Почнува Светското фудбалско првенство во Русија

Со натпреварот меѓу домаќинот Русија и Саудиска Арабија денес во 17 часот од „Лужинки“ во Москва ќе стартува 21. Светско фудбалско првенство.

На Мундијалот ќе настапат 32 репрезентации поделени во осум групи.

Во А групата ќе играат: Русија, Уругвај, Египет и Саудиска Арабија.

Групата Б ја сиочинуваат: Шпанија, Португалија, Иран и Мароко.

Ц-група: Франција, Австралија, Данска и Перу.

Во Д-групата ќе играат: Аргентина, Хрватска, Нигерија и Исланд.

Селекции кои ќе играат во Е-групата: Бразил, Швајцарија, Србија и Костарика.

Четирите учесници во групата Ф се: Германија, Мексико, Шведска и Јужна Кореја.

Белгија, Англија, Тунис и Панама ќе се натпреваруваат во Г-групата.

Х-група: Полска, Колумбија, Јапонија, Сенегал.

Ќе се игра по систем секој со секого, а првите две од секоја група одат во следната рунда. Групната фаза ќе трае од 14 до 28 јуни. Осминафиналето ќе се игра од 30 јуни до 3 јули. Четвртфиналето е закажано за 6 и 7 јули, а полуфиналните дуели за 10 и 11 јули. На 14 јули е натпреварот за 3.место, а финалето ќе се игра на 15 јули.

Мундијалот ќе се игра на 12 стадиони во 11 градови>

Москва - „Лужники" (капацитет 81.000 илјади) „Откритие Арена“ (45.360)

Санкт Петербург – „Крестовскиј“ (68.134)

Казан – „Казан Арена“ (45.379)

Калинград – „Калинград Стадиум“ (35.212)

Сочи – „Фишт“ (47.659)

Волгоград – „Волгоград Арена“ (45.568)

Саранск – „Мордовија Арена“ (44.442)

Нижниј Новгород – „Нижни Новгород“ (44.899)

Самара – „Самара Арена“ или „Космос Арена“ (44.918)

Ростов на Дон – „Ростов Арена“ (45.000)

Екатеринбург – „Екатеринбург Арена“ (35.696).

За изградба и модернизација на објектите за СП, Русија вложи околу девет милијарди евра.

Влезниците за натпреварите во зависност од фазите се по цена од 90 до 950 евра.

Бранител на трофејот е Германија. Се очекува ова да биде едно од најнеизвесните првенства. Нема изразен фаворит, а меѓу најголемите претенденти за трофејот според фудбалските аналитичари се Бразил, Германија, Шпанија, Аргентина и Франција.

Досега најмногу трофеи има Бразил – пет, но „кариоките“ не биле на тронот уште од 2002 година и се надеваат дека ова е голема шанса повторно да го освојат Мундијалот.

Барселона и Нејмар ги продолжуваат судските битки

Барселона и Нејмар продолжуваат со судските битки и во позадина на ова, евентуалното враќање на Бразилецот на „Камп Ноу“ се чини малку веројатно, тврди „АС“.

Поранешниот играч на каталонците претендира за исплата на бонус во висина од 28,6 милиони евра, кои требало да ги добие за потпишувањето на договорот со Барселона во јули 2016 година. Каталонците, сепак, бараат надомест од 75 милиони евра.

Во летото минатата година, Нејмар беше привлечен од Пари Сен Жермен, кој ја плати неговата клаузула за предвремено раскинување на договорот во износ од 222 милиони евра. Според информација на „АС“, Нејмар требало да добие 40 милиони евра од Барселона поради обновувањето на неговиот договор. Овој износ беше поделен на две транши. Првата од 14 милиони Нејмар ја добил , а вториот дел требаше да се плати една година подоцна непосредно пред да замине од Париз, но тоа не се случи.

Бразилецот, исто така, бара компензација за одложувањето во размер од 2,6 милиони евра. Барселона, сепак, поднесе против-барање за 75 милиони евра, кои вклучуваат и 9 милиони за раскинување на договорот. 

„Билд": Венгер ќе го замени Ковач на чело на Баерн

 Во Минхен денеска ќе се одржи вонредна прес-конференција на Баерн, на која се очекува да биде објавено разрешувањето на тренерот Нико Ковач и неговата замена со Арсен Венгер, соопшти „Билд“.

Францускиот стратег неодамна потврди дека планира да започне со работа на 1 јануари. Тој 22 години беше менаџер на лондонски Арсенал и го напушти клубот по крајот на минатата сезона. Баерн Минхен моментално е само шести во Бундеслигата, заостанувајќи четири поени од Борусија Дортмунд.

Во Лигата на шампионите Баварците освоија четири поени во два натпревара и се втори во групата „Е“. Досега тие се во серија од четири натпревари без победа на различни турнири.

На денешната прес-конференција ќе присуствува и претседателот на управата на Баерн, Карл-Хајнц Румениге и спортскиот директор Хасан Салихамиџиќ. 

ЦСКА Москва со трета победа во Евролигата

 Екипата на ЦСКА Москва ја забележа третата последователна победа во кошаркарската Евролига по успехот над турскиот тим Дарушафака со 79:75.

„Армејците“ губеа со седум поени на полувремето, но тие одиграа многу силна трета четвртина, во која поведоа и го задржаа водството до крајот. 

Со победата, ЦСКА е на врвот на табелата со шест поени.

Барселона, пак, го совлада Баерн Минхен со 83:73 во уште еден натпревар од третиот круг. Анте Томиќ постигна 18 поени за Барса, а за Баварците со 16 поени заврши Ло Маодо.

За Барселона ова е прва победа во првите три натпревари од Евролигата и тимот го зазема седмото место на табелата. Баерн има слични индикатори и е на деветата позиција.

Панатинаикос ја победи Гран Канарија со 102:87. Дуелот беше изедначен само во првиот дел, по што Грците направија солидно водство, кое го одржуваа до крај. Кит Лангфорд и Лукас Лекавикус постигнаа 16 поени за победата.

Макаби Тел Авив ја забележа првата победа за сезоната по 78:68 над Будуќност. Скоти Вилбакин постигна 28 поени за Макаби.

Натпревари од 3.коло во Евролига:

ЦСКА Москва - Дарушафака 79:75

Будуќност - Макаби Тел Авив 68:78

Панатинаикос - Гран Канарија 102:87

Барселона - Баерн Минхен 83:73.

притисни ентер