди денари (или 60 милиони евра) повеќе во однос на 2017 година, или за 19,3% повеќе.

Се запали конзерваториумот ,,Чајковски” во Москва(ВИДЕО)

Рано утрово се запали зградата на државниот конзеравториум ,,Чајковски” во Москва.

Според медиумите , нема повредени во пожарот , а штетата дополнително ќе се утврдува.

На самото место пожарот го гаснат 15 противпожарни тимови.

Куба на референдум – капитализам или социјализам

Над 8 милиони Кубанци утре излегуваат на референдум за новиот Устав , кој и покрај измените , го задржува социјалистичкото уредување на државата.

Новиот Устав на Куба би требало да го замени оној од 1976 , во кој ќе се признае приватната сопственост и странски вложувања. Граѓаните ќе треба да одговорат на прашањето ,,Дали ќе го ратификувате новиот Устав на Републиката”.

Власта , предводена од претседателот Мигел Дијаз Канел лобира како никогаш до сега за одговорот ,,да” , со реклами на сите ѕидови , автобуси , во медиумите и на социјалните мрежи.

Опозицијата , пак ги повикува луѓето да гласаат ,,не”. Според анкетите , 70 до 80 проценти од граѓантите се за измени на Уставот , а првите резултати ќе бидат познати в понеделник попладне.

притисни ентер