Македонија напредуваше 32 позиции на ФИФА ранг листата

Македонската фудбалска репрезентација направи скок од 32 места на ранг листата што Светската фудбалска асоцијација (ФИФА) ја објави денеска.
Македонија сега се наоѓа на 103.место и е на чекор до враќање во најдобрата „стотка“. Подобрениот пласман во однос на августовското рангирање, се должи на победата над Израел и ремито со Албанија во седмата и осмата рунда од Мундијалските квалификации.

Од противниците во квалификациската група на „црвено-жолтите“ најдобро котира Шпанија (11. место), потоа следува Италија која е на 17.место, Албанија е 66-та, Израел е на 82. место, а најслаб е Лихтенштајн кој се најде на 187-та позиција.

Промена има и на врвот. Нов лидер е Германија, втор е Бразил, а трета е Португалија. Во ТОП 10 светски фудбалски сили уште се: Аргентина, Белгија, Полска, Швајцарија, Франција, Чиле и Колумбија.

Следното рангирање ФИФА ќе го изврши на 16 октомври./МИА

Џан: Сум играл со шампиони, но Роналдо е нешто друго

Новиот фудбалер на Јувентус, Емре Џан, го пофали Кристијано Роналдо, кој денес ќе биде претставен како играч на „старата дама“.

Роналдо пристигна во Торино минатата ноќ и денеска ги помина задолжителните медицински прегледи во клупската база. Неговата официјална презентација пред обожавателите и новинарите ќе се одржи денеска во 18:30 часот по македонско време.

- Имав привилегија да играм со некои шампиони од светска класа, но Кристијано Роналдо можеше да ја крене класата на секој тим. Тој е исклучителен. Многу сум задоволен што ќе имам можност да играм со него, рече Емре Џан. /МИА

Челзи ќе го пушти Азар во Реал за 200 милиони фунти

Челзи ќе ја пушти својата ѕвезда Еден Азар во насока Реал Мадрид, но само ако „белите“ се согласат да платат за Белгиецот 200 милиони фунти.

Тоа е цената што тимот од „Стемфорд Бриџ“ ја постави на офанзивниот халф, велат од „Тајмс“. 

Азар навести пред два дена дека е подготвен да го напушти Челзи по шест години во клубот, а Флорентино Перез сака да го привлече како замена на Кристијано Роналдо, кој беше продаден на Јувентус.

Ако трансферот стане реалност, Азар ќе стане најскапиот играч во светот, надминувајќи го Нејмар.

Освојувачот на бронзениот медал од Мондијалот 2018 година има договор со Челзи за уште две сезони, а тимот од Лондон му понуди повторно да потпишат со него за надомест од 300.000 фунти неделно. 

Сепак, според медиумите на Островот, Азар тешко ќе го прифати овој предлог и поверојатно е да се случи трансфер. /МИА

Роналдо пречекан од стотици навивачи на Јувентус

Португалската ѕвезда, Кристијано Роналдо пристигна на стадионот на неговиот нов клуб Јувентус, каде што ќе ги помине медицинските прегледи.

Роналдо беше пречекан од стотици поддржувачи на „старата дама“ и без двоумење застана и даде автограми и се фотографираше со некои од најсреќните поддржувачи.

Подоцна, Португалецот се очекува да биде официјално претставен икако играч на Јуве, откако премина во Торино од Реал Мадрид за 112 милиони евра.

притисни ентер