СДСМ : За ВМРО-ДПМНЕ е несфатливо тоа што Владата предводена од СДСМ работи одговорно и во интерес на сите граѓани и затоа шири лажни вести

Времето кога политиките се креираа заради остварување на нечии бизнис и лични интереси на поединци од власта заврши со заминувањето на ВМРО-ДПМНЕ во опозиција, се наведува во реакцијата на СДСМ.
За ВМРО-ДПМНЕ, партијата којашто со криминалното и расипничко владеење стана најбогата партија во Европа е крајно непознато дека некој може да успее со чесна работа, а дека Владата може да работи во интерес на сите граѓани, наместо во интерес на поединци како што беше случај со владеењето на ВМРО-ДПМНЕ.

Вицепремиерот за економски прашања Кочо Анѓушев јавно и транспарентно го објави својот имотен лист и во повеќе наврати јавно соопшти дека се откажува од какви било бизнис соработки со Владата, се со цел да се посвети на јавниот интерес и интересите на државата.

Владата предводена од СДСМ продолжува да работи на спроведување на политики кои обезбедуваат економски раст и квалитетен живот за сите граѓани. Вицепремиерската позиција за бизнисот како партнер во градењето на реални политики базирани на искуство се непознат и погубен концепт за ВМРО-ДПМНЕ и затоа оваа партија секојдневно шири лажни вести.

Никој повеќе нема да се богати на сметка на граѓаните. Политиката и бизнисот повеќе не се испреплетуваат и крајно време е ВМРО-ДПМНЕ да ја научи таа лекција.

ВМРО-ДПМНЕ: Начинот на СДСМ да ги донесе измените во Изборниот законик создава простор за изигрување на волјата на граѓаните

Начинот на СДСМ да ги донесе измените во Изборниот законик се обид за создавање на простор за манипулирање и изигрување на волјата на граѓаните.

Со тоа, СДСМ сака да ги заобиколи демократската процедура и воспоставената демократска пракса, ваквите измени да се носат во консултација и согласност со опозицијата. Само на тој начин може да се гарантира фер и демократски услови при изборен процес и вистинско изразување на волјата на граѓаните.

Флагрантната злоупотреба на европското знаме на закони кои не се во согласност со европското право е само уште еден од низата директни удари врз демократијата. Лажното подметнување на ставот на Венецијанската комисија е уште еден доказ дека СДСМ ги преминува сите граници на пристојност и демократска култура, што во целост не соодветствува со европските вредности.

ВМРО-ДПМНЕ останува на принципиелните барања, востановени и усогласени помеѓу работните групи уште во март за околу концептот за финансирање на политичките партии и влада согласно договорот од Пржино како гарант за создавање демократски услови за изборен процес.

Криминалите на Зоран Заев и картелот на власт не може и не смее да се покриваат со продавање на највисоките национални интереси и напад врз демократијата во Република Македонија.

Центар за комуникации на ВМРО-ДПМНЕ

Усвоена информацијата за набавка на инсулин, глукагон, ленти за мерење шеќер

Владата на денеска одржаната седница ја усвои информацијата за повеќегодишна набавка на инсулин, глукагон, инсулински игли, ленти за мерење шеќер и инсулински пумпи со потрошен материјал за периодот септември 2018 - септември 2020 година.

Од владината прес-служба информираа дека за спроведување на набавката е задолжено министерството за здравство.

Владата ја прифати и информацијата за почнување на подготвителни работи и претходна анализа за можноста за формирање регионален проект за фракционирање на крвна плазма и безбедност во снабдувањето со крв. Подготвителните активности за овој проект е задолжено да ги почне министерството за здравство.

Изборот на ДИК да се носи со 61 пратеник

Собранието попладнево со 62 гласа „За“ ја утврди потребата за донесување по скратена постапка на измени и дополнувања на Изборниот законик.

 Со кој се предлага составот на ДИК да се избира со 61, наместо со 81 пратеник. За опозицијата – се работи за досега невиден преседан, за власта пак, начин да се деблокира процесот.

 Весна Велкова Тодоровска е пред собранието. За утре е закажана и лидерска средба.

Целиот извештај погледнете го во видеото.

притисни ентер