Сок по голема борба го совлада Чилиќ

Во првиот меч од 2. коло на групата „Борсис Бекер“ на АТП Мастерс турнир во Лондон со кој вообичаено завршува тениската сезона, американскиот тенисер Џек Сок во три сета го совлада Хрватот, Марин Чилиќ со 2-1.
Иако првиот сет Хрватот го доби со 7-5, сепак во следните два подобар беше Американецот.

Во вториот сет Сок му препушти само два гема на Чилиќ, а сетот го доби со 6-2. Во решавачкиот трет сет се водеше голема борба, а истиот беше решен по тај-брејкот кој Сок го доби со 7-4 на поени.

За Сок ова е прва победа на турнирот, додека за Чилиќ ова е втор пораз, откако Хрватот во првиот меч загуби од Германецот, Александер Зверев, кој вечерва ќе игра против „топ фаворитот“ Роџер Федерер, додека Сок ја забележа првата победа.

Калиниќ одби да го земе сребрениот медал од Мундијалот

Хрватскиот фудбалер Никола Калиниќ одби да го земе сребрениот медал од Светското првенство, откако на самиот почеток на турнирот во Русија беше избркан од репрезентацијата.

Селекторот Златко Далиќ и неговите соиграчи одлучиле Калиниќ да добие медал, иако одби да влезе во игра против Нигерија (2:0).

- Ви благодарам, но јас не играв во Русија, порача Калиниќ и се заблагодари на гестот на неговите соиграчи.

Калиниќ во наредниве денови би требало да го комплетира трансферот во Атлетико Мадрид за 20 милиони евра.

Хрватска заврши на второто место на Мундијалот, а тоа е најголемиот успех во историјата на „ватрените“. /МИА

Манчестер Јунајтед одигра нерешно на првиот контролен натпревар во САД

Манчестер Јунајтед ја стартуваше претсезонската турнеја во САД со реми 1:1 против мексиканскиот клуб Америка. 

Дуелот помеѓу двата тима се одигра во Глендејл, Аризона, а „црвените ѓаволи“ беа без голем дел од главните фудбалери.

Учесниците на Светското првенство 2018 (12 на број) не патуваа во САД, додека проблемите со визите го одложија приклучувањето на Алексис Санчез. И новото засилување Фред не учестваше во натпреварот. Недостатокот на ѕвезди и високите цени на билетите ја одвратија публиката, па стадионот беше полупразен.

Резултатот го открија Мексиканците по час игра, преку напаѓачот Хенри Мартин, кој постигна гол со глава против дебитантот Ли Грант. Во 78-та Јунајтед стигна до реми преку Хуан Мата, кој реализираше одблизу, откако претходно топката се одби од гредата.

Следната проверка на Манчестер Јунајтед е на 23 јули, а ривал на тимот на Жозе Мурињо ќе биде Сан Хозе. /МИА

Клоп за Алисон: Привлековме еден од најдобрите голмани

Менаџерот на Ливерпул, Јирген Клоп откри како се дошло до рекордниот трансфер на бразилскиот голман Алисон Бекер на „Енфилд“. 

Преговорите започнаа пред само неколку недели, а цената не била особено важна, бидејќи на Ливерпул му беше потребна класа голман на овој пост. 

На крајот, Бразилецот беше привлечен за 62,5 милиони евра плус 10 милиони евра во форма на бонуси за изведба.

- Само пред неколку недели се отвори можност да привлечеме еден од најдобрите голмани во светот. Не губевме време за да склучиме договор. Зборувавме со сопствениците на клубот и тие дадоа зелено светло за трансферот. Цената се одредува од пазарот, не можеме ние да влијаеме на тоа. Ова покажува колку е важна голманската позиција во денешно време, изјави Клоп.

Германскиот стратег додаде дека новиот чувар на мрежата на „црвените“ се претставил на високо ниво во Рома и Светското првенство, но и дека следи период на адаптација за Алисон, за кого ова е „нов свет“. /МИА

притисни ентер