Могерини : Во интерес на Еу е да ја подобри соработката со Западен Балкан

Високата претставничка на ЕУ за надворешна политика и безбедност изјави дека во Луксембург станало збор за земјите од регионот.

Федерика Могерини оцени дека е во интерес на Европската Унија и на земјите членки да ја подобрат соработката со Западен Балкан. На средбата со шефовите на дипломатиите на 28 земји членки на ЕУ имало опширна дискусија за односите со земјите од регионот.

о повторивме нашиот јасен ангажман и поддршка за цел регион, за нашите шест партнери и за перспективата на проширувањето, изјави Могерини.
Шефицата на дипломатијата на ЕУ, која претседава со Советот на министри за надворешни работи, нагласи дека министрите дале јасна поддршка на Стратегијата, која ЕК ја објави во февруари.

Стратегијата ја претставува кредибилната перспектива на проширување на ЕУ на Западен Балкан, наведувајќи дека Србија и Црна Гора се лидери во евроинтеграцискиот процес, со можноста во 2025 година да добија членство во ЕУ.

– Јасна е поддршката за продолжување со работа со Западен Балкан. Во интерес на ЕУ и нејзините членки е да се зголеми соработката со регионот и да дадат уште посилен кредибилитет на пристапување на регионот кон ЕУ, заклучи Могерини.

Министрите за надворешни работи на ЕУ разговорот за Западен Балкан го одржаа воочи подготовките за самитот ЕУ-Западен Балкан, што ќе се одржи во Софија на средината на мај.

Могерини најави дека во вторник ќе го посети регионот во официјална посета. Во таа прилика, таа ќе ги посети Македонија, Албанија, Црна Гора и Србија.

Растот на платите, обезбедените буџетски средства за нови капацитети и опрема се приоритет на Владата за текстилната индустрија

Министерот за финансии Драган Тевдовски и шефицата на кабинетот на Министерството за труд и социјална политика Санела Шкриељ,учествуваа на дебатата „Иднината во нашите очи“ во организација на фондацијата „Фридрих Еберт“.

Како што истакна министерот за финансии, целта на Владата е да обезбеди подобар живот за граѓаните и развој на економијата, а овие две цели се заемно поврзани. Тевдовски додаде дека токму поради тоа, Владата истовремено го поддржува и растот на платите, преку мерки како минималната плата, но и техничко-технолошкиот развој на компаниите за зголемување на продуктивноста, се наведува во соопштението од Владата. 

На дебатата во Штип, Тевдовски посочи дека растот на платите најмногу се гледа кај секторите за производство на текстил, облека и преработка на кожа, како области кои порано имаа плата под минималната, но сега прагот кај нив е изедначен со останатите сектори.

Министерот за финансии на трибината на манифестацијата „Текстилијада“ која се одржува по втор пат и која им овозможува на работниците и на работодавачите да ги споделат нивните теми од интерес, нагласи дека растот на платите влијае на покачување на продуктивноста на компаниите, бидејќи подобро платените работници се помотивирани и попродуктивни. Во таа насока, за да се поддржи зголемување на продуктивноста на компаниите, Владата обезбеди буџетски средства но и евтини кредити од Европската инвестициска банка, за да ги поддржи инвестициите во нови капацитети и опрема. Министерот рече дека зголемената продуктивност на компаниите на крај ќе се отслика на развојот на економијата во целост.

Во име на Министерството за труд и социјална политика, шефицата на кабинетот на министерката, Шкриељ нагласи дека изминатата година и пол МТСП интензивно работеше на законски решенија со кои се унапредуваат работничките права. Една од тие мерки е поддршката за раст на плати со кои на работниците им се исплаќа повисока минимална плата, а работодавачите добиваат поддршка за истата и од оваа мерка веќе се гледаат резултатите. Таа информираше дека во тек е и подготовка на нов закон за работни односи кој ќе биде усогласен со европските стандарди.

На дебатата учествуваа и Благој Бочварски и Николчо Илиев, како градоначалници на Штип и Кочани, градови со доминантно текстилна индустрија.

Шведскиот амбасадор Стафансон : Владата се чини дека го има потребното мнозинство

Шведскиот амбасадор во Македонија .Матс Стафансон на Твитер напиша дека во очекување на клучното гласањето во Парламентот, изгледа дека Владата го обезбедила потребното двотретинско мнозинство.

,,Вечерва во парламентот се очекува клучното гласање за Договорот од Преспа меѓу Македонија и Грција. По се изгледа дека Владата го има неопходното двотретинско  мнозинство. Со тоа конечно ќе ја отвори НАТО у ЕУ перспективата за Македонија. Многу новинарски извештаи за закани кон опозициските пратеници кои ќе гласаат „за“, напиша пред два часа амбасадорот Стафансон.

Павле Трајанов и Ристо Никовски во „Само Вистина“

ВМРО-ДПМНЕ во моментов е на браникот на татковината, рече Никовски. Трајанов на став дека ако се пропушти шансата сега Македонија ризикува.

За про и контра ставовите во однос на договорот со Грција, за уставните измени и актуелната политичка ситуација повеќе детали погледнете во најновото издание на  „Само Вистина“

притисни ентер