Струмица доби мерна станица, но не работи правилно?

Општински инспектори за само неколку дена утврдиле низа неправилности во неколку стопански субјекти во Струмица кои се и потенцијални загадувачи на воздухот.
Службите од вторникот се на терен, ги чешлаат сите и се врши засилена контрола , какви  средства се користат за загревање, но и производство во нивните капацитети.

Иницијативата произлезе од првичните и неофицијални резултати од новопоставената мерна станица за аеоро загадување во градот која покажа дека во воздухот се измрени рекордни 770 мг на м3.Анализите се направени и од страна на општински органи.

Од општината информираат  дека никој нема да биде поштеден,но и дека контролите нема да застанатл,инспекторите и понатаму ќе се на терен.Ќе се врши инспекциски надзор не само на правните субјекти туку и на домакинствата.

Од 4ти јануари во кругорт на општа болница во Струмица беше поставена мерната станица за загадување на воздухот која неколку дена беше  во пробна работа.Од министерството за животна средина велат дека , параметрите добиени во треба да не се земаат во предвид. По завршувањето на сите активности како што се баждарење и калибрирање на инструментите во самата мерна станица, ќе можеме со сигурност да ги следиме отчитувањата и да сме сигурни дека загадувањето на воздухот на територијата на општина Струмица е на повисоко ниво од дозволеното информираат од министерството

„Скопско лето“ почнува со концерт на музичари од Израел

Со концерт на Дадо Дганит, позната пејачка и член на Националниот театар на Израел „Хабима“, вечер од 20.30 часот во Македонската филхармонија ќе биде отворен фестивалот „Скопско лето“.

Дирекцијата за култура и уметност-Скопје го организира нејзиното гостување со поддршка од Амбасадата на Израел во Македонија, а со  со концертот ќе бидат одбележани 70 години независност на Израел. 

Дадо Дганит, која на сцената ќе биде придружена со четворица инструменталисти, на своите концерти им дава нов живот на старите ладино мелодии и разновидната еврејска музичка култура ја модернизира збогатувајќи ја со ориентален ритам и звуци на клезмер - музичка традиција на Евреите Ашкенази во Источна Европа. 

Има објавено шест албуми, често е на турнеи низ светот и настапува на светски музички фестивали и на повеќе јазици - хебрејски, француски, шпански, арапаски, како и на ладино - јазикот на сефардските Евреи. 

Во вториот дел од вечерашниот концерт ќе настапи и водечката флејтистка во Израел, Хефциба Зер Авив, која свири на повеќе од 20 видови флејта и претставува уникатен и спектакуларен мозаик од израелски и медитерански егзотичен стил свирење на овој инструмент. 

Има издадено четири албуми, настапила во познати музички центри, меѓу кои и во „Карнеги хол“ во Њујорк во 2012 година со рецитал за флејта. Во 2016-та го отворила концертот на „Дип Парпл“. 

По вечерашното отворање, „Скопско лето 2018“ ќе продолжи со програмските содржини кои традиционално траат до 31 јули. Во 40-те фестивалски дена најавени се околу 50 настани - театарски претстави, концерти од различни жанрови, програми за деца, десетина изложби со домашни и со ликовни уметници од странство, промоции на книги, а од 12 јули во Сули ан ќе ја има и редовната филмска содржина „Кафе кино“. Фестивалот ќе се одржува на 20-ина локации во главниот град. 

Фестивалот е поддржан од  Град Скопје, Министерството за култура и од странски културни центри и амбасади. Директорот на ДКУС Никола Глигоров на прес-конференција рече дека се задоволни што „Скопско лето“ опстојува 39 години на културната мапа на Скопје, но и на државата, и дека со своите атрактивни и квалитетни содржини успева да го задржи вниманието на публиката. 

Сончево со мала до умерена облачност и температура до 34 степени

Времето во Македонија ќе биде сончево со мала до умерена облачност. Во западните делови значително облачно, попладне со појава на пороен дожд и грмежи.

Утринската температура ќе се движи од 14 до 19, а  дневната од 21 до 34 степени.

УВ-индексот ќе изнесува 8.

Во Скопје сончево со мала до умерена облачност. Утринската температура ќе се спушти до 16, а дневната ќе се искачи до 31 степен.

До петок во попладневните часови ќе има појава на локална нестабилност проследена со пороен дожд, грмежи и засилување на ветерот. Во петок кон крајот на денот ќе почне да дува засилен северозападен ветер кој ќе продолжи и во сабота и ќе услови значително опаѓање на температурата во наредните денови. За време на викендот ќе има локален дожд, но без грмежи, а од понеделник се очекува пооблачно време со пообилни врнежи од дожд.

Утре сончево со мала до умерена облачност

Утре ќе биде сончево со мала до умерена облачност.

Во западните делови пооблачно, попладне со појава на пороен дожд и грмежи.

Т-мин. од 11 до 19, а т-макс. од 26 до 34 степени. /МИА

притисни ентер