Бојан Трајковски ќе ја претставува Македонија за ЗОИ на Специјална олимпијада

Атлетот Бојан Трајковски ќе ја претставува Македонија на Зимските олимписки игри на Специјална олимпијада за лица со интелектуални пречки кои под слоганот „Отчукување за светот“ ќе се одржат од 14 до 25 март во Австрија.


21-годишниот Трајковски во Австрија ќе биде придружуван од тренерот Јован Јовановски и водачот на македонската делегацијата Аган Реџепагиќ.

Бојан се натпреварува во дисциплината Алпско скијање во слалом, велеслалом и супер велеслалом во категорија „Нов ајс“, почетници. Тренанжниот процес со одвиваше на Маврово и во Боровец.

-Пријатно сум изненаден од напредувањето на Бојан во скијачката вештина. Моите очекувања на почетокот на подготовките беа скромни, но тој силно ме демантира со ентузијазмот од првиот тренинг до сега. Во периодот на тренинзи Бојан напредуваше одлично и јас сум оптимист дека по завршувањето на Олимпијадата тој ќе продолжи да се скија, што е добивка која не може да си ја дозволи секој човек, вели тренерот Јовановски

Атлетот Трајковски очекува медал и тоа најсјајниот – златниот.

На Зимски олимписки игри на Специјална олимпијада ќе учествуваат 2.700 атлети, 1100 тренери од 107 нации, а се поддржани од 3.000 волонтери. Тие ќе бидат најмасовните зимски олимписки игри во историјата на Специјална олимпијада воопшто.

Натпреварите ќе се одвиваат во три скијачки центри: Грац, Шладминг и Рамзау ам Дахштајн, а атлетите ќе се натпреваруваат во девет дисциплини: уметничко лизгање, брзо лизгање, хокеј во сала, флорбол, одење по снег, алпско скијање, скијачко трчање, скијање на даска (сноубодинг) и стикшутинг.

Целите на овогодишните Зимски олимписки игри Австрија 2017 се: јакнење на човековите права, зголемување на бројот на учесници во новите спортови  и создавање на партнерски програми. 

Мурињо: Англија мора да го порази Тунис, но исто така се зборуваше и за Бразил и Аргентина

Менаџерот на Манчестер Јунајтед, Жозе Мурињо, смета дека репрезентацијата на Англија мора да го совлада Тунис на дуелот од Светското првенство 2018.

- Дали го гледавте Тунис како играше со Португалија. Искрено, не ми се допадна тој натпревар. Тунис по својот потенцијал и стил е сличен на Мароко. Англија треба да победи, но истото тоа важеше и за Бразил и за Аргентина. Мислам дека натпреварот ќе биде интересен, изјави Мурињо.

Натпреварот Тунис – Англија ќе се игра во Волгоград вечер со почеток во 20 часот.

Три часа претходно (од 17 часот) ќе почне другиот меч од 1.коло во Г-групата меѓу Белгија и Панама. 

СП 2018: Фаворитот Бразил одигра нерешено со Швајцарија

Уште еден од големите фаворити на Мундијалот во Русија забележа неуспешен старт. 

Бразил одигра само 1:1 против Швајцарија во натпревар од групата „Е“, во кој се уште Србија и Костарика. 

Филипе Кутињо реализираше по извонреден удар во 20-тата минута, но во 50-тата Стивен Цубер изедначи со главата. „Кариоките“ имаа претензии за прекршок од страна на Цубер при голот, но судиите не обрнаа внимание. 

Покрај тоа, Бразилците инсистираа и на пенал за Габриел Жезус во 73-тата минута, но овој протест исто така не вроди со плод.

Одличен натпревар одигра Нејмар, кој изгледа дека е целосно закрепнат од повредата. Напаѓачот на Пари Сен Жермен беше кошмар за играчите во црвено со неговите постојани пробиви, а Швајцарците постојано го фаулираа.

На крајот на краиштата, тактиката на „крстоносците“ им донесе важен бод во борба за пласман во елиминациската фаза. /МИА

СП 2018: Светскиот шампион на колена, Мексико со голема победа на стартот

Светскиот шампион Германија загуби 0:1 од Мексико на првиот меч од групата „Ф“ на Светското првенство на стадионот „Лужники“ во Москва. 

Ирвинг Лозано го постигна единствениот гол во 35-тата минута за Мексико. 

Бундестимот направи серија грешки во првото полувреме, а можеше да прими уште барем еден гол. 

По паузата, Германците заиграа посилно, но уште повеќе ја поставија својата одбранбена линија на проблеми. 

Во 89-тата минута, Јулијан Брант ја погоди гредата, а блиску до гол беа Марио Гомез и Јулијан Дракслер.

Вториот натпревар од групата помеѓу Јужна Кореја и Шведска се игра утре (18 јуни) од 14 часот. /МИА

притисни ентер