Тодоров: Натпреварот го загубивме во првото полувреме

Македонскиот кошаркарски првак МЗТ Скопје е во серија слаби резултати откако вчера го загуби и првиот натпревар од домашната лига дуелот со Карпош Соколи на домашен терен со 85:83.
Тренерот на „металците“ Александар Тодоров уште еднаш слабата одбрана ја потенцираше како причина за поразот.

- Натпреварот го загубивме во последните пет минути од вториот период, односно во првото полувреме. Немавме решение за нивните шутеви за три поени на високите играчи. Прикажавме лоша игра, без никаква желба за победа. Најчесто екипа со 80 и повеќе постигнати поени победува, ама тоа не важи за нас. Слично беше со Задар во АБА лигата, изјави Тодоров.

Во таборот на ланскиот финалист од плеј офот задоволство по гостинскиот триумф над првакот.

- Очекувавме тежок натпревар, а одигравме според договорот и стигнавме до победа.  Подолг период бевме без официјален натпревар и затоа добро е што победивме, изјави тренерот на Карпош Соколи Борче Даскаловски.

Во второто коло од домашната лига Карпош Соколи утре е домаќин на Струмица, додека МЗТ Скопје на 18.октомври годтува кај тимот на Шкупи. /МИА

СП 2018: Тешка победа на Шпанија против Иран

  Шпанија со минимални 1:0 го совлада Иран синоќа во рамките на Б-групата на Светското фудбалско првенство во Русија.

Иако Шпанците влегоа како апсолутни фаворити во натпреварот многу потешко од очекуваното дојдоа до значајната победа и до трите бода.

Во првиот дел Иран прикажа добра игра особено во одбраната, која Шпанија не успеа да ја пробие и полувремето заврши без голови.

Вториот дел беше многу подинамичен со повеќе шанси на двете страни. Во 54-та минута Диего Коста поентираше по лошата интервенција на еден од играчите на Иран и донесе водство за победа од 1:0 за Шпанија.

Во 63-та минута Езатолахи успеа да постигне погодок за израмнување, но по прегледувањето преку ВАР системот голот беше поништен.

Иранците до крајот на натпреварот уште неколку пати се обидоа да го загрозат голот на Шпанија, но изостана реализација.

По оваа победа Шпанија и Португалија имаат по четири бода, Иран остана на три, додека Мароко е без бодови. 

СП 2018: Уругвај ја совлада Саудиска Арабија и обезбеди пласман во осминафинале

Уругвај со минимални 1:0 ја совлада Саудиска Арабија во второто коло од групата А на Светското првенство во Русија.

Уругвајците ја забележаа втората победа на Мундијалот и обезбедија место во осминафиналето.

Стрелец на победничкиот гол беше Луис Суарез во 24-та минута, кој го искористи невниманието на одбрана на Саудиска Арабија.

Во останатиот дел од натпреварот Уругвајците успеаа да го обранат минималното водство доволно за победа.

Место во нокаут фазата од оваа група обезбеди и Русија, која исто така по двете кола освои максимални шест бода. /МИА

СП 2018: Роналдо и донесе победа на Португалија против Мароко

Португалија со минимални 1:0 го совлада Марoко во групата Б на Светското првенство во Русија.

Стрелец на победничкиот гол во четвртата минута беше Кристијано Роналдо.

Во текот на целиот натпревар Мароко ја имаше иницијативата, особено во вториот дел кога се обиде сериозно да го загрози португалскиот гол.

Меѓутоа, Португалија успеа да се обрани и неколку пати се обиде да го зголеми водството преку контранапади.

Мароко со два порази ги загуби шансите за пласман во следната фаза, а Португалија со четири освоени бода е на чекор од осминафиналето. /МИА

притисни ентер