Владата донесе одлука за повисоки субвенции за тутунот , одобрена поддршка за две странски инвестиции

На 54 седница на Владата е донесена одлука за повисоки стимулативни субенции за тутунот; одобрена е поддршка за две нови странски инвестиции, прифатени се препораките на УНЕСКО за заштита на Охридскиот регион, Мерцедесот оди на аукција. Вадата ги задолжи министерствата да ги достават приоритетите за реформи што ќе бидат опфатени до крајот на годината.
На денешната седница владата ги разгледа и ги усвои изменувањата и дополнувањата на Уредбата за критериуми за субвенционирањето на тутунот. Со измените во уредбата, почнувајќи од реколтата 2017 година, тутунарите ќе добиваат повисоки субвенции со што директно се стимулира производството на квалитетен тутун. Одлуката се однесува на целокупната количина тутун според категориите и типовите опфатени со уредбата, се наведува во соопштението на Владата .

На денешната седница владата донесе одлуки за поддршка на две нови странски инвестиции. Првата за давање согласност за долготраен закуп на градежно земјиште за компанијата за производство на лекови САГЕН, a втората за Договорот за доделување државна помош на Друштво за производство, трговија и услуги, компанијата ВИК во Технолошко индустриската развојна зона Прилеп.

Владата денеска ја разгледа и ја усвои информацијата на Јавното претпријатие за стопанисување со државните шуми Македонски шуми - Скопје за вкупно потрошените финансиски средства за спроведување на Акцијата “Ден на дрвото - засади ја својата иднина” од почетокот на акцијата до 2016 година. Според оваа информација за реализација на оваа акција биле потрошени 17,8 милиони евра, а преживеале само 21 отсто од вкупно засадените садници. Дополнителни 31 милион денари во оваа акција биле потрошени за засадување палми, а во извештајот се наведува дека ниту една палма не преживеала.

Владата на Република Македонија ја разгледа и усвои Информацијата за изработката на Извештајот за напредокот во спроведувањето на препораките од Одлуката на Комитетот за светско наследство на УНЕСКО за состојбата на природното и културното наследство на Охридскиот регион, како и Извештајот за напредокот во спроведувањето на препораките.

Согласно препораките, преземени се мерки и активности со што е отстранета опасноста Охридскиот регион да го загуби статусот на светско наследство на УНЕСКО.

Владата го задолжи Министерството за култура, преку Национална комисија за УНЕСКО да го достави извештајот до Центарот за светско наследство на УНЕСКО, во рок од 10 дена од усвојувањето на Информацијата.

Владата денеска донесе одлука да се изврши продажба на патничкото моторно возило Мерцедес Бенц С600 преку електронскиот систем за јавно наддавање со кој управува и оперира Министерството за финансии. Почетната проценета вредност на овој автомобил, согласно проценката на  Бирото за судски вештачења, изнесува 14.372.208,00 денари (230.000 евра). Јавното наддавање ќе се изврши електронски на интернет страницата www.e-aukcii.finance.gov.mk

Во рамките на точката за состојбите и напредокот во процесот на европска интеграција и реализацијата на Планот 3-6-9, владата донесе заклучок да се забрза донесувањето на законите предвидени во одредниците 6 и 9 од планот, и ги задолжи министерствата да ги достават приоритетите за реформи што ќе бидат опфатени до крајот на годината.

Владата денеска ја разгледа и усвои информацијата за Регионална депонија Русино и го задолжи Министерството за транспорт и врски да ја предвиди изработката на Државна урбанистичко планска документација за оваа регионална депонија во годишната програма за финансирање на изработка на урбанистичките планови, урбанистичко плански – документации на Владата на Република Македонија за 2018 година.

Владата на Република Македонија ја разгледа и усвои Предлог-Националната програма за развој на земјоделството и рурален развој за период 2018-2022 година.

Владата ја разгледа и ја усвои Информацијата за прогресот на активности во реализацијата на Акцискиот план за проектот „Изградба на автопат Скопје-Блаце“ со проекција работите да започнат во втората половина на 2019 и да бидат завршени до крајот на 2022 година.

На предлог на Министерството за локална самоуправа, Владата на Република Македонија ја разгледа и усвои Информацијата за потребата од изменување и дополнување на Програмата за оддржлив локален развој и децентрализација во Република Македонија 2015-2020 и информацијата за подготовка на нов Акциски план 2018-2020 за спроведување на Програмата за оддржлив локален развој и децентрализација во Република Македонија 2015-2020.

Пред почетокот на работниот дел од 54-тата седница на Владата на Република Македонија, на иницијатива на Делегацијата на ЕУ во Скопје, беше одржана презентација за реформите во јавните финансии и за важноста на раководната одговорност во ефикасното управување на јавната администрација, што ја подготви СИГМА, заедничката иницијатива на ОЕЦД и Европската унија, која работи со земјите пристапнички во ЕУ.

Во презентацијата на СИГМА посебен фокус беше посветен на мониторингот  за отчетноста во владините институции, со констатација дека во втората половина на 2017 година е направен исчекор во управувањето со институциите и внатрешната контрола, за разлика од првата половина на годината кога за усогласувањето на политиките и стратегиите со финансиите беа искажани оценки.

Извештајот на мониторингот на СИГМА објаснува дека исчекорот напред во втората половина на 2017 година се должи на подготовката на двата стратешки документи „Програмата за реформа на управувањето со јавните финансии 2018 –2021 година“ и „Стратегијата за реформа на јавната администрација 2017-2022 година.



Нови субвенции за купување велосипеди и замена на водомери во општина Карпош

На денешната десетта седница на Советот на општина Карпош, советниците ја одобрија одлуката за добивање на финансиски средства, за замена на стари куќни водомери на со нови ултразвучни.

Водомерите ќе се интегрираат во системот на далечинско одчитување на системот на Јавното претпријатие „Водовод и Канализација“.

Градоначалникот на Карпош Стефан Богоев, нагласи дека ова е грант од ЕБРД преку Министерството за транспорт и врски кој ќе изнесува околу 200.000 евра.

Со овој проект би се опфатиле 500 куќни домаќинства.

На седницата исто така беше одобрена предлог-одлуката за субвенционирање на купување нови велосипеди. По масовниот интерес за првата ваква акција, во која беа предвидени 300.000 денари, локалната самоуправа продолжува со уште една ваква акција, во која се предвидени дополнителни 360.000 денари финансиски средства, со кои ќе се помагаат карпошани да купат нови велосипеди.

Советниците ги усвоија и Извештаите за работата во областа на детската, здравствената и социјалната заштита, културата и образованието. Исто така, се усвоија и Извештаите за работата во областа на заштитата и спасувањето, екологијата и енергетската ефикасност и работата на организација на Советот за периодот од 01.01 до 15.05 .2018 година.

На оваа седница, советниците го усвоија и предлогот за времено давање на недвижни ствари (простории на локалната самоуправа на надвозникот „ Влајко“) на Министерството за земјоделие на Република Македонија.

СДСМ :Криминалното и расипничко 11 годишно владеење на ВМРО-ДПМНЕ ги турна граѓаните и државата во сиромаштија и долгови

Денеска кога ВМРО-ДПМНЕ се обидува да глуми загриженост и да шири неточни, лажни вести треба да и биде јасно дека е прочитана од граѓаните а демантирана од фактите, реагираат од СДСМ на прес конференцијата на ВМРО- ДПМНЕ. .

Само последните три месеци од криминалното владеење на ВМРО ДПМНЕ донесоа пад на економијата од -1.3% во првиот квартал од 2017 година. За само неколку месеци, успешните економски политики на владата на СДСМ придонесоа во последното тримесечие од 2017 година да има раст од +1.3%.

Минималната плата порасна на 12.000 денари, се изедначи за сите индустрии и денес околу 90.000 семејства имаат повисоки плати. Тоа влијае и врз растот на просечната плата којашто според официјални податоци, во март 2018 година бележи раст од 5,6 отсто во однос на истиот месец од 2017 година.

Јавниот долг за првпат е намален по неколку години постојано зголемување, а намалена е и фреквенцијата на задолжување.

Фактите покажуваат дека промените носат економски напредок, раст, поголеми плати и подобар животен стандард за граѓаните.

ВМРО-ДПМНЕ останува заробеник на едно минато време и погрешни политики коишто граѓаните ги поразија. Опозициската партија се уште не може да собере сили да се реформира и да се профилира во сериозен, демократски политички субјект, со јасен политички профил и начин на дејствување, се наведува во реакцијата на СДСМ.

ВМРО- ДПМНЕ : Каде отидоа половина милијарда евра само изминатава година?

Откако само една година е на власт криминалниот картел на СДСМ народот пати од беда, а Република Македонија е во економска стагнација, рече на прес конференција портпаролот на ВМРО – ДПМНЕ , Димче Арсовски.

Економијата тоне, нема инвестиции, а за нови работни места не ни станува збор, нема ниту едно ново работно место отворено.

                    Зоран Заев пред изборите ветуваше дека економијата ќе била приоритет на неговата  влада, ветуваше 500 евра просечна плата, пари назад во џебовите на  граѓаните и дека ќе ја спречел тенденцијата на иселување на младите луѓе од државата, и сето тоа како што велеше со зачувување на 400 милиони евра годишно кои се  краделе од државата.

          Доколку ја земеме предизборната логика на  Зоран Заев како појдовна основа, тогаш се поставува логичното прашање каде завршуваат над 530 милиони евра годишно?

          Каде отидоа половина милијарда евра само изминатава година?  

          Заев и картелот на власт да кажат каде отидоа над 530 милиони  евра од Буџетот на државата, за да нема пари да се остварат проектите кои што ги ветија пред изборите?, прашуваат од ВМРО- ДПМНЕ.

         

притисни ентер