Новаци се подготвува да го стартува проектот за топлификација

Општина Новаци ги отпочнува преговорите со ЕЛЕМ со цел да стартува проектот за топлификација.
 Градоначалникот на Новаци Љубе Кузмановски смета дека се реални изгледите да се топлифицира оваа рурална општина токму заради непосредната близина од само два километри од РЕК Битола. Со изградбата на топлификација предвидено е да се искористи отпадната топла вода во процесот на производство на електрична енергија во РЕК „Битола“ за загревање на домовите на граѓаните, но и за загревање на земјоделските пластеници. Дополнителна вредност има и еколошкиот бенефит од сето ова, бидејќи проектот значајно ќе придонесе за намалување на загадувањето во овој регион.
„На два километри се наоѓа и рудникот Суводол од термоелектраната.

Таму има парно. Новаци бидејќи е блуску може да се загрева со топлинската енергија која што се ослободува во РЕК Битола.Сметам дека со нормално производство на електрична енергија на трите блокови, Новаци поради близината може да се загрева со топлинската енергија од РЕК Битола. Веднаш по празниците планираме да започнеме со преговори прво со ЕЛЕМ, а потоа да обезбедиме техничка документација, за на крај да се утврди колкава ќе биде финансиската конструкција. На средбата со менаџерскиот тим на ЕЛЕМ ќе се отвори постапка, прво преговори, па проектна документација и да се види колку ќе чини тој проект, за потоа да се обезбедат средства. Тоа нема да биде ниту лесно, ниту брзо, но штом се започне мислам дека ќе се заврши. Доколку техничка можност постои сето другото ќе ги изменаџираме и ќе го истераме до крај. Оттука, кон крајот на 2018 година или почетокот на 2019 година се надевам дека ако се биде во ред како што планираме ќе започне и изградбата.,,- вели градоначалникот на Новаци.

Кузманоски, со оглед на неговото претходно работно искуство во РЕК Битола, смета дека топлификацијата е лесно изводлива за Новаци, но не и за другите општини заради оддалеченоста.

„Зошто не може да се топлифицира Битола или подалеку? Затоа што од Битола до РЕК има дванесет километри. И мое мислење е дека за да се загрева Битола треба од РЕК еден блок да не проиведува струја, туку да произведува само топлинска енергија. Во овие моменти кога државата кубури со производство на електрична енергија, кога се очекува 70 проценти производство на струјата да даде РЕК за потребите на Македонија, мислам дека нема никој да си дозволи еден блок да се исклучи од мрежа заради топлификација на Битола. затоа сметам дека со нормално производство во електрична енергија на трите блока сепак Новаци заради близината може да се загрева со топлинската енергија.“, вели Кузманоски.

Општина Битола пак најголем акцент стави на проектот за гасификација за што во општинскиот буџет годинава се предвидени 15 милиони денари.
-Валентин Груевски, претседател на Совет на општина Битола

Општините Битола, Новаци и Могила, секоја година како обештетување од загадувањето  од ЕЛЕМ добиваат средства кои се користат за еколошки проекти.

Пред Собранието изутринава мирно, сообрачајот нормализирана

Пред Собранието на Македонија изутринава е мирно по синоќешните насилни протести во кои се повредени седум полицајци и приведени 25 демонстранти. 

Барикадите се остранети, а сообраќајот по улиците околу собраниската зграда се одвива нормално. Забележливо е помало полициско присуство.  

МВР по синоќешните настани соопшти дека дел од демонстрантите на вчерашниот јавен протест во Скопје, употребија распрскувачки средства и насилно ја турнаа заштитната ограда, истовремено обидувајќи се насилно да влезат во Собранието. Со цел да се спречи ескалирање на ситуацијата и насилен упад во Собранието, а постапувајќи согласно процедурите, полицијата уопотреби солзавец, информира МВР.

Министерството за внатрешни работи потенцира дека го почитува правото на мирен протест, но нема да дозволи употреба на сила и насилен упад, како и нарушување на јавниот ред и мир. Министерството апелира на демократски начин на изразување на јавното мислење.

Повеќе информации од МВР за вчерашните случувањата пред законодавниот дом во центарот на Скопје ќе бидат соопштени во текот на денов.  

Протестите беа против Договорот за решавање на македонско-грчкиот спор за името и стратегиско партнерство потпишан вчера во Псарадес.

Нова демократија: Тажен и срамен ден за Грција

Тажен и срамен ден за Грција, бил вчерашниот според Нова демократија и поради инцидентите во близина на Преспа и поради потпишаниот договор.

Од грчката опозициска партија коментираат дека Ципрас и Каменос вчера ја отстапија можноста „граѓаните на ПЈРМ да се нарекуваат Македонци и да говорат македонски јазик“, јави дописничката на МИА од Атина.

- Во исто време додека Ципрас и Коѕијас славеа во Преспа за еден договор што им штети на националните интереси, на полицијата и беше дадена наредба да покаже, до сега невидена, бруталност, испраќајќи ги дури и во болница граѓаните кои ја покажаа нивната патриотска чувствителност. Не е само тажен ден за Грција, туку е и ден на срам за Ципрас и Каменос, бидејќи заедно, на граѓаните на ПЈРМ им ја отстапија можноста да се самонарекуваат „Македонци“ и да поддржуваат дека говорат наводен македонски јазик, соопштуваат од опозициската партија и додаваат дека „македонски јазик и македонска националност не прифатила ниту една претходна грчка влада“.

Од Нова демократија коментираат дека грчкиот народ со право бил бесен, бидејќи сфатил дека коалиционата грчка влада за да се задржи на власт „веќе не води сметка за националните интереси“. Паралелно ги повикаа граѓаните да покажат смиреност и воздржаност. 

Автобус влета во публика на фестивалот Пинк поп во Лимберг

Едно лице загина, а три се повредени кога автобус влета во публиката на фестивалот Пинк поп во Лимберг, на југот од Холандија.

Инцидентот се случил неколку часа по настапот на американскиот пејач Бруно Марс, кој го затвори фестивалот, пренесе Ројтерс.

Полицијата соопшти дека возачот на автобусот побегнал од местото на настанот и по него е распишана потерница, а улиците околу местото на одржување на фестивалот се затворени.

притисни ентер