Димитров: Се надевам дека ќе имаме чиста препорака

Се надевам дека ќе имаме чиста препорака за отпочнување преговори за членство во Европската унија, порача вечерва шефот на македонската дипломатија Никола Димитров.

Тој нагласи дека едвај чека да го прочита извештајот на Европската комисија, кој треба да биде објавен утре.
- Во последниот извештај на Фридм хаус за нациите во транзиција беше наведено дека Македонија е земја, кај која е забележан најголем демократски пробив во Европа. Беше кажано земјата е мала, но можностите се големи, што двојно го зголеми моето ниво на адреналин и ентузијазам, рече Димитров.
Нагласи дека интегрирањето во ЕУ треба да се гледа регионално и оти земјите треба да бидат свесни за нивната меѓусебна поврзаност.
- Невозможно е Македонија да биде среќно место, успешна и стабилна демократија, доколку и Србија не е таква земја. Невозможмо е да имаме регион во кои сите одвреме навреме се сомневаат во иднината и функционалоста на БиХ. Сите заедно сме во ова и колку побрзо го сфатиме тоа, полесно ќе ни биде да ги решиме проблемите и да им покажеме на европските пријатели дека сме нивни партнери, порача Димитров.

Додаде дека земјите од регионот често пати сакале да бидат жртви и да ги обвинуваат другите за нивните прашања.

- Виновни ни се соседите, Брисел, никој не не сака. Се е во наши раце, никој не кажа дека градењето на европската демократија е лесно, нагласи шефот на македонската дипломатија и додаде дека регионот треба да го фати возот кој се движи во насока на евроинтеграцијата.
На конференцијата на Европскиот фонд за Балканот беше претставена и „Декларацијата за партнерството меѓу Европа и Балканот“, визионерски документ за иднината на регионот, кој го составија 20 експерти од регионот, во консултации со владите на државите во Балканот, преставници на владите членки на ЕУ, преставници на цивилното општество и реномирани интелектуалци.

Идејата на Декларацијата е дека денес, 15 години по Солунскиот самит, кој се одржа во 2003., ветувањето за проширувањето на ЕУ со Западен Балкан да стане реалност, преку сериозна работа, заложба и искрен и транспарентен однос на сите страни.
Во Декларацијата се повикува ЕУ и Балканот на создавање „ново заедништво“, втемелено на стратегијата која се заснива на четири столба - интензивирање на соработката со Балканот, систематски напори во промовирањето на културата на учењето и усовршувањето на сите нивоа на образованието со цел на унапредување на човечките ресурси, искрено и трајно регионално зближување и остварување на визијата на потесна соработка во разни области на политиката на ЕУ.

Главна мисија на Европскиот фонд за Балканот е да ја промовира интеграцијата во ЕУ на земјите од регионот и нивната трансформација во просперитетни и стабилни европски демократии.

За време на конференцијата, Димитров оствари повеќе средби и разговори - со Флориан Бибер, директор на Центарот за југоисточни европски студии при Универзитетот во Грац, Кристоф Бендер, претседател на реномораниот тинк тенк - Иницијативата за европска стабилност, како и со директорката на ЕФБ,Хедвиг Морваи и други реномирани учесници од различни фели.

Во фокус на разговорите беа претстојниот извештај на ЕК за напредокот на земјите од регионот, како и за идните чекори во рамки на евроинтегративните процеси. 

Со 80 гласа ,,ЗА” Собранието ги изгласа уставните измени

80 пратеници гласаа за промена на Уставот на Република Македонија , објави собранискиот спикер Талат Џафери.

На барање на пратеникот Драган Данев за поименично гласање , пратениците се изјаснија кој гласал за промена на Уставот , со што се отвора прифаќа Договорот од Преспа за промена на името Република Македонија  и се одблокира НАТО и ЕУ интеграцијата на Македонија . 

НАТО генерал избегна атентат во Авганистан

Командантот на силите на НАТО во Авганистан , американскиот генерал Скот Милер е неповреден во нападот во Кандахар , каде загинаа две лица , а повеќемина се повредени.

Веднаш по состанокот на генерал Милер со покраинските функционери во областа Кандахар , во Авганистан , при разделбата , непознати лица отвориле оган врз делегациите. Во пукотниците загина шефот на полицијата на областа , како и еден новинар.

Неколку лица од авганистанската делегација се повредени. Од штабот на НАТО информираат дека генералот Милер е неповреден.

Пред делегацијата на НАТО да се качи во авион се слушнале истрели, а медиумите јавуваат дека меѓу напаѓачите биле и телохранителите на гувернерот.  

Растот на платите, обезбедените буџетски средства за нови капацитети и опрема се приоритет на Владата за текстилната индустрија

Министерот за финансии Драган Тевдовски и шефицата на кабинетот на Министерството за труд и социјална политика Санела Шкриељ,учествуваа на дебатата „Иднината во нашите очи“ во организација на фондацијата „Фридрих Еберт“.

Како што истакна министерот за финансии, целта на Владата е да обезбеди подобар живот за граѓаните и развој на економијата, а овие две цели се заемно поврзани. Тевдовски додаде дека токму поради тоа, Владата истовремено го поддржува и растот на платите, преку мерки како минималната плата, но и техничко-технолошкиот развој на компаниите за зголемување на продуктивноста, се наведува во соопштението од Владата. 

На дебатата во Штип, Тевдовски посочи дека растот на платите најмногу се гледа кај секторите за производство на текстил, облека и преработка на кожа, како области кои порано имаа плата под минималната, но сега прагот кај нив е изедначен со останатите сектори.

Министерот за финансии на трибината на манифестацијата „Текстилијада“ која се одржува по втор пат и која им овозможува на работниците и на работодавачите да ги споделат нивните теми од интерес, нагласи дека растот на платите влијае на покачување на продуктивноста на компаниите, бидејќи подобро платените работници се помотивирани и попродуктивни. Во таа насока, за да се поддржи зголемување на продуктивноста на компаниите, Владата обезбеди буџетски средства но и евтини кредити од Европската инвестициска банка, за да ги поддржи инвестициите во нови капацитети и опрема. Министерот рече дека зголемената продуктивност на компаниите на крај ќе се отслика на развојот на економијата во целост.

Во име на Министерството за труд и социјална политика, шефицата на кабинетот на министерката, Шкриељ нагласи дека изминатата година и пол МТСП интензивно работеше на законски решенија со кои се унапредуваат работничките права. Една од тие мерки е поддршката за раст на плати со кои на работниците им се исплаќа повисока минимална плата, а работодавачите добиваат поддршка за истата и од оваа мерка веќе се гледаат резултатите. Таа информираше дека во тек е и подготовка на нов закон за работни односи кој ќе биде усогласен со европските стандарди.

На дебатата учествуваа и Благој Бочварски и Николчо Илиев, како градоначалници на Штип и Кочани, градови со доминантно текстилна индустрија.

притисни ентер