Заев му го предаде договорот на Мицкоски

Лидерот на ВМРО-ДПМНЕ Христијан Мицкоски попладнево во Владата имаше куса средба со премиерот Зоран Заев кој му го предал договорот за решение за спорот за името.

По средбата Мицкоски изјави дека тој и Заев имале куса средба затоа што, како што кажа, целокупната тема била исцрпена во текот на вчерашниот ден и тој немал што да додаде повеќе од она што го кажал на последните две прес-конференции.

Повтори дека овој договор за него и за ВМРО-ДПМНЕ е капитуалација на Република Македонија. 

- Тој договор сега ни е предаден нас, на ВМРО-ДПМНЕ. Од претседателот на Владата добив информација дека во текот на утрешниот ден договорот ќе помине на владина седница и ќе биде декласифициран, така што најверојатно веќе од утрешниот ден јавноста ќе  ги знае деталите и спецификите содржани во него. Ние доправа ќе го разгледуваме договорот така што ќе коментираме во деновите што следуваат, рече Мицкоски. 

Лидерот на ВМРО-ДПМНЕ рече дека договорот што веќе му е предаден денеска ќе биде анализиран во сите партиски комисии и органи оти во деновите што следат ќе повикаат консултации со МПЦ, Исламската верска заедница, МАНУ и со други општествени групи во Република Македонија. 

- Некој не доведе во една ваква незавидна ситуација. Си го приватизираше и монополизираше  целокупнииот овој процес. Сега не стави пред свршен чин да коментираме капитулација, но ние на денешната прес-конференција рековме дека ќе ги искористиме сите демократски и законски средства коишто ни стојат на располагање за да му пркосиме на истиот, рече Мицкоски. 

Лидерот на опозицициската ВМРО-ДПНЕ денеска имал средба и со претседателот Иванов на која ги повторил ставовите и позициите на неговата партија.

- Претседателот ме информираше дека во текот на денешниот ден ќе има обраќање до јавноста, рече Мицкоски не посочувајќи детали од разговорот со шефот на државата. 

Во врска  со тоа дали постои можност за промена на неговиот став за договорот меѓу Заев и Ципрас за спорот со името, Мицкоски рече дека врз основа на деталите што ги дознават деновиве и неговиот личен став и ставот на партијата стануваат уште поцврсти.

Растот на платите, обезбедените буџетски средства за нови капацитети и опрема се приоритет на Владата за текстилната индустрија

Министерот за финансии Драган Тевдовски и шефицата на кабинетот на Министерството за труд и социјална политика Санела Шкриељ,учествуваа на дебатата „Иднината во нашите очи“ во организација на фондацијата „Фридрих Еберт“.

Како што истакна министерот за финансии, целта на Владата е да обезбеди подобар живот за граѓаните и развој на економијата, а овие две цели се заемно поврзани. Тевдовски додаде дека токму поради тоа, Владата истовремено го поддржува и растот на платите, преку мерки како минималната плата, но и техничко-технолошкиот развој на компаниите за зголемување на продуктивноста, се наведува во соопштението од Владата. 

На дебатата во Штип, Тевдовски посочи дека растот на платите најмногу се гледа кај секторите за производство на текстил, облека и преработка на кожа, како области кои порано имаа плата под минималната, но сега прагот кај нив е изедначен со останатите сектори.

Министерот за финансии на трибината на манифестацијата „Текстилијада“ која се одржува по втор пат и која им овозможува на работниците и на работодавачите да ги споделат нивните теми од интерес, нагласи дека растот на платите влијае на покачување на продуктивноста на компаниите, бидејќи подобро платените работници се помотивирани и попродуктивни. Во таа насока, за да се поддржи зголемување на продуктивноста на компаниите, Владата обезбеди буџетски средства но и евтини кредити од Европската инвестициска банка, за да ги поддржи инвестициите во нови капацитети и опрема. Министерот рече дека зголемената продуктивност на компаниите на крај ќе се отслика на развојот на економијата во целост.

Во име на Министерството за труд и социјална политика, шефицата на кабинетот на министерката, Шкриељ нагласи дека изминатата година и пол МТСП интензивно работеше на законски решенија со кои се унапредуваат работничките права. Една од тие мерки е поддршката за раст на плати со кои на работниците им се исплаќа повисока минимална плата, а работодавачите добиваат поддршка за истата и од оваа мерка веќе се гледаат резултатите. Таа информираше дека во тек е и подготовка на нов закон за работни односи кој ќе биде усогласен со европските стандарди.

На дебатата учествуваа и Благој Бочварски и Николчо Илиев, како градоначалници на Штип и Кочани, градови со доминантно текстилна индустрија.

Шведскиот амбасадор Стафансон : Владата се чини дека го има потребното мнозинство

Шведскиот амбасадор во Македонија .Матс Стафансон на Твитер напиша дека во очекување на клучното гласањето во Парламентот, изгледа дека Владата го обезбедила потребното двотретинско мнозинство.

,,Вечерва во парламентот се очекува клучното гласање за Договорот од Преспа меѓу Македонија и Грција. По се изгледа дека Владата го има неопходното двотретинско  мнозинство. Со тоа конечно ќе ја отвори НАТО у ЕУ перспективата за Македонија. Многу новинарски извештаи за закани кон опозициските пратеници кои ќе гласаат „за“, напиша пред два часа амбасадорот Стафансон.

Павле Трајанов и Ристо Никовски во „Само Вистина“

ВМРО-ДПМНЕ во моментов е на браникот на татковината, рече Никовски. Трајанов на став дека ако се пропушти шансата сега Македонија ризикува.

За про и контра ставовите во однос на договорот со Грција, за уставните измени и актуелната политичка ситуација повеќе детали погледнете во најновото издание на  „Само Вистина“

притисни ентер