Со европски пари ќе се подобрува добивањето бесплатна правна помош во земјава

Поддршка на реформата на системот за правна помош во земјава и покревање на јавната свест и информирање на граѓаните за постоење на можност за добивање бесплатна правна помош е целта на проектот „Поддршка на реформите на системот на правна помош“ на Европската унија и Советот на Европа што денеска беше промовиран во Скопје.
Проектот, што е дел од „Хоризонталниот инструмент за Западен Балкан и Турција“ во рамки на програмата „Обезбедување правда“ која во моментов се спроведува во земјава, треба да обезбеди поддршка за Министерството за правда и на неговите подрачни одделенија за подобрување на процесуирањето на барањата за бесплатна правна помош и зајакнување на нивните капацитети за давање на правни услуги со поголем обем и поквалитетни, како и да осигура поефективна имплементација на реформите во согласност со европските стандарди. Предвидува блиска соработка со Министерството за правда, Адвокатската комора, Полицијата, МВР и невладините организации кои даваат бесплатна правна помош.

Заменик министерот за правда Оливер Ристовски истакна дека проектот треба да овозможи поефикасно спроведување на законот за бесплатна правна помош и додаде дека Предлог-законот што го помина првото читање е вратен после забелешките дадени во текот на јавната расправа од Адвокатската комора и невладините организации.

- На јавната дебата најголемите критики беа за одредувањето на тарифата за застапување во законот, која е пониска од редовната адвокатска тарифа што ја носи Адвокатскта комора. Редовната тарифа е превисока во делот на ваков вид на правна помош, бидејќи целта на законот е широк круг на луѓе да добијат правна помош, а буџетот на Министерството за правда од кој се исплаќа услугата е лимитиран, рече Ристовски.

За наредната година, рече, се надева оти буџетот на министерството ќе биде повисок, но додаде дека тоа нема да значи повисоки тарифи на плаќање, туку поширок опсег на лица кои ќе добијат правна помош.

Никола Бертолини од Делегацијата на ЕУ порача дека проектот значи конкретна помош за земјава во област која е многу битна и додаде дека проектите кои помагаа во давање бесплатна правна помош преку невладините организации беа само привремена активност.

- Проектната сорботка ќе продолжи, но сега со државно финасирање, рече Бертолини.

Хане Јункер, раководителот на Одделот за правда и правни соработки на Советот на Европа посочи дека правната помош е многу важна за заштита на правото на правично судење и еднаквост на оружјата и на луѓето им дава пристап до специјализирани информации за правото и како најдобро можат да ги бранат своите права.

- Клучно е властите да го подобрат пристапот до правната помош... Ранливите групи имаат право на правна помош доколку тоа им треба вклучително и на оние кои немаат средства да платат адвокат. Средствата кои се одвојуваат за таа цел во вашата земја се под средната вредност за таа намена во Европа, рече Јункер.

Посочи дека преку проектот ќе се поддржат регионалните канцеларии на Министерството за правда за поефикасно  и делотворно да работат со клиентите за да можат брзо и квалитетно да им пружат правни услуги на лицата кои тоа ќе им го побараат, како и да се зголеми бројот на адвокати кои се дел од овој систем.

Директорката на Академијата за обука на судии и јавни обвинители Анета Арнаудова побара и судството да биде вклучено во проектот и да се организираат обуки за судииите и обвинителите, бидејќи судиите, како што рече, се тие што ги одредуваат бранителите по службена дејност.

Проектот, чиј буџет е 300.000 евра, а времетраење 17 месеци, официјално почна да се спроведува од почетокот на годинава, а ќе трае до мај 2019 година. /МИА

НАТО генерал избегна атентат во Авганистан

Командантот на силите на НАТО во Авганистан , американскиот генерал Скот Милер е неповреден во нападот во Кандахар , каде загинаа две лица , а повеќемина се повредени.

Веднаш по состанокот на генерал Милер со покраинските функционери во областа Кандахар , во Авганистан , при разделбата , непознати лица отвориле оган врз делегациите. Во пукотниците загина шефот на полицијата на областа , како и еден новинар.

Неколку лица од авганистанската делегација се повредени. Од штабот на НАТО информираат дека генералот Милер е неповреден.

Пред делегацијата на НАТО да се качи во авион се слушнале истрели, а медиумите јавуваат дека меѓу напаѓачите биле и телохранителите на гувернерот.  

Растот на платите, обезбедените буџетски средства за нови капацитети и опрема се приоритет на Владата за текстилната индустрија

Министерот за финансии Драган Тевдовски и шефицата на кабинетот на Министерството за труд и социјална политика Санела Шкриељ,учествуваа на дебатата „Иднината во нашите очи“ во организација на фондацијата „Фридрих Еберт“.

Како што истакна министерот за финансии, целта на Владата е да обезбеди подобар живот за граѓаните и развој на економијата, а овие две цели се заемно поврзани. Тевдовски додаде дека токму поради тоа, Владата истовремено го поддржува и растот на платите, преку мерки како минималната плата, но и техничко-технолошкиот развој на компаниите за зголемување на продуктивноста, се наведува во соопштението од Владата. 

На дебатата во Штип, Тевдовски посочи дека растот на платите најмногу се гледа кај секторите за производство на текстил, облека и преработка на кожа, како области кои порано имаа плата под минималната, но сега прагот кај нив е изедначен со останатите сектори.

Министерот за финансии на трибината на манифестацијата „Текстилијада“ која се одржува по втор пат и која им овозможува на работниците и на работодавачите да ги споделат нивните теми од интерес, нагласи дека растот на платите влијае на покачување на продуктивноста на компаниите, бидејќи подобро платените работници се помотивирани и попродуктивни. Во таа насока, за да се поддржи зголемување на продуктивноста на компаниите, Владата обезбеди буџетски средства но и евтини кредити од Европската инвестициска банка, за да ги поддржи инвестициите во нови капацитети и опрема. Министерот рече дека зголемената продуктивност на компаниите на крај ќе се отслика на развојот на економијата во целост.

Во име на Министерството за труд и социјална политика, шефицата на кабинетот на министерката, Шкриељ нагласи дека изминатата година и пол МТСП интензивно работеше на законски решенија со кои се унапредуваат работничките права. Една од тие мерки е поддршката за раст на плати со кои на работниците им се исплаќа повисока минимална плата, а работодавачите добиваат поддршка за истата и од оваа мерка веќе се гледаат резултатите. Таа информираше дека во тек е и подготовка на нов закон за работни односи кој ќе биде усогласен со европските стандарди.

На дебатата учествуваа и Благој Бочварски и Николчо Илиев, како градоначалници на Штип и Кочани, градови со доминантно текстилна индустрија.

Шведскиот амбасадор Стафансон : Владата се чини дека го има потребното мнозинство

Шведскиот амбасадор во Македонија .Матс Стафансон на Твитер напиша дека во очекување на клучното гласањето во Парламентот, изгледа дека Владата го обезбедила потребното двотретинско мнозинство.

,,Вечерва во парламентот се очекува клучното гласање за Договорот од Преспа меѓу Македонија и Грција. По се изгледа дека Владата го има неопходното двотретинско  мнозинство. Со тоа конечно ќе ја отвори НАТО у ЕУ перспективата за Македонија. Многу новинарски извештаи за закани кон опозициските пратеници кои ќе гласаат „за“, напиша пред два часа амбасадорот Стафансон.

притисни ентер