Мурињо: Нема да претеруваме со трошоци за трансфери

Тренерот на Манчестер јунајтед, Жозе Мурињо изјави дека во преодниот период нема да претеруваат со трошење финансии на фудбалери за зајакнување.
Мурињо за две години на „Олд Трафорд“ потроши 300 милиони фунти, а со Ромелу Лукаку и Пол Погба своевремено направи едни од најскапите трансфери.
Но, Јунајтед викендов беше поразен од Вест Бромвич и практично му ја подари титулата на Манчестер сити.
- Нема да трошиме повеќе од тоа што можеме. Нема да „лудуваме“, но ќе пробаме да го подобриме тимот. Тоа е она што ќе се обидеме да го направиме. Минатата сезона бевме шести, оваа година се надевам дека ќе останеме втори, истакна Мурињо.

Португалскиот фудбалски стручњак во овој контекст не заборави да додаде дека нивниот ривал Сити располага со многу поголемо количество на пари.

- Следната година ќе пробаме да напредуваме, но ќе видиме што ќе се случи. Можеби Сити ќе вложи огромни средства и нема да им дозволи на другите да им се приближат, истакна тренерот на Јунајтед.

Мурињо со Манчестер јунајтед се обидува да ја освои првата титула по заминувањето на легендарниот сер Алекс Фергусон, кој во 2013 година го донесе последниот трофеј на „Олд Трафорд“./МИА

„Билд": Венгер ќе го замени Ковач на чело на Баерн

 Во Минхен денеска ќе се одржи вонредна прес-конференција на Баерн, на која се очекува да биде објавено разрешувањето на тренерот Нико Ковач и неговата замена со Арсен Венгер, соопшти „Билд“.

Францускиот стратег неодамна потврди дека планира да започне со работа на 1 јануари. Тој 22 години беше менаџер на лондонски Арсенал и го напушти клубот по крајот на минатата сезона. Баерн Минхен моментално е само шести во Бундеслигата, заостанувајќи четири поени од Борусија Дортмунд.

Во Лигата на шампионите Баварците освоија четири поени во два натпревара и се втори во групата „Е“. Досега тие се во серија од четири натпревари без победа на различни турнири.

На денешната прес-конференција ќе присуствува и претседателот на управата на Баерн, Карл-Хајнц Румениге и спортскиот директор Хасан Салихамиџиќ. 

ЦСКА Москва со трета победа во Евролигата

 Екипата на ЦСКА Москва ја забележа третата последователна победа во кошаркарската Евролига по успехот над турскиот тим Дарушафака со 79:75.

„Армејците“ губеа со седум поени на полувремето, но тие одиграа многу силна трета четвртина, во која поведоа и го задржаа водството до крајот. 

Со победата, ЦСКА е на врвот на табелата со шест поени.

Барселона, пак, го совлада Баерн Минхен со 83:73 во уште еден натпревар од третиот круг. Анте Томиќ постигна 18 поени за Барса, а за Баварците со 16 поени заврши Ло Маодо.

За Барселона ова е прва победа во првите три натпревари од Евролигата и тимот го зазема седмото место на табелата. Баерн има слични индикатори и е на деветата позиција.

Панатинаикос ја победи Гран Канарија со 102:87. Дуелот беше изедначен само во првиот дел, по што Грците направија солидно водство, кое го одржуваа до крај. Кит Лангфорд и Лукас Лекавикус постигнаа 16 поени за победата.

Макаби Тел Авив ја забележа првата победа за сезоната по 78:68 над Будуќност. Скоти Вилбакин постигна 28 поени за Макаби.

Натпревари од 3.коло во Евролига:

ЦСКА Москва - Дарушафака 79:75

Будуќност - Макаби Тел Авив 68:78

Панатинаикос - Гран Канарија 102:87

Барселона - Баерн Минхен 83:73.

Србија и Косово нема да играат во квалификациите за ЕП 2020

Ждребот за квалификациите за Европското првенство 2020 ќе се одржи на 2 декември во Даблин. Европската куќа на фудбалот денеска утврди кои тимови нема да бидат во иста група. Србија и Косово сигурно нема да бидат во иста група.

Европското првенство ќе се одигра по првпат во девет земји, а УЕФА одлучи кои репрезентации нема да може да се сретнат во квалификациите, поради нарушените односи и големите тензии кои тие натпревари може да ги донесат.

Репрезентацијата на Србија нема да биде во групата со Косово, а со овој тим нема да може да се сретне ни националниот тим на Босна и Херцеговина.

Покрај овие натпревари, не се можни ниту средбите меѓу Украина и Русија, Гибралтар и Шпанија, како ни дуел на Ерменија и Азербејџан.

притисни ентер