Катимерини: „Замор во спринтот за скопското прашање“

Под наслов „Замор во спринтот за скопското прашање“ грчкиот весник „Катимерини“ ги анализира последните случувања во разговорите за името меѓу Македонија и Грција.
Новинарот пишува дека иако двете страни се договорени речиси за сите регионални прашања, сепак, остануваат отворени централните теми, како што е ерга омнес и уставната ревизија.

- Индикација за заморот што постои на ниво на преговори е фактот што следните средби на Коѕијас и Димитров, кои ја држат „диригентската палка“ на дипломатските преговори меѓу двете земји ќе се одржат на почетокот на мај. Додека пак трите претходни (Скопје, Виена, Охрид) се одржаа во временски период од околу 20 дена. Практично, ова значи дека е надминат почетниот временски рок, што предвидуваше завршување на разговорите на крајот на март, пишува весникот во анализата.

Како што јави дописничката на МИА од Атина, „Катимерини“ го споменува и основното сценарио на грчката страна, да се направи уставна ревизија за решението автоматски да донесе и признавање под новото име и во и вон нашата земја. Сепак, новинарот коментира дека намерата, особено на ЕУ за „success story“ на Балканот може да доведе до притисоци и враќање на почетното сценарио од пред околу четири месеци, тоа за Меѓународен договор што ќе носи гаранции за промени во догледно време.

Она што, според „Катимерини“, веќе ја загрижува Атина е започнување на „blame game“, односно меѓусебно префрлање на вината, доколку не успеат преговорите. Токму затоа Грција „работи на создавање на услови за продолжување на разговорите“.

Весникот го споменува и дописот од Нимиц до двајцата министри за надворешни работи испратен во периодот меѓу последните две средби, онаа во Виена и Охрид. Според информациите на „Катимерини“, се чини дека специјалниот претставник на ОН во разговорите за името оценува дека можностите за подобрување на постоечките околности се ограничени, но дека сега е моментот, двете страни да одат напред и да постигнат конечен договор.

„Дописот на господинот Нимиц не е само технички и правен текст, туку веројатно насоки кои ги вклучуваат основните параметри за можно решение. Ова толкување не и се допаѓа на Атина, главно поради тоа што не сака активна вклученост на господинот Нимиц во преговорите, освен негово посредство. Освен тоа, контактите што во минатото ги имаа господинот Коѕијас со господинот Нимиц, секогаш имаа одредена доза на тешкотија, пишува „Катимерини„.

Весникот коментира дека премиерите на двете земји се решени да одат напред за да се реши спорот, а меѓу Заев и Ципрас постои „директен канал на комуникација, иако до сега бил активиран само неколку пати“. /МИА

Со 80 гласа ,,ЗА” Собранието ги изгласа потребата од донесување на уставните измени

80 пратеници гласаа за потребата од промена на Уставот на Република Македонија , објави собранискиот спикер Талат Џафери.

39 пратеници гласаа против измените на Уставот. На барање на пратеникот Драган Данев за поименично гласање , пратениците се изјаснија кој гласал за промена на Уставот , со што се отвора прифаќа Договорот од Преспа за промена на името Република Македонија  и се одблокира НАТО и ЕУ интеграцијата на Македонија . 

НАТО генерал избегна атентат во Авганистан

Командантот на силите на НАТО во Авганистан , американскиот генерал Скот Милер е неповреден во нападот во Кандахар , каде загинаа две лица , а повеќемина се повредени.

Веднаш по состанокот на генерал Милер со покраинските функционери во областа Кандахар , во Авганистан , при разделбата , непознати лица отвориле оган врз делегациите. Во пукотниците загина шефот на полицијата на областа , како и еден новинар.

Неколку лица од авганистанската делегација се повредени. Од штабот на НАТО информираат дека генералот Милер е неповреден.

Пред делегацијата на НАТО да се качи во авион се слушнале истрели, а медиумите јавуваат дека меѓу напаѓачите биле и телохранителите на гувернерот.  

Растот на платите, обезбедените буџетски средства за нови капацитети и опрема се приоритет на Владата за текстилната индустрија

Министерот за финансии Драган Тевдовски и шефицата на кабинетот на Министерството за труд и социјална политика Санела Шкриељ,учествуваа на дебатата „Иднината во нашите очи“ во организација на фондацијата „Фридрих Еберт“.

Како што истакна министерот за финансии, целта на Владата е да обезбеди подобар живот за граѓаните и развој на економијата, а овие две цели се заемно поврзани. Тевдовски додаде дека токму поради тоа, Владата истовремено го поддржува и растот на платите, преку мерки како минималната плата, но и техничко-технолошкиот развој на компаниите за зголемување на продуктивноста, се наведува во соопштението од Владата. 

На дебатата во Штип, Тевдовски посочи дека растот на платите најмногу се гледа кај секторите за производство на текстил, облека и преработка на кожа, како области кои порано имаа плата под минималната, но сега прагот кај нив е изедначен со останатите сектори.

Министерот за финансии на трибината на манифестацијата „Текстилијада“ која се одржува по втор пат и која им овозможува на работниците и на работодавачите да ги споделат нивните теми од интерес, нагласи дека растот на платите влијае на покачување на продуктивноста на компаниите, бидејќи подобро платените работници се помотивирани и попродуктивни. Во таа насока, за да се поддржи зголемување на продуктивноста на компаниите, Владата обезбеди буџетски средства но и евтини кредити од Европската инвестициска банка, за да ги поддржи инвестициите во нови капацитети и опрема. Министерот рече дека зголемената продуктивност на компаниите на крај ќе се отслика на развојот на економијата во целост.

Во име на Министерството за труд и социјална политика, шефицата на кабинетот на министерката, Шкриељ нагласи дека изминатата година и пол МТСП интензивно работеше на законски решенија со кои се унапредуваат работничките права. Една од тие мерки е поддршката за раст на плати со кои на работниците им се исплаќа повисока минимална плата, а работодавачите добиваат поддршка за истата и од оваа мерка веќе се гледаат резултатите. Таа информираше дека во тек е и подготовка на нов закон за работни односи кој ќе биде усогласен со европските стандарди.

На дебатата учествуваа и Благој Бочварски и Николчо Илиев, како градоначалници на Штип и Кочани, градови со доминантно текстилна индустрија.

притисни ентер