МИА : Датум за преговори со ЕУ најдоцна во јули

Земјите-членки на Европската унија сакаат Македонија да добие датум за почеток на преговори најдоцна во јули годинава, дознава МИА од високи дипломатски извори во Брисел.
Како што јавува дописничката на МИА од Брисел, бугарското претседателство би сакало датумот да биде доделен во јуни додека сеуште е Бугарија претседавач со ЕУ, но доколку тоа не биде возможно најголемиот дел од земјите-членки на ЕУ сакаат датумот да биде доделен најдоцна во јули, под австриско претседателство, „дури и да не е целосно решен спорот за името, но ако е на пат да биде решен“, велат изворите на МИА во Брисел.

Кај земјите-членки преовладувала „многу позитивна“ атмосфера кон Македонија и реформскиот напредок во државата. - Толку е позитивна атмосферата што би било тешко за Грција да блокира одредување датум за преговори и доколу Грција блокира тоа ќе биде лошо за неа, велат дипломатски извори од важна земја-членка на ЕУ за МИА.
За крај изворите на МИА објаснуваат дека повеќе земји-членки, меѓу кои и најголемите, посакуваат датум за старт на преговори да им се додели во пакет на Македонија и на Албанија, чии реформски напредок исто така наиде на многу позитивни реакции во Брисел.

Албанија исто така има билатерални спорови си Грција, но се чини дека Грција не се осмелува да оди во директна блокада. /MИА

НАТО генерал избегна атентат во Авганистан

Командантот на силите на НАТО во Авганистан , американскиот генерал Скот Милер е неповреден во нападот во Кандахар , каде загинаа две лица , а повеќемина се повредени.

Веднаш по состанокот на генерал Милер со покраинските функционери во областа Кандахар , во Авганистан , при разделбата , непознати лица отвориле оган врз делегациите. Во пукотниците загина шефот на полицијата на областа , како и еден новинар.

Неколку лица од авганистанската делегација се повредени. Од штабот на НАТО информираат дека генералот Милер е неповреден.

Пред делегацијата на НАТО да се качи во авион се слушнале истрели, а медиумите јавуваат дека меѓу напаѓачите биле и телохранителите на гувернерот.  

Растот на платите, обезбедените буџетски средства за нови капацитети и опрема се приоритет на Владата за текстилната индустрија

Министерот за финансии Драган Тевдовски и шефицата на кабинетот на Министерството за труд и социјална политика Санела Шкриељ,учествуваа на дебатата „Иднината во нашите очи“ во организација на фондацијата „Фридрих Еберт“.

Како што истакна министерот за финансии, целта на Владата е да обезбеди подобар живот за граѓаните и развој на економијата, а овие две цели се заемно поврзани. Тевдовски додаде дека токму поради тоа, Владата истовремено го поддржува и растот на платите, преку мерки како минималната плата, но и техничко-технолошкиот развој на компаниите за зголемување на продуктивноста, се наведува во соопштението од Владата. 

На дебатата во Штип, Тевдовски посочи дека растот на платите најмногу се гледа кај секторите за производство на текстил, облека и преработка на кожа, како области кои порано имаа плата под минималната, но сега прагот кај нив е изедначен со останатите сектори.

Министерот за финансии на трибината на манифестацијата „Текстилијада“ која се одржува по втор пат и која им овозможува на работниците и на работодавачите да ги споделат нивните теми од интерес, нагласи дека растот на платите влијае на покачување на продуктивноста на компаниите, бидејќи подобро платените работници се помотивирани и попродуктивни. Во таа насока, за да се поддржи зголемување на продуктивноста на компаниите, Владата обезбеди буџетски средства но и евтини кредити од Европската инвестициска банка, за да ги поддржи инвестициите во нови капацитети и опрема. Министерот рече дека зголемената продуктивност на компаниите на крај ќе се отслика на развојот на економијата во целост.

Во име на Министерството за труд и социјална политика, шефицата на кабинетот на министерката, Шкриељ нагласи дека изминатата година и пол МТСП интензивно работеше на законски решенија со кои се унапредуваат работничките права. Една од тие мерки е поддршката за раст на плати со кои на работниците им се исплаќа повисока минимална плата, а работодавачите добиваат поддршка за истата и од оваа мерка веќе се гледаат резултатите. Таа информираше дека во тек е и подготовка на нов закон за работни односи кој ќе биде усогласен со европските стандарди.

На дебатата учествуваа и Благој Бочварски и Николчо Илиев, како градоначалници на Штип и Кочани, градови со доминантно текстилна индустрија.

Шведскиот амбасадор Стафансон : Владата се чини дека го има потребното мнозинство

Шведскиот амбасадор во Македонија .Матс Стафансон на Твитер напиша дека во очекување на клучното гласањето во Парламентот, изгледа дека Владата го обезбедила потребното двотретинско мнозинство.

,,Вечерва во парламентот се очекува клучното гласање за Договорот од Преспа меѓу Македонија и Грција. По се изгледа дека Владата го има неопходното двотретинско  мнозинство. Со тоа конечно ќе ја отвори НАТО у ЕУ перспективата за Македонија. Многу новинарски извештаи за закани кон опозициските пратеници кои ќе гласаат „за“, напиша пред два часа амбасадорот Стафансон.

притисни ентер