Министерот Дураки оствари работна средба со претставници на ЕЕА

 Министерот за животна средина и просторно планирање Садула Дураки денеска оствари работна средба со високите претставници од Европската агенција за животна средина (ЕЕА), предводени од извршниот директор Ханс Брунинкс.

На средбата, како што информира Министерството за животна средина и просторно планирање, се разговараше за улогата на ЕЕА во правец на обезбедување на квалитетни и интегрирани податоци за животна средина, индикатори, проценки и тематски анализи со цел да се обезбеди солидна база на решенија за политики во животната средина во ЕУ.

Соработката, како што се наведува во соопштението, ги опфаќа не само државите членки, туку и државите кандидати и потенцијални кандидати и оние кои се опфатени со Европската соседска политика.

- Посебен акцент беше ставен на долгогодишната соработка со Македонски информативен центар за животна средина која беше оценета со највисоки оценки, а Република Македонија во овој дел е оценета како една од најдобрите во регионот. Двете страни се заложија за продолжување и унапредување на соработката, особено во услови на унапредување на претпристаните процеси кон Европската унија, соопшти Министерството за животна средина и просторно планирање. 

Средбата е во рамки на третата официјаната посета на Република Македонија од страна на Европската агенција за животна средина (ЕЕА). 

Седница на Комисијата за прашања на изборите и именувањата

Во Собранието на Република Македонија денеска седница ќе одржи Комисијата за прашања на изборите и именувањата.

Членовите на оваа комисија ќе ја разгледаат Предлог-одлуката за избор на претседател и членови на Советот за граѓански надзор./МИА

Генералната секретарка на Регионалниот совет за соработка во посета на Македонија

Новоназначената генерална секретарка на Регионалниот совет за соработка (РСС), Мајлинда Брегу денеска престојува во работна посета на Македонија.

Брегу за време на посетата на Скопје е предвидено да има средба со вицепремиерот задолжен за европски прашања Бујар Османи.

Пред почетокот на средбата предвидена е и прес-конференција на Османи и Брегу.

Мајлинда Брегу на почетокот на годинава ја презеде должноста генерална секретарка на Регионалниот совет за соработка, извршно тело на Процесот за соработка во Југоисточна Европа, чиј основач и полноправен член е и Република Македонија. Таа на функција дојде откако во април минатата година министрите за надворешни работи на земјите-членки на Процесот, на самитот во Словенија.

Мајлинда Брегу е искусна политичарка од Албанија, поранешна министерка за евроинтеграции, која силно ја поддржува Европската унија.

Брегу функцијата ја презеде од Горан Свилановиќ, кој беше на чело на Регионалниот совет за соработка од 2013 до 2018 година, во два мандата./МИА

Обилни врнежи од снег се најавени за следната недела

Краткотраен спас од загадениот воздух најверојатно ќе дојде со промената на времето и најавениот ветер.

Од УХМР велат дека во наредните денови следува период на променливо облачно време со повремени локални врнежи од дожд на пониските и снег на  повисоките места и  планините.

Во втората половина од следната недела врнежите се очекува да бидат по обилни, прогнозираат синоптичарите.

притисни ентер