Во Русија стартува 21 Светски фудбалски шампионат, сите ја сонуваат „Богињата“

Очите на милијарди луѓе од целата планета во следните месец дена ќе бидат свртени кон Русија. 

Каде од денеска па се до 15 јули  најдобрите 32 светски селекции ќе се борат за тронот на  21 Фудбалски Мундијал.

Најзначајниот спортски настан годинава како и многу претходни ќе мине без учество на селекцијата на Македонија, честа на поранешна Југославија ќе ја бранат репрезентациите на Србија и Хрватска.

Од моментот кога во 2014 година во Бразил беше завршено финалето на Светскиот шампионат меѓу Германија и Бразил вљубениците во најважната споредна работа на светот фудбалот со нетрпение очекуваа популарната буба мара повторно да се стркала на зелениот терен и да започна битката за популарната „Богиња“.

Мундијалот во Русија  по многу што ќе биде посебен. Тоа е првиот Светски фудбалски шампионат кој се игра во Источниот дел на Европа, а воедно ќе биде и премиерниот Мундијал на кој ќе се користи видео – технологија за сите сомнителни ситуации.  

Домаќинот Русија максимално сериозно ја сфатил организацијата на првенството , посебно кога е во прашање безбедноста на фудбалерите но, и на навивачите. На секој чекор може да се видат полицајци, сообраќајци...

Свеченото отворање на Светскиот шампионат е закажано за денеска во 16 и 30 часот по средноевропско време, а во 17 часот започнува и премиерниот дуел меѓу домаќинот Русија и селекцијата на Саудиска Арабија. Засега се продадени рекордни 2,7 милиони  влезници за 64 натпревари на Мундијалот.

Инаку ова ќе биде уште една смотра на која фудбалерите ќе се обидат да рушат разни рекорди.

Шампионскиот трофеј, популарната „Богиња“ ја брани селекцијата на Германија.

Годинава  во улога на фаворити за титулата  покрај популарните „панцири“ Германците се и репрезентациите на Аргентина, Бразил, Шпанија, Франција, Белгија ....Но, секако во следите 30 дена сите учесници ќе ја сонуваат „Богињата“ и ќе се надеваат на некакво чудо.

Во А групата ќе играат: Русија, Уругвај, Египет и Саудиска Арабија.

Групата Б ја сиочинуваат: Шпанија, Португалија, Иран и Мароко.

Ц-група: Франција, Австралија, Данска и Перу.

Во Д-групата ќе играат: Аргентина, Хрватска, Нигерија и Исланд.

Селекции кои ќе играат во Е-групата: Бразил, Швајцарија, Србија и Костарика.

Четирите учесници во групата Ф се: Германија, Мексико, Шведска и Јужна Кореја.

Белгија, Англија, Тунис и Панама ќе се натпреваруваат во Г-групата.

Х-група: Полска, Колумбија, Јапонија, Сенегал.

Ќе се игра по систем секој со секого, а првите две од секоја група одат во следната рунда. Групната фаза ќе трае од 14 до 28 јуни. Осминафиналето ќе се игра од 30 јуни до 3 јули. Четвртфиналето е закажано за 6 и 7 јули, а полуфиналните дуели за 10 и 11 јули. На 14 јули е натпреварот за 3.место, а финалето ќе се игра на 15 јули.

Мундијалот ќе се игра на 12 стадиони во 11 градови>

Москва - „Лужники" (капацитет 81.000 илјади) „Откритие Арена“ (45.360)

Санкт Петербург – „Крестовскиј“ (68.134)

Казан – „Казан Арена“ (45.379)

Калинград – „Калинград Стадиум“ (35.212)

Сочи – „Фишт“ (47.659)

Волгоград – „Волгоград Арена“ (45.568)

Саранск – „Мордовија Арена“ (44.442)

Нижниј Новгород – „Нижни Новгород“ (44.899)

Самара – „Самара Арена“ или „Космос Арена“ (44.918)

Ростов на Дон – „Ростов Арена“ (45.000)

Екатеринбург – „Екатеринбург Арена“ (35.696).

Инаку  наградниот фонд на Мундијалот во Русија е огромен . Светскиот шампион ќе добие 38 000 000 долари, вицешампионат 28 000 000, бронзата носи 24 000 000 долари, а четвртото место два милиони долари помалку.

За пласманот во четврфиналето селекциите ќе добијат по 16 000 000 долари, а 12 мил. Долари  осминафиналистите. За настапот во групната фаза  репрезентациите ќе добијат од ФИФА по 8 милиони долари, што значи дека вкупно ќе бидат исплатени точно 400 000 000 долари.

Светски шампиони:

1930. Уругвај

1934.Италија

1938. Италија

1950. Уругвај

1954.Германија

1958.Бразил

1962.Бразил

1966. Англија

1970.Бразил

1974.Германија

1978. Аргентина

1982. Италија

1986. Аргентина

1990.Германија

1994.Бразил

1998.Франција

2002.Бразил

2006.Италија

2010.Шпанија

2014. Германија.

Пеколни температури: Австралиец испекол парче месо во автомобилот

Маж од гратчето Милдур во Австралија објавил фотографија на која сакал да му покаже на светот колку е жешко во неговата земја.

Тој оставил свежо парче месо во својот автомобил кој бил паркиран на сонце, а после само неколку часа ова парче месо било испечено и спремно за послужување.

„Овој експеримент го направив околу 11 часот претпладне. Го оставив парчето месо во автомобилот кој делумно беше под сенка. Се вратив околу 16 часот и месото беше спремно за послужување“ – напишал анонимниот Австралиец.

Тој во описот на фотографијата им порачал на своите сограѓани дека мораат да внимаваат на тоа дали во автомобилот ќе ги остават домашните миленици, постарите лица или децата.

„Мораме да внимавање на овој топлотен бран кој ја зафати Австралија“ – напишал овој маж.

Многу од неговите сограѓани ја коментираа фотографијата и истакнаа дека невозможно е да се испече парче месо на сонце во автомобил, а има и такви кои се согласуваат со овој Австралиец.

Неверојатен подвиг: Претрчал 40 километри на -52 степени во Сибир

Италијанскиот љубител на екстремните спортови, Паоло Вентурини, претрчал скоро 40 километри на температура од минус 52 степени Целзиусови во подрачјето Омјакон во руската Република Јакутија, соопштиле од локалното одделение за надворешни односи.

Од прес службата на одделението соопштено е дека Вентурини трчал три часа, 54 минути десет секунди и во тој период поминал оддалеченост од 39,12 километри од Томтор до Омјакон.

Маратонецот бил следен од тим на лекари, преведувач и камерман, кој снима документарец за патувањата на Италијанецот во Русија, јави Тасс.

Вентурини, кој работи како полицаец во италијанскиот град Падова, минатата година претрчал 75 километри во иранската пустина, каде температурата достигнала 67 степени Целзиусови.

Италијанецот има голем број на обожаватели, како од Италија така и од останатите земји, кои ги следат неговите подвизи.

Потрошила огромна сума на пари за крема против брчки: Направена е од нејзината крв

Сопругата на поранешниот фудбалер Дејвид Бекам потрошила 1350 евра за новата хидрирачка крема за лице направен од нејзината сопствена крв.

Модбата дизајнерка се пофали на социјалните мрежи дека користи крема против брчки направен специјално за неа.

Идејата за новата крема за лице, Викторија ја добила минатата недела кога ќерката Харпер (7) ја однела на третман за лице во Германија на клиниката кај популарната докторка Барбара Сурм.

Оваа популарна докторка е позната по својот третман за лице познат и како “вампирско лице“ каде крвта се вбризгува во “проблематичните места“ на лицето и така и помагаат на кожата побрзо да зарасне.

Овој третман за лице е еден од најпопуларните во Холивуд, а се со цел во вечната борба да се спречи стареењето.

Викторија Бекам инаку е позната по тоа што не штеди кога станува збор за борбата против брчките. Во јануари минатата година изјавила дека одвојувала и по 800 евра за производи кои се користат во секојдневната нега на лицето, за нега на телото користи производи во вредност од 500 евра, а за нега на косата одвојува и до 140 евра.

притисни ентер