Познати номинациите за „Спортист на Македонија за 2017“

Агенцијата за млади и спорт и Сојузот на спортски федерации, ја објави листата на кандидати за годинашното издание на спортската манифестација „Избор на спортисти 2017“, која ќе одржи по 63-ти пат.
Во конкуренција за признанието Спортист на годината 2017 во Република Македонија (мажи) се петмина и тоа: ракометарот Стојанче Стоилов кој со екипата на Вардар ја освои Лига на шампиони и обезбеден пласман на ЕП во Хрватска 2018, Евгениј Поп Ацев пој беше победник на годинашното издание од Гран-при серијата во Светскиот куп во далечинско пливање, каратистот Берат Јакупи носител на сребрен медал на ЕП во карате Кочели, Турција, фудбалерот Енис Барди кој со младата репрезентација (играчи до 21 година) на Македонија за прв пат настапи на завршницата на Европскиот шампионт во Полска, како и Димитар Ѓорѓиев кој на СП Будимпешта, во кик-кокс го освои бронзен медал.

Кај дамите, за ова признание номинирани се: Сара Ристовска - ракомет (2.место во Лига на шампиони, квалификации за СП 2017г., Бараж за СП 2017г. Квалификации за ЕП 2018 г. и), Јована Ѓорѓиева – карате (3.место на ЕП во Кочели, Турција), Нина Балабан - спортско стрелаштво (остварена норма за учество на ОИ на ЕП во Марибор, Словенија), Анастасија Богдановски - пливање (остварена норма во дисциплината 100м. слободно-жени на СП во пливање во Будимпешта, Унгарија) и Анџелика Митрашиновиќ (учество на квалификации за Еуробаскет за 2017г., најдобар поентер во националниот тим).

Покрај овие ќе бидат доделени и признанија уште во седум категории за кои се номинирани:

1. Млад спортист на годината: Петар Заборски – карате, Елиф Елмас – фудбал и Филип Кузмановски – ракомет.
2. Млада спортистка на годината: Сара Радичевска и Симона Симовска - карате, Берна Шерифовска – џудо.
3. Најуспешен машки национален тим: Ракометен национален тим У-21, Фудбалскиот национален тим У-21, Одбојкарскиот национален тим сениори.
4. Најуспешен женски национален тим: Кошаркарски национален тим - сениорки, Ракометен национален тим - кадети, Штафетниот тим во атлетика (Тимчевска, Јосифовска, Халили и Селими).
5. Најуспешен спортист на лице со инвалидитет: Андреј Стојаноски - пливање (4.место во дисциплината 400м. мешано на 23-ти Летни Олимписки игри за глуви во Самсун, Турција)
6. Најуспешен тренер/селектор: Петар Белистојаноски – карате, Раул Гонзалес – ракомет мажи , Драган Атанасовски - кик-бокс, Игор Ангеловски - фудбал Марјан Лазовски - кошарка жени
7. Најуспешна национална спортска федерација: Ракометна федерација на Македонија, Карате федерација на Македонија , Фудбалска федерација на Македонија, Кик-боксинг федерација на Македонија и Одбојкарска федерација на Македонија

Во изборот право на глас имаат сите електронски и печатени медиуми, односно нивните спортски редакции, кои своите гласови треба да ги испратат најдоцна до 18 декеври со Агенцијата за малди и спорт.

Свеченоста ќе се одржи во „Драмкскит тетар“ во Скопје на 26 декмври 2017 година. /МИА

Милан сепак ќе игра во Лига Европа

Тимот на Милан, сепак, ќе игра во Лига Европа. „Росонерите“ ја освоија жалбата пред спортскиот арбитражен суд (КАС) против одлуката на УЕФА да ги извади од европските клубски турнири во сезоната 2018/2019 година.

На 27 јуни, УЕФА го санкционираше седумкратниот европски шампион за кршење на финансискиот фер-плеј, поконкретно за  критериумот за рамнотежа. Станува збор за периодот 2014-2017, кога Силвио Берлускони го предводеше клубот. 

Другиот критериум беше дека поранешниот сопственик Јонхон Ли не успеа да даде финансиска гаранција на клубот и да се оправда пред европската фудбалска централа, од каде доаѓа неговиот капитал и како ќе ги покрие обврските. 

Како што е познато, тој ги загуби „росонерите“ на 10 јули. Тогаш хеџ-фондот „Елиот Менаџмент“ ја презеде контролата над 18-кратниот шампион на Италија, откако Кинезот не успеа да најде 32 милиони евра за да го зголеми капиталот на гигантот од Милано и го пропушти рокот за враќање на заемот кон „Елиот Менаџмент“.

Американскиот инвестициски фонд, кој управува со средства од над 34 милијарди долари, според податоците од 2017 година, се осигури дека минимум три години ќе се ангажира во развојот на клубот, откако се зборува за сериозен развој на маркетинг операциите и изградба на нов стадион.

Токму тоа беше адутот на кој „росонерите“ се потпираа во рочиштето за жалбата, кое вчера траеше повеќе 12 и пол часа. Делегацијата на Милан, предводена од Марко Фасоне и претставникот на „Елиот“ - Френк Твил рекоа дека клубот веќе има јасна иднина, како и финансиска стабилност. 

„Росонерите“ се одбранија и со тоа што УЕФА била многу мека против ПСЖ, Манчестер Сити и Интер, кои поминаа со многу полесни казни при нарушувањето на финансискиот ферплеј во последниве години. /МИА

Калиниќ одби да го земе сребрениот медал од Мундијалот

Хрватскиот фудбалер Никола Калиниќ одби да го земе сребрениот медал од Светското првенство, откако на самиот почеток на турнирот во Русија беше избркан од репрезентацијата.

Селекторот Златко Далиќ и неговите соиграчи одлучиле Калиниќ да добие медал, иако одби да влезе во игра против Нигерија (2:0).

- Ви благодарам, но јас не играв во Русија, порача Калиниќ и се заблагодари на гестот на неговите соиграчи.

Калиниќ во наредниве денови би требало да го комплетира трансферот во Атлетико Мадрид за 20 милиони евра.

Хрватска заврши на второто место на Мундијалот, а тоа е најголемиот успех во историјата на „ватрените“. /МИА

Манчестер Јунајтед одигра нерешно на првиот контролен натпревар во САД

Манчестер Јунајтед ја стартуваше претсезонската турнеја во САД со реми 1:1 против мексиканскиот клуб Америка. 

Дуелот помеѓу двата тима се одигра во Глендејл, Аризона, а „црвените ѓаволи“ беа без голем дел од главните фудбалери.

Учесниците на Светското првенство 2018 (12 на број) не патуваа во САД, додека проблемите со визите го одложија приклучувањето на Алексис Санчез. И новото засилување Фред не учестваше во натпреварот. Недостатокот на ѕвезди и високите цени на билетите ја одвратија публиката, па стадионот беше полупразен.

Резултатот го открија Мексиканците по час игра, преку напаѓачот Хенри Мартин, кој постигна гол со глава против дебитантот Ли Грант. Во 78-та Јунајтед стигна до реми преку Хуан Мата, кој реализираше одблизу, откако претходно топката се одби од гредата.

Следната проверка на Манчестер Јунајтед е на 23 јули, а ривал на тимот на Жозе Мурињо ќе биде Сан Хозе. /МИА

притисни ентер