Македонија

Девет години затвор и казна од 450 000 евра за Ѓоко Поповски – прва пресуда за случај на СЈО

Судот одлучи.  Девет  години затвор за  поранешниот помошник министер во мвр  Ѓоко Поповски. Тој е осуден  по обвинение на СЈО за набавката на 300 возила за потребите на МВР.  

„Обвинетиот Ѓоко Поповски виновен е за кривично дело злоупотреба на службена положба и овластување од член 353 став 5 во врска со став 1 од КЗ. Па, согчасно наведената законска одредба, како и членовите 4, 32, 33, 35 и 39 од КЗ, судот, обвинетиот Ѓоко Поповски го осудува на казна затвор од 9 години“, вака судјката Добрила Кацарска му ја прочита пресудата на Ѓоко Поповски.

Без емоции Ѓоко Поповски слушна дека 9 години ќе ги помине во затвор. Поранешниот помошник министер во МВР, треба да му врати и на Министерството повеќе од 450.000 евра и да ги плати судските трошоци од околу 5.000 евра. Како главни критериуми за затворската казна, судијката Добрила Кацарска, наведе дека Поповски свесно го оштетил буџетот. Од пријавените 11 фирми, во 2008 бил склучен договор со шест, но не економските најповолни. Како доказ, дека постапката била незаконита, Кацарска наведе телефонски разговор меѓу екс министерката Јанкуловска и екс владиниот секретар Кирил Божиновски.

„Самата Гордана Јанкуловска вели дека тогаш направиле финта, па на сите им дале, на кои по 10, на кои по 20 возила“, наведе судјката Кацарска.

По барање на СЈО, Поповски е во притвор во скопскиот истражен затвор. Адвокатот Стерјо Зиков најави жалба, но не е оптимист за поинаква одлука.

„Се даде девет години за кривично дело сторено пред 10 години во јавна набавка, за којашто сега постои различно толкување на прописите дали биле правилно применети или не, е стварно, сметам работа за којашто не треба да се коментира“, изјави адвокатот на Поповски, Стерјо Зиков.

На Поповски шест месеци му се судеше за набавката на возилата во МВР. Во неколку наврати се одложуваа рочиштата поради неговата здравсвтена состојба. Изненаден од изречената пресуда, Поповски утре не сака повторно да додјде во Кривичниот суд, за да слушне уште една пресуда, за набавката на Мерцедосот.

Македонија

Европски фронт: ВМРО формира сојуз со проруски и антиалбански партии

ВМРО и Мицкоски официјално прогласуваат коалиција и со партијата Левица на Апасиев и ЗНАМ на Димитриевски, две партии тесно поврзани со Москва и разни проруски кругови, а познати по своите антиалбански позиции.

Мицкоски на митинг во Охрид побара македонско национално единство, без други етникуми во државата, за, како што рече, да се тргне државата од рацете на Албанците.

Европскиот фронт го потсетува Мицкоски дека Северна Македонија од поодамна го изоде патот на рамноправност, демократија и членство во големото европско семејство.

ДУИ и Европскиот фронт, како мултиетнички фронт во Северна Македонија, нема да дозволат земјата да се врати во меѓународна изолација, а тоа ќе биде запечатено на 24 април и 8 мај, кога за претседател ќе биде избран д-р Бујар Османи, а Европскиот фронт ќе биде клучот за формирање на идната Влада.

Истовремено, ја повикуваме албанската опозиција да се освести и да се престрои со про-европејците и да не стане орудие на руските кругови во земјава, се наведува во соопштението.

Свет

Фон дер Лајен: Русија хибридно ја напаѓа Финска преку испраќање мигранти на границите

Претседателката на Европската комисија, Урсула фон дер Лајен денеска изјави дека Русија концентрирала хибридни напади врз Финска со испраќање мигранти, сѐ со цел да ја дестабилизира таа земја.

Претседателката на Европската комисија, Урсула фон дер Лајен денеска изјави дека Русија концентрирала хибридни напади врз Финска со испраќање мигранти, сѐ со цел да ја дестабилизира таа земја, која цврсто ја поддржува Украина и која влезе во НАТО пред една година.

Финска ја затвори границата во средината на декември 2023 година по приливот од 1.000 илегални мигранти од руска територија од средината на август. Двете земји имаат заедничка граница долга 1.340 километри, а Хелсинки ја обвинува Москва дека систематски испраќа мигранти во Финска. Русија ги отфрла обвинувањата.

„Од хибридниот напад на Белорусија во ноември 2021 година врз Литванија, Полска и Латвија, сите знаеме дека Путин и неговите сојузници ги инструментализираат мигрантите за да ја тестираат нашата одбрана и да нѐ дестабилизираат“, рече шефицата на Европската комисија.

„Сега Путин се фокусираше на Финска“, додаде таа.

Претседателката на ЕК се сретна со финскиот премиер Петри Орпа во градот Лапеенранта во југоисточниот дел на земјата, на околу 30 километри од руската граница и разговараа што „ЕУ и Финска можат да направат за да ја спречат инструментализацијата на финската граница.“

Во април Финска одлучи граничните премини да останат затворени. Односите меѓу Хелсинки и Москва се влошија по руската инвазија на Украина. По приемот на Финска во НАТО, Москва најави „контрамерки“.

Финска исто така подготвува закон за спротивставување на пристигнувањето на мигрантите.

Македонија

Османи:Го институционализиравме достоинството на нашиот народ,но мисијата сè уште не е завршена

Форумот на жени и Форумот на млади на ДУИ, огранок Сарај, организираа отворена дебата со кандидатот за претседател Бујар Османи и кандидатите за пратеници од Европскиот фронт во ИЕ1 Блерим Беџети и Наим Бајрами.

Кандидатот за претседател Бујар Османи им вети на младите од Сарај дека како следен претседател ќе создаде држава во која без разлика на етничката припадност секој ќе има можност да ги оствари своите соништа.

Османи го опиша Европскиот фронт како идеја чие време е дојдено. „Од исклучен народ сега сме народ кој го постигна првиот премиер Албанец. Го институционализиравме достоинството на нашиот народ. Почнавме да ги уриваме моноетничките тврдини: претседателот на Собранието, првиот премиер, но сè уште не сме завршиле, бидејќи сè уште имаме тврдина која за нас е забранета зона.

Оваа мисија е света и не случајна. Затоа ве повикувам да ја одобрите“, рече Османи.

Кандидатите за пратеници Блерим Беџети и Наим Бајрами побараа од младите масовна поддршка за Бујар Османи и Европскиот фронт. Поканија на 24 април и на 8 мај да биде запечатена големата победа на Фронтот, со која ќе се заокружи последната мисија за етничка еднаквост и ќе се заокружи европскиот сон на младите во Северна Македонија.

Во текот на денешниот ден, караванот на Бујар Османи пристигна во Сарај и неговата околина, односно во селата Кондово, Бојане и Копаница, се наведува во партиското соопштение.

притисни ентер