Гонзалес: Заслужено одиме на Мундијалот

Mакедонската ракометна репрезентација обезбеди пласман на Светското првенство, што во јануари 2019 година ќе се одржува во Германија и Данска.

Иако во реванш натпревар од баражот Македонија на гостувањето во Клуж загуби од Романија со 26:25, сепак благодарение на убедливата победа на првиот дуел во Скопје на кој славеше со 32:24  обезбеди шесто учество на Мундијалите.

Селекторот Раул Гонзалес смета дека целта е остварена и Македонија заслужено се пласираше.

-  Можеби изгледа дека беше лесно, но ние имавме контрола во целиот тек на натпреварот, дури и во ситуациите кога имавме и негатива. Имавме шанса и за победа на крај. Натпреварот беше тежок, имавме притисок, направивме грешки во играта, но играчите дадоа се од себе. Заслужено одиме на Мундијалот, затоа што бевме подобри. Романците мораа да ризикуваат со седум на шест, но Борко бранеше добро и нашата одбрана беше одлична, истакна Гонзалес.

Мундијалот ќе се одржи следната година во Германија и Данска од деветти до 27 јануари, а Македонија противниците ќе ги дознае на жрепката на 25 јуни во Копенхаген.

СП: Македонија го освои 15 место по победата над Чиле

Македонската ракометна репрезентација оствари победа против Чиле со 32-30 (16-16) во последниот меч од Светското првенство во Германија и Данска, со што го заврши Мундијалот на 15-тото место.

Македонија одигра ефикасно прво полувреме, но имаше доста пропусти во одбраната, а Манасков со два гола во финишот успеа да донесе нерешен резултат на паузата.

Во второто полувреме двете репрезентации се менуваа во водството, а клучна беше серијата на Лазаров од три гола, со која поведовме со 27-26, а по двете одбрани на Митревски, Манасков ни донесе два гола предност. До крајот се играше гол за гол за конечна победа на „жолто-црвените“.

Најефикасен во нашиот тим беше Лазаров со 9 гола, Манасков постигна 8, додека кај Чилеанците, Фојхман реализираше 9, додека Родриго Салинас реализираше седум погодоци.

Македонскиот тим го израмни пласманот од пред две години во Франција, кога исто така го заврши шампионатот на 15 место.

Лудница во Мелбурн – тенисер се соблече на теренот и го имитираше Ле Брон (ВИДЕО)

Откако пред два дена го изненади Кевин Андерсон во четири сета , американецот Франсис Тиафо , направи иненадување и на мечот против Андреас Сепи и влезе во осмина финалето на Аустралиа Опен.

Публиката во Мелбурн имаше можност да ужива и во емотивниот настап на Тиафо. Кога го доби натпреварот против Андерсон , го имитираше Ле Брон Џејмс со удирање по надлактиците , но отако го победи Сепи , направи шоу.

Тифоу зазтана среде терен , ја соблече маицата и почна на цел глас да вика имитирајќи го повторно Ле Брон. ,,Даааа, ете колку ова ми значи” , викаше Американецот , додека публиката го скандираше неговото име.

Американски кошаркар најден мртов во својот стан

Кошаркарот на францускиот второлигаш Нант , американецот Џермеин Маршал , почина во 28 година од животот.

Попладнево неговото тело било најдено во станот , а причината за смртта не е позната. Од клубот изразија сочуство до семејството , како и известување дека ќе се одложи натпреварот в недела против тимот на Ада Боис.

Џермеин е роден на 7 ноември 1990 во Пенсилванија. Почнал сериозно да се занимава со кошарка на Универзитетот во Аризона каде просечно давал по 11,2 поена.

Се обидел и во НБА , но не успеал па се решил да замине во Европа. Играл во тимови во Италија , Холандија , Финска и Франција.

притисни ентер