Конечна пресуда за „Тенк“ на 23 мај

Пресудата за случајот „Тенк“ на Специјалното јавно обвинителство ќе биде објавена за шест дена. На денешнот рочиште во Кривичниот суд во Скопје беа изнесени завршните зборови на обвинителство и одбрната на обвинетите.

Специјалното јавно обвинителство во завршните зборови за предметот побара судот да ги прогласи за виновни поранешниот премиер Никола Груевски и поранешниот помошник-министер во МНР Ѓоко Поповски, како и да ги платат судските трошоци во висина од 313.160 денари.

Обвинитгелот Гаврил Бубески побара судот при утврдување на кривичната одговорност на обвинтетите да ги имаат предвид отежнителните околности дека Груевски дејствувал со директна умисла додека бил премиер и делото го направил од лична желба, но со буџетски средства, а како олеснителна околност неговата семејна состојба.

На новинарско прашање по завршување на рочиштето за висината на казните на обвинетите, Бубески, рече дека за Ѓоко Попоски е предвидена казна затвор од пет до 15 години, додека за Никола Груевски е предвидена казна затвор од една до три години и дека очекуваат во тие рамки да се движи и судот.

Обвинетиот Никола Груевски во завршен збор наведе дека овие судски процеси се класично политички и ова судење е дел од една политичка хајка против него и неговите соработници.

- Овој фабрикуван предмет во кој нема никакви докази против мене се одвиваше многу брзо. Во него сум обвинет за тоа што сум сакал да се возам со кола. Не сум искористувал положба и влијание врз некој за јас да добијам некаква корист. Не сум барал набавка на луксузно возило и незаконско фаворизирање на Мак Ауто Стар и не сум барал да нема конкуренција во набавката. Никогаш наведеното возило не ми било дадено исклучиво на мое користење, рече Груевски.

Посочи дека барањето за набавка на ново блиндирано возило доаѓало од укажувањата на сите засегнати и запознаени професионалци со состојбата и условите на безбедносните возила кои ги поседувала Република Македонија.

Обвинетиот Ѓоко Поповски во завршен збор наведе дека договорениот орган МВР иако немал обврска, одлучил да спроведе постапка за јавна набавка со цел да добие пониска цена за блиндирано возило.

- Сметам дека усепав да докажам дека не сум ја злоупотребил службената положба и не сум фаворизирал ниту една марка и очекувам судот да го отфрли обвинението против мене, рече Поповски.

Во „Тенк“ обвинети се поранешниот премиер Никола Груевски, поранешниот помошник министер во МВР Ѓоко Поповски и поранешната министерката за внатрешни работи Гордана Јанкулоска, за која постапката е издвоена поради „ризична бременост“.Тие се обвинети за набавката на луксузниот мерцедес од 600 илјади евра. 

Тетовец баран со меѓународна потерница уапсен на Ќафасан

Тетовец баран со меѓународа потерница од италијанските власти е уапсен на граничниот премин Ќафасан, на албанско-македонската граница.

Станува збор за жител на селото Доброште,тетовско, по кого Интерпол Рим пред единаесет години распишал потерница и го бара за кривични дела по две основи „принудување на проституција" и „киднапирање".

– Лицето Мусли Халити (44), македонски државјанин, е упасен при влез на преминот Ќафасан откако при контрола на неговите документи во системот, произлезе дека е лице барано со меѓународна потерница. Судот во Монца, Италија во јуни 2001 година му изрекол мерка  притвор, за извршени кривични дел „принудување на проституција" и „киднапирање", а потоа Интерпол Рим распишал меѓународна потерница, стои во соопштението на регионалниот полициски комесаријат од Корча, под чија надлежност е преминот.

За неговото апсење известена е канцеларијата на Интерпол Тирана, која треба да превземе понатамошни активности за негова екстрадиција во Италија. 

Нападнати полицаец и обезбедувач при тепачка на две групи

Полицаец и работник на обезбедување биле напднати при расчитување на тепачка помеѓу две групи на млади лица што изминатата  ноќ околу 2 часот и 30 минути се случила пред угостителски објект во Тетово.

Според портпаролот на СВР Тетово Марјан Јосифовски, полицијата добила информации за нарушување на јавниот ред и мир пред угостителски објект на улицата "Благоја Тоска" во Тетово.

-Додека преземале службени мерки на местото од пријавата едно лице започнало вербална расправија со полицајците упатувајќи им навреди и закани. Откако од страна на полициските службеници бил предупреден тој удрил еден полициски службеник. Лицето веднаш било приведено во полициска станица каде бил утврден и неговиот идентитет односно било констатирано дека станува збор за 16- годишник од Тетово. Против него ќе биде поднесен соодветен поднесок рече Јосифовски.

Нешто подоцна околу 4 часот Б.Д.(49) од с.Жилче вработен во агенција за обезбедување пријавил во полиција дека бил физички нападнат од страна на лицето И.И.(23) од Тетово. Според неговата пријава додека тој извршувал работни задачи за обезбедување во угостителски објект на улицата „Благоја Тоска" околу 02.30 часот забележал тепачка помеѓу две групи на млади лица.  Тој при обид да интервенира односно да ги раздели да не дојде до поголемо нарушување на јавниот ред и мир два пати бил физички нападнат од И.И. Набрзо И.И. бил приведен и задржан во полициската станица Тетово.

Полицијата работи на идентификување на сите учесници во нарушувањето на јавниот ред и мир и по целосното расчистување и документирање на случајот ќе  следуваат соодветни поднесоци најави Јосифовски. 

СДСМ: Граѓаните и пратениците го победија антизападниот пион Христијан Мицкоски

Кон успехот да се приклучат сите кои се за ЕУ и НАТО без разлика на партиската припадност, реагираат од СДСМ на прес конференцијата на портпаролот на ВМРО- ДПМНЕ , Наум Стоилковски.

Антизападното раководство на ВМРО-ДПМНЕ и антизападниот пион, Христијан Мицкоски се спречени во намерите да ја закочат македонската иднина.

Мицкоски и антизападното раководство на ВМРО-ДПМНЕ се поразени, не успеаја да го блокираат патот на Македонија кон ЕУ и НАТО и остануваат единствени кои дејствуваат спротивно на наципналните и државни интереси.

Граѓаните и пратениците го победија антизападниот пион Христијан Мицкоски. 80 пратеници во Собранието слободно, по сопствено убедување гласаа за иднина во ЕУ и НАТО и ја испочитуваа јасно изразената волја на над 80 отсто од сите граѓани и над 90 отсто од граѓаните кои излегоа на референдумот на 30 септември.

Македонија се обденини околу врвните национални и државни интересе. Сега, кон таквиот историски успех треба да се приклучат сите кои се за НАТО и ЕУ без разлика на на нивната партиска припадност.

Македонија ќе биде членка на ЕУ и НАТО без разлика колку тоа да не му се допаѓа на Мицкоски и антизападните марионети во врвот на ВМРО-ДПМНЕ, се наведува во реакцијата на СДСМ. .

притисни ентер