Маж загина од електрична цигара

Маж загина кога му експлодирала електричната цигара и шрапнелите му го пробиле черепот.

Е- цигарата предизвикала и пожар во куќата на неговите родители,  по што телото на 38 годишниот Талмаџ Д Елиа било 80 проценти со изгореници. Тој бил однесен во болница во тешка состојба по експлозијата на вапоризаторот на цигарата, каде починал.

Пожарникарите за кратко време дошле во куќата каде го нашле Талмаџ во многу тешка состојба. Несреќата се случила на 5 мај , а денешниот извештај од обдукцијата потврдува дека шрапнели од цигарата го погодиле мажот во главата и го пробиле черепот , а потоа неисправниот уред предизвикал пожар. Производител на е-цигарата била компанија од градот Цебо на Филипини.

Само во САД од 2009 до 2016 се случиле 195 слични инциденти со елетрични цигари.

     

Авантуристичкиот виденд им се претвори во хорор – се удавија четворица американски туристи (ВИДЕО)

Четворица американски туристи се удавија за време на рафтинг во надојдена река во Коста Рика.

Телото на уште еден локалентурист е пронајдено по неколку часа. Се претпоставува дека тие се превртеле и пропаднале во надојдената и матна река Наранџито во познатата туристичка област Куепос во Коста Рика.

,,Четиринаесет туристи и три водичи се спуштаа по реката со три чамци за рафтинг и еден кајак , кога се случи несреќата.” , изјави претставникот на Црвениот Крст , Алехандро Моралес.

Идентитетот на загинатите туристи не е соопштен.

,,Не седи до мене , ти одвратна црна краво” , расистички скандал во авион, екипажот молчи(ВИДЕО)

Тежок расистички инцидент се случи во авион на нискобуџетниот Рајанер, кој е на удар зашто неговиот екипаж не реагирал на испадот на еден од патниците.

Маж навредува и малтретира постара жена на околу 70 години , додека екипажот на Рајанер не реагира. Инцидентот се случил завчера на лет од Барселона кон лондонскиот Станстед, а снимките се споделени на социјалните мрежи , каде предизвикаа гневни реакции.

Многумина се заканија  дека ќе ја бојкотираат авио компанијата. На снимката прегледана околу 2 милиони пати се гледа како маж и се заканува на постара жена и и наредува да се префрли на друго седиште. Кога му се обратила , тој и одговара:

,, Не разговарај со мене на странски јазик , ти одвратна црна краво!” На снимката се слуша и како другите патници бараат од екипажот да го исфрли безобразниот маж , но нема реакција.

Жената објаснила дека сакала да седне до својата ќерка , кога мажот почнал да ја навредува на расна основа. Ќерката подоцна објаснила дека мајка и на 77 годишна возраст страда од артритис и не можела довојно бргу да се тргне , за да се смести мажот. Таа ја однела мајка си на патување за да ја одбележат годишнината од смртта на татко си.

По жестоките реакции на социјалните мрежи , компанијата Рајанер се извини за инцидентот и најави дека во иднина ќе ги симнува од авион ваквите агресивни патници.

Ирски волонтер заврши во 18- месечен грчки притвор

Волонтер од Ирска , 24 – годишниот Шон Биндер со уште двајца активисти е во 18 месечен притвир во Грција , поради помагање на мигранти.

24- годишниот Ирец , чија мајка веќе неколку месеци патува на релација Даблин- Атина , во обид да го извлече синот , кој од август е притворен на грчкиот остров Хиџ. За него има само кривична пријава , а веќе неколку месеци е во притвор заедно со Сара Мардини и Насос Каракитсос , под сомнение дека криумчареле мигранти.

,, Има толку лоши луѓе на слобода , а овие деца , кои ништо не направиле , се во затвор. Тоа не е фер.” , вели мајката на Шон за американските медиуми.

Тие се волонтери на организацијата Emergency Response Centre International (ERCI) и се во притвор додека трае истрагата.

Ова е само еден од случаите на справување со напливот на мигранти и нивно криумчарење што ги спроведува Грција и Италија за да се намали притисокот на бегалци од Африка и Азија.

притисни ентер